play list

24 June 2012

灣仔黃屋

灣仔黃屋

又參加左睇灣仔舊樓,今次有得上埋樓睇,原本以為係睇藍屋但因仲有人住所以就去左黃屋,上一次睇時已知佢係二十年代既樓,所以上到去都大約知係舊成點,而且知道一間屋係住好多伙人既
係好黑既樓梯上去,第一間參觀既係一樓轉左既屋一,入到去一個好細既area,基本上咩都冇,大約企到8-10個人度,guide話依度係公眾空間,前少少係兩間好細既房,已經住左兩伙人,再上面係一個閣樓再過少少門頂既都有一個小閣樓,相信再住多二伙,一間好細既堅已經住左四伙人,面積應該冇三百尺,但樓底高而且多窗,所以都算做光猛通風
再過對面係屋二,因拆晒d板,所以感覺上大d,睇地下既痕跡,應該都住左三伙人,樓梯底有好得意既皮裝飾,問過原來係隔聲用既,因上上落落訓樓梯底會好嘈,所以整左d皮落去,而且仲有好多釘,guide話依伙人物盡其用,用晒樓梯底既空間放野,因眼見只得一張床既範圍,真係比較細,出少少介紹左個門口,門頂有個自製既頂架,原來係怕人由樓梯頂爬入,所以整左個頂架,前少少係一個比較隱蔽既防盜眼,幾特別

上樓上轉左係二樓既屋一,因黃屋只有兩層,所以係屋入面已見頂,係非常原始一層層疊上去既瓦頂,仲係原來既木樑但已加左少少鐵黎支撐頂樓,依度留有一間小房,guide話係比住係上面既人放野既地方,又真係一張床咁大,睇地下既痕,又係間晒房既,地下既磚係我好喜歡既舊pattern


再過對面係另一間,基本上同之前一間差不多,但依度既廚房(屋一既廚房係屋出面樓梯對上既位置屋二既就係屋入面)有條樓梯可以上天台,但因日久失修所以冇得上去

落番去既樓梯都幾特別,雖然睇木板已經係加鋪或重新整過既,但頂同中間既位置仍幾古舊下,聽講遲下整好後,設計係藍黃燈屋中間既空地整電梯再加一個小平台打通晒三座樓,話會租比人,價錢大約20蚊尺,即係六千蚊,對比起出面既二萬蚊真係平好多,但好在都係比原居民優先,唔係又唔知變左咩樣,希望幾年後唔好太大改變就好了


<09/06/12>
Photo Link <<<<<<

2 comments:

茉拉球 said...

拍片都應該幾有FEEL。。

face said...

yes,話晒80幾年歷史,而且我相當改動唔大,雖然冇藍屋咁正,但同佢差唔多歷史,都幾古老下架,不過遲下唔知整成點lu,不過好在係街坊攪都算仲有少少希望