The Child

The Child,~~L'enfant(半熟爸爸) - [2005]~~

非一般的電影,獲不少獎項.故事一開始以一個年紀甚輕的母親抱住個喊緊既bb去搵主角,可惜依個不負責既父親一早已將間屋租左出去而電話亦一直不接,佢亦從未正面望向依個新生bb,第一次抱佢只為要將佢當貨物咁賣出去,平時既生活只以偷同搶,而所得既錢只係為飲酒,買衫,從未為將來打算,新出世既bb對佢黎講並無意義,主角不止一次講將個bb賣出去係新生活既開始,但依班年青人既生活及價值觀只係冇承擔,冇成長,亦冇任何前景可言,佢地並冇徹底沉淪,但得出來效果相當無奈,英文名the child不單止講依個岩岩出世既bb,亦同時講埋依個岩岩為人父既亦係孩子一名,佢唔願工作亦不願承擔父親,丈夫又或者係成人既責任,直至女友離棄,朋友被捕先至得以成長,一頭一尾喊既鏡頭很連貫,亦表明左依對父子新生命真正既開始,成套片主要講承擔及成長,以記錄片手法單單從對白及表情,身體語言去講依個無奈既故事,全片並冇任何配樂,亦冇甚麼高低起伏既劇情,但所得出黎既效果相當有力及無奈

<28/11/06:夜>
Photo Link