Human Right Documentary Film Festival 2016

今年人權電影節明顯多人參加,本來選了5套但買票時有2套full house了,而且選了不同日子結果也是一樣,sad

Full House
Frame by Frame(鎖不住的鏡頭) - [Afghanistan]
Under the Sun(幸福北韓) - [Czech Republic, Russia, Germany, Latvia, North Korea]

01. Two Death Row Inmates(帶著矛盾判死刑) - [Japan]
02. Caricaturistes, fantassins de la démocratie(Cartoonists: Foot Soldiers of Democracy?,漫畫爆高牆) - [France]
03. 沒有電影的電影節(A Filmless Festiva) - [China]

[31/08/16]

人間蒸發-香港郊野失蹤實錄

剛看完四分之三的香港(台灣作者,主要介紹香港比較容易行走的古道),接著就看此書,當中有5個香港失蹤故事,第一個當然是香港郊外失蹤最多人提及的丁利華失蹤事件,其實找這本書的源由是因前些日子剛好有另一位行山人士失蹤,地點正好在丁sir最有可能失蹤的地點大枕蓋大蚊山之間,所以就找了此書看看,當然和對上一本四分之三的香港有很大差別(前者感覺香港的山非常容易及安全但後者則非常險峻危機四伏),anyway,此書由凌sir說出了香港郊區搜救的困難及心得,當然亦有失蹤者不幸的事故分析,還不錯吧,喜歡行山的人士可一看

[29/08/16]

路邊野餐

~~路邊野餐(Kaili Blues) - [2016]~~

像夢又像詩的電影,迷一般的主角,不知由那點開始那一點結束,故事是圍繞他和他身邊曾經的人,沒有一定的走向一定的節奏,畫面時間人物可能是跳接或前後走向不一,當中40分鐘的長鏡頭最為夢幻而吸引,整部片支雜破碎又不失吸引性,而且有種親和感,又隨意又舒服,感覺不錯的電影,可一看

[30/08/16]
Photo Link

關人7事

~~關人7事(Seven To One) - [2009]~~

沒太多彭發的作品風格,處理上算有趣,而且太久沒看這類簡單地道直接的港片,還算可以一看吧

[24/08/16]
Photo Link

Mother Küsters Goes to Heaven

~~Mutter Küsters' Fahrt zum Himmel(Mother Küsters Goes to Heaven,卡斯特婆婆升天記) - [1975]~~

一個終身為家的婦人因失去丈夫而步入各種教派的經歷,爭拗掙扎衝突,對話及態度隔閡冷血而刻薄,令人心寒,現實而可悲的故事,究竟是社會是家人還是教中人的不是,很難說清楚,大抵是缺一不可吧,被利用也是重視的一種,小人物悲劇下不同的擺弄,結果是一個又一個的悲劇,簡約而意味深,導演留有美好的一個結局,算是送觀眾苦中一粒糖吧

[06/08/16]
Photo Link

alt-J (∆) - Breezeblocks

alt-J (∆)的歌很多時也帶有死亡的題材,歌非常不錯

汕頭開埠尋跡 - Day.03(21Apr14)

貳零壹肆年肆月拾玖至貳拾壹日 - 汕頭開埠尋跡

21 Apr 2013 Mon 汕頭 Cloudy day

Last一日係汕頭,本身因參觀海關行程既改動,所以本來第三日已無活動,但因我地太柔閒慢慢來,所以石炮台公園我地係未睇既,咁呢,我地由本身10點先集合改為8點半集合了,我之前一日仲諗住行下街市添,算了

食完早餐羅好行李就坐車去海旁既石炮台公園睇入面清末時期遺留落黎既崎碌炮台,炮台既城牆保存得幾好,外圍仲有條細細既護城河,d水都仲幾乾淨(因依幾日有時經過d河真係污糟到爆,塞滿垃圾)行入少少見到城牆留有炮彈痕跡,不過因用料良好,所以損害不大,再前少少聽到有人唱戲,雖然時間仲係好早,不過內地都成日見,有時佢地某d生活又確實幾柔閒,行行下就見崎碌炮台個入口,穿過牌樓行上炮台,d樓梯係波紋型石階,咁整係方便運送炮台彈藥,不過聽導遊講,雖然有好多口炮,但其實好多火力都係好差,只有一口炮可以做到長距離射擊,而且一開炮就整個城都係煙,所以依個炮台用黎靠嚇既作用多於實際,真攪笑

上到炮台,見到好多一個個既石亭,有窿可以通到樓下,作用係同地下面既軍人聯絡,係香港都見過咁上下既東西,不過就唔係咁樣一排排咁多個石亭,而大炮呢,就已經係仿製既,真跡已經比人溶左了,好彩依個城牆唔係香港,唔係應該會比日本人拆晒邊仲有得留低

睇完炮台就去海旁睇下海同對面既舊軍事建築,有個媽祖廟聽講仲有個英國領事館,當年日本人打依度,有d人就走過去對岸既領事館避難,雖然佢無鯉魚門咁窄,但其實都唔算太遠距離,不過因汕頭既海好多沙泥堆積,所以當時既海應該遠好多,實際比例真係唔知了

加下依度除左見到有d漁民係度泊船同上落(見有漁民揹住d魚係知邊度行過海旁同跨過石駁爬長樓梯落船,亦見有市民同佢地買魚經過,不過眼見d魚已經死晒,可能係街市賣剩既魚獲掛),仲有水警船,大輪船等等停泊,導遊話依度一整條海旁都係碼頭,可以上落同停泊船隻,而再前少少就係海軍船,不過太遠睇唔到了,睇左陣就走人搭車去高鐵站了

