~~二十四の瞳(Twenty-Four Eyes,二十四隻眼睛) - [1954]~~早期的日本寫實電影,圍繞當時的社會問題,沒有點點的矯揉造作,說的是二十年的故事,人物經歷故事大多是點到即止但說到反戰就著墨較多而且明顯,雖長但相當值得一看
[06/07/16]
Photo Link
06 July 2016
二十四隻眼睛
~~二十四の瞳(Twenty-Four Eyes,二十四隻眼睛) - [1954]~~早期的日本寫實電影,圍繞當時的社會問題,沒有點點的矯揉造作,說的是二十年的故事,人物經歷故事大多是點到即止但說到反戰就著墨較多而且明顯,雖長但相當值得一看
[06/07/16]
Photo Link
03 July 2016
Bear Story
美麗與悲慘的故事,簡約的手法,精美的畫面,動人的音樂,去講述一個野蠻專制的政權,活在當下的小市民,家破人亡,可以是被壓迫的人類也可以是活在馬戲團或動物團的動物,被剝削的自由及生存,留於音樂盒中的夢,太可悲了
[03/07/16]
Photo Link
葵青－舊貌新顏．傳承與突破
葵青區議會有全書下載,如住過或住在此區不妨一看
[30/06/16]
02 July 2016
西貢碼頭
貳零壹肆年參月拾伍日 - 西貢碼頭
完左鹽田梓之行,番到出西貢碼頭,雖然行山成日都經西貢市中心,但其實碼頭果邊好多次都係路過,無咩真正睇下依度點,今次番到去差唔多5點,好熱鬧下
一排細船仔泊晒係碼頭邊,上面欄杆就有一堆人係度望落去,我當然又襯熱鬧睇下啦,每隻船都有好多一盤盤既海鮮,五顏六色一格格咁但無寫價錢,想買就咁嗌落去問價,價錢岩既就會由船上既人即剖開或就咁加海水入袋,再用一個長網隊上路面既欄杆度,買既人就會叫係欄杆邊既人睇錢岩既就會放番落個網度由船家收番d錢,成個過程都好快手下,幾有趣
[15/03/14]
Photo Link <<<<<<<<<<<
01 July 2016
教堂鐘聲茶粿香 – 鹽田梓悠遊行(Part.02)
貳零壹肆年參月拾伍日 - 教堂鐘聲茶粿香 – 鹽田梓悠遊行
出番去後面就係左聖若瑟小堂,相當簡約既教堂,但屬於二級歷史建築,而且亦係聯合國教科文組織亞太區文化保諼獎,因聽講依度雖然細細地,但保留得好好,而且彩玻璃係最難修復,所以用左好多時間去搵同整番好d玻璃,望落幾好,仲有個金屬十字架都好精美,門口既十字架等等,都幾多細緻位,唔錯
出番穿過舊到生晒草但又好岩影相既舊屋,行左去遠少少既活泉井,水清而且好滿但因怕人整烏糟左d水,所以有鎖,再行就上涼亭,都有一段上山小路,當中見到山橙,較細隻個樣真係好似橙不過有劇毒人類唔食得,再行經過一條生到上頂既草同樹,連埋一齊好似隧道咁,可惜無咩陽光,唔係應該幾靚
經過又見到果實,長長地圓圓地,原來依d叫薏苡,即係我地食開既薏米,早期鹽田梓依度既村民會將佢曬乾用黎念珠,所以又叫念珠草,再見就係牛眼馬錢,好似桔咁,不過又有劇毒,香港四大毒草之一,嗯
再上多少少斜就到山頂了,望遠少少山頭仔就係墳場,因係信天主教既,所以有d墳上有十架,依度有個涼亭,可以望番落村,又可望西貢既山又有海咁,幾好view,除左望村,亦可見滘西洲golf club,中間係三丫口,有防波堤,仲有隻船係度添,前少少有幾個燒烤爐,不過村民話唔會有人上黎燒,因太遠同唔方便,所以起黎唔知做咩,哈
又見另一種植物,叫兩面針,名乎其實,葉面同底都真係有針,有小毒(又有毒!!),不過可以藥用,平時行山時較少見,仲有一種叫梔子(水橫枝),個樣好似見過下,依個無毒可入藥
落山時對面圓圓地既島叫罐杉環,無人住既,不過就好近鹽田梓,下一站去玉帶橋,兩邊都係水靜既地方,算係幾清,條橋有新舊痕跡,最下面係舊橋再上係新加建,起高左好多,睇完番轉頭行去紅樹林同鹽田,紅樹林當然多水筆仔,佢一跌落地如果直插入泥就會生另一棵,如果訓低左就無咁好彩了,當然仲有蟹仔同螺仔啦
過少少就係鹽田,得d水同泥,鹽應該仲曬緊掛,望番上去就係我地起步既村公所同客家屋,依度可以行番樓梯上去,地下有個三角型logo同寫有1964年,係大專學生社會服務隊當時幫手起依條路既印記
上番去就已經完成左我地既行程不過仲有last一個活動,就係學整客家茶粿了,我地整既係雞屎籐,黑色既, 雞屎籐葉都係附近羅番黎既,放茶粿底既葉當然都係係附近羅架啦,先將雞屎籐攪碎再加糖同麵粉攪埋就可以了,同一時間仲整埋綠色既艾草,不過比我地整既就係黑色雞屎籐啦,隔離都有檔賣緊茶粿,有4色黑色(雞屎藤),白色(花生),橙色(番薯),綠色(艾草),要黎賣既梗係整得靚仔好多啦,我地既就好多唔同形狀咁啦,之後羅去隔水蒸,完成,我整既都唔太核突,算食得落口啦
整好晒差唔多走人了,依度幾好玩,而且影相位都算多,近近地都係不錯既選擇
[15/03/14]
Photo Link <<<<<<<<<<<<<
Subscribe to:
Posts (Atom)
