play list

23 December 2007

無所事事的一天

因心情既關係(想洗牙又full booking,想剪髮間野又有事冇開,想點先?)整個saturday咩都唔想做,無所事事,戲唔想睇,網求其上兩三個,卒之的起心肝整下d相,點知整好左後發覺個相網過左期,renewal要等24hours先得,相之up唔到,無無聊聊咁羅起隻熊仔係度玩,識我既人一定會覺得好奇怪,為乜我會有公仔?又會係度羅出黎玩呢?解釋下佢既來源先,隻熊仔應該係前幾年老細送既聖誕禮物,我由細到大都唔中意毛公仔,所以一直放佢埋一邊,直至前排張電腦椅太舊既關係,買過新既一張,但因為張椅唔係我買的,椅背太直坐得唔太舒服,周圍搵野"攝"住個背脊,咁岩搵著佢,even依家佢都係我背脊,哈哈!

咁saturday因太無聊既關係,隨手羅左佢黎玩,原來幾過癮,就幫佢拍左段短片,真無聊,哈

題目係 "鏡頭下熊仔興奮的一面"
故事大意可以講係熊仔第一次望鏡頭,首先興奮得手舞足蹈,之後因對鏡頭的好奇,研究完一輪後因行得太埋及太興奮,"澎"一聲撞埋鏡頭度,黎一個樂極生悲,哈哈
(p.s.咪以為我咁認真諗定晒題目及故事先拍,其實咩都係我睇完段片後加上去的,本身咩都冇諗過 =P)

<22/12/07:日>

3 comments:

Anonymous said...

睇黎你真你好無聊喎!
請問邊個揸機?
giegie公主

q"._."p™ said...

洗鬼咩,"long"高佢咪得囉

Anonymous said...

答人問題請有禮貌d呀