雖然話唔再坐4個幾鐘車由汕頭落深圳,但動車(唔係高鐵)都要2個半鐘又一個鐘前到車站而且依個潮汕車站又其實係潮州而唔係汕頭,都要坐成大半個鐘先到,所以覺得坐動車都唔見得有咩著數,仲要成164蚊人仔,如果自己上黎,我估都係坐直通車算了,雖然都應該唔會再黎,哈

總體感覺依度真係有少少似香港廣州又或者上海,係街度行仲有種回到5-60年代既感到,但d建築都真係無咩維修保養溶溶爛爛危樓處處咁,但佢外牆d雕花又真係比起其他既地方細緻,可能因汕頭經濟發展停滯不前我地先仲有機會睇到依類咁raw既建築了,中國既拆樓情況可能比香港更快,唔知汕頭依個景象會保持到幾耐了

Back  to Day.01a

[19to21/04/14]

Photo Link <<<<<<<<<<<<<

汕頭開埠尋跡 - Day.02(20Apr14)

貳零壹肆年肆月拾玖至貳拾壹日 - 汕頭開埠尋跡

20 Apr 2013 Sun澄海區樟林古港,前美古村 Cloudy day

0800早餐後就出發到比較遠少少既樟林古港,去到已經差唔多10點,首先睇左樟林古港陳列館,有潮汕出名既紅頭船模型(聽講佢地琴晚行左出海邊岩岩見到2隻紅頭船泊左埋岸,可惜我無跟佢地行出去),又講左本身樟林古港既地型,前鋪後水道既特色古屋(聽講香港既大澳仲有一兩間同類型既舊鋪),睇左陣就開始行入去東里鎮睇舊街舊屋了,開始時見到有河,雖然仲係流動緊既但都非常多垃圾,不過又有人係度洗菜洗衫咁,見佢地洗洗下仲有袋垃圾飄過,不過佢地當之為無物,可能慣左就無咩野了,行左陣導遊先生就要call番之前介紹陳列館既村民,原來係想搵唔到入既新興街既入口,所以要搵佢帶路,好快咁行過多一段路就搵到新興街既入口了

可能因係重要街道,入口設有牌坊,一入門口既舊屋又爛又殘不過睇得出本身係幾靚既建築物,再行就係一排舊屋,可能依度既地方無咩外人而且又算幾偏僻,所以依度既村民基本上係唔關門既,村民關係同治安應該幾好,感覺上有少少似元朗舊墟既村屋,而且依度既門口有八掛雕刻,雖然已經又朦又舊,但都幾精細,有d門口甚至有石雕刻,至於前鋪後水道就比較難睇到,不過有間爛左既屋得番個門口係度就明顯見到屋後既河流,當時係由外海運貨再入河流,由河流直接上貨入屋,前鋪後水道,加上細緻既雕刻,當時應該係非常繁盛既一條街,不過已經荒廢,雖然行去河流仍見到好多石屋係度,不過好多已經破破落落,有人住但感覺危樓一樣,如果唔維修唔知可以挨到幾耐,番轉頭時有個阿婆請我地入屋(之前佢已經拉住我係咁講野,不過我聽唔明,只知佢叫我地要去睇左邊同右邊既東西,但就唔知係咩),入面有條走廊旁邊有幾間房,不過已經爛晒,屋頂亦有好多已穿,行到尾再出就係河道,有人識聽潮汕話,原來依度本身有幾家人住但加下只剩阿婆係度,雖然係咁,但阿婆都仲幾壯健,我地快速睇完婆婆間屋就要走了,依度仲有狗肉店,怪不知唔多見流浪狗啦,哈

下一站係前美古村陳慈黌故居,好大既地方,開放既只係其中一處叫善居室既地方,但亦好大好多間房,佈置中西夾雜,地下同門窗既磁磚同雕花好靚,某d帶有中東色彩,保存得還算不錯,但就唔統一,好似好亂咁而且明顯睇出係未整好既,睇完陳慈黌故居就走食飯了

食完飯已經差唔多三點,去左之前約好平時唔會對外開放既汕頭海關關史陳列館,聽導遊講佢都係第一次入去,平時依度係四邊圍板外面既人都唔知入面係咩,不過我地係以文化交流為目的,所以就特別開放比我地,仲有專人接待同介紹,入面既收藏幾豐富,主要係講海防既資料,而且仲有民國時期既展品,建築物呢就非常西化,類似中環警局既格局,幾值得欣賞

最後我地去左存心善堂,依個事先無約到,不過經接觸後就可以比我地入去睇,依個存心善堂係一個類似香港東華三院既慈善機構,由鼠疫開始成立會進行救濟安排殮葬等等,睇過當年殮葬死囚既名單,非常仔細,連棺木既型號都寫得清清楚楚,亦介紹左存心善堂個logo係代表咩(正方型既心,代表正直善心等等),善堂入面有非常漂亮高雅既木台木椅,感覺價值不菲,仲有其他古舊物品,果然依類大型既慈善機構就係非常有錢,睇完過左隔離既存心學校睇,係弱能學校,我地到時已經放學,不過有十個八個學生係度,無寄宿係度既孤兒,依度環境非常唔錯,佢地算係相當幸運既一群了

睇完就去食飯,係政府指定食牛肉火鍋既地方,聽到咁都知唔荒會太好食,果然一般,食完就番酒店,我呢就再出左去食多次甜生果,原來糖水浸過既怪不知幾好食,食完無咩攪就訓了

To Day.03

[19to21/04/14]

Photo Link <<<<<<<<<<<<<<