Don't let me die on a Sunday

~~J'aimerais pas crever un dimanche(Don't let me die on a Sunday-不要讓我死於週日) - [1998]~~

又一個唔使番工訓到黄朝百晏既星期六,食過brunch後,突然諗起阿芝既"不要讓我在周末死去",依個係阿芝係報紙上既專欄,印象中睇過既文章係講及佢同家傭既關係及當中人與人既信任,當日只看了上篇,阿芝並未寫到家傭究竟有沒有信守誠諾回港,當然後來從網上知道ending是什麼一回事.但上篇所寫所講的事,可能我同佢既睇法差不多,看後真的有點點動容.

之但係講左咁耐其實我想point out另一樣東西,哈哈!!

阿芝此專欄的內容及名稱看似很感性,但其實名稱一項"不要讓我在周末死去",令我諗起一套法國片Don't Let Me Die on a Sunday,我唔知佢既點題靈感是否源自於此,但片中所講所描述的大大不同,難道一個唔願死係Saturday同Sunday既會相差咁遠?諗到依度我不禁失笑

既然如此,就係心中想著"不要讓我在周末死去"時睇一睇依套"不要讓我死於週日",哈哈!

點解我會話sat & sun會係南轅北轍既故事?因為芝既係感性的而依套sunday係圍繞於life & death, sex and lust,而當中的道德觀及手法亦很大膽及畸形,點題的"人們於周末參加性派對,然後在周日死去",但主角偏偏講我唔想sunday既日頭死去,因sunday係要黎訓覺既,很格格不入,就係依個極不協調的對白下,故事從絕望,批判及墜落的邊界下發展落去,頗為另類的一套電影

有幾另類?可看看Rotten Tomatoes的synopsis,哈

<29/12/07:夜>

Photo Link

Antibodies

~~Antikörper(Antibodies-抗體) - [2005]~~

不錯的德國懸疑片,故事由一個serial killer被捕開始,怪異的開頭,摸不著頭腦故事發展及時間交接,故事圍繞於現在的城市,年半前及年半後的鄉村,如果唔係主角有明顯的外貌變化真係會睇鬼死人,講到尾係一套德國版既沈默的羔羊,但主角並冇jodie foster咁理智及強悍,反而很快被殺人魔感染,由一個為人及思想正直既性格引發出潛藏的人性缺憾,電影中講及很多人性宗教既理論,越看越似七宗罪,ending一場更甚,可惜係處理得太神化,我不太喜愛,anyway,此片懸疑感及佈局不錯,尚可一看

<29/12/07:夜>

Photo Link

Dead in 3 days

~~In 3 Tagen bist du tot(Dead in 3 days-活三更) - [2006]~~

比較少看的奧地利電影,故事講及一群青年剛剛畢業,係馬路上撞死左一隻小動物之後不約而同收到死亡來電,一開場已很似Haute Tension再加上i know what you did last summer既手法,似成咁心諗今次瀨瀨地野又,果然不出所料,很平版很弱的故事,高低起伏很少很少,片中又耐唔使dead air,真係第一次睇thriller睇到典典下,太可怕了,但此片有一可取之處,就係取景地係奧地利既Traunsee,好靚喎

<26/12/07:夜>
Photo Link

Hatchet

~~Hatchet(短柄斧) - [2006]~~

Damn it, what a fucking movie? huh!! old school old school, ok! You pay homage to classic horror movie, right? Friday the 13th with The Hills Have Eyes cross Texas Chainsaw Massacre?! okok but you also mixed I know what you did last summer inside. It's messed up. I want to say again the song from the movie beginning "This is the new Shit" Are you motherfuckers ready for the new shit? stand up and admin it. No!! I don't. This is a shit! Damn it!

<26/12/07:日>

Photo Link

Interview

~~Interview(跟蹤大明星) - [2007]~~

Steve Buscemi自導自演的電影"interview"很有趣,故事人物背景很少很簡單,只有2個主景,2個主角及一晚之間記者與明星所發生既故事,片中女角Sienna Miller無論樣貌及演技都令人眼前一亮,Steve亦被佢比下去,雖然整部電影既故事根本上無可能發生,但入面既針鋒相對,爾虞我詐及角色對立既設計很有趣,尚可一看的電影

<25/12/07:夜>

Photo Link

Reign Over Me

~~Reign Over Me(從心開始) - [2007]~~

自hotel rwanda後覺得don cheadle不錯,加上有我十分喜歡的adam sandler,依套片當然不可錯過,adam sandler做一個因極大傷痛而自我封閉過去的角色,因機緣下再遇大學同學don cheadle,表面上don活得很好但原來不甚快樂,故事中講述兩人面對困境的處理方法,基本上都係封閉自己但情度不同而已,睇至中段發覺原來又係911事件,某情度講又係幾美式故事,有冇咁多靚人咁多好人先?哈,anyway,幾中意尾段don & adam對話一場,don不停講及羡慕對方的自由,及對自己工作上的不如意,但對像居然係一無所有的adam,仲加上輕輕一句叫對方要放低過去,諷刺意味極高,故事用上比較輕鬆的手法去寫一個極不輕鬆的題材,整體黎講尚可,選角方面由其不錯

<24/12/07:夜>

Photo Link

12 begin

~~12 begin - [2006]~~

12 begin雖然只係一套短片,製作及內容上亦很有網絡故事的感覺,但懸疑感不錯,之但係假如沒有電影版的話,依套短片只係中上的製作,suggest看過13beloved後才看此片會更為完滿

p.s.- 此片導演將會開拍後傳14 beyond

p.s.- 再補充一點,故事由漫畫"the 13th Quiz Show"改編而來,先由導演拍成短片12 begin,再因大受好評而拍成電影13 beloved,而14 beyond的來臨亦因13之好評,期待

<23/12/07:夜>

Photo Link

13 beloved

~~13 beloved(13 駭人遊戲) - [2006]~~

發覺泰國片既質數相當不錯,恐佈片更為出色,依套13 Beloved聽講口碑不錯,睇過後果真名不虛傳,唔好講其他,單講拍攝既技巧及角度我已非常欣賞,故事緊張而佈局出色,氣氛亦控制得宜,雖然感覺上並非什麼大製作,還覺有點兒簡陋,間中亦流露出點點的幽默感,但配合起黎效果反而出色,血腥並非此片既賣點但越睇越令人心寒,主角由一隻烏蠅開始踏入一個泥足深陷既局面,ending由其精彩,不得不佩服劇本的精妙

p.s.- 看後連帶睇埋故事的前傳12 begin,一切不清楚既疑惑亦變得明確

<23/12/07:夜>

Photo Link

無所事事的一天

因心情既關係(想洗牙又full booking,想剪髮間野又有事冇開,想點先?)整個saturday咩都唔想做,無所事事,戲唔想睇,網求其上兩三個,卒之的起心肝整下d相,點知整好左後發覺個相網過左期,renewal要等24hours先得,相之up唔到,無無聊聊咁羅起隻熊仔係度玩,識我既人一定會覺得好奇怪,為乜我會有公仔?又會係度羅出黎玩呢?解釋下佢既來源先,隻熊仔應該係前幾年老細送既聖誕禮物,我由細到大都唔中意毛公仔,所以一直放佢埋一邊,直至前排張電腦椅太舊既關係,買過新既一張,但因為張椅唔係我買的,椅背太直坐得唔太舒服,周圍搵野"攝"住個背脊,咁岩搵著佢,even依家佢都係我背脊,哈哈!

咁saturday因太無聊既關係,隨手羅左佢黎玩,原來幾過癮,就幫佢拍左段短片,真無聊,哈

題目係 "鏡頭下熊仔興奮的一面"
故事大意可以講係熊仔第一次望鏡頭,首先興奮得手舞足蹈,之後因對鏡頭的好奇,研究完一輪後因行得太埋及太興奮,"澎"一聲撞埋鏡頭度,黎一個樂極生悲,哈哈
(p.s.咪以為我咁認真諗定晒題目及故事先拍,其實咩都係我睇完段片後加上去的,本身咩都冇諗過 =P)

<22/12/07:日>

深水土步&活在西九板間房展覽

自問對板間房並不太熟悉,可以講話從未真真正正接觸過,只係從平日既電視電影中見到, SoCo係年頭攪既板間房展覽,用上一座係深水土步桂林街頗大的舊樓作為展覽場所,有兩點我十分喜愛

一)自小對舊樓及舊樓梯有一種喜愛,除覺得每座舊樓有佢獨特既靈氣在內(我講既並非什麼神怪野,只係覺得舊東西放得耐自自然然有佢當中的特別生命),舊樓亦有佢獨特既味道,我唔識形容,但依稀記得細個時聞過依種味,舊樓梯因係石頭所做,上上落落既人摸得多,d轉角位會變得好平滑,冰冰凍凍咁我好中意,細個時有親戚就係住依d一座式既唐樓,雖然夜晚冇燈上落都要羅電筒冇咁方便,但落樓梯時摸住依d滑滑既石,感覺好特別

二)展覽場所並非吉樓而係活生生有居民在內,雖然我地登堂入室有少少攪到佢地,但聽講依次展覽除左比我地接觸下板間房既真身外,亦會將今次一部份既收入作為依座樓維修費,背後既意義亦係展示出基層生活既狀況,可能政府係依方面真係做得唔太多,依類地方組織攪既活動,作為小市民既我,係有需要作出小小既支持及關注

<24/03/07:日>

Photo Link <<<<<<<<<<<<<<<<<<

Day Night Day Night

~~Day Night Day Night(日日夜夜) - [2006]~~

同Paradise Now一樣,同樣講述炸彈人執行任務前短暫既生活,依套所不同既係背景完全欠逢,炸彈少女既國藉,年齡,名字全沒描寫,只知少女父母相亡有一弟,待人有禮英文純正,及對美國亦有一定的了解,比起Paradise Now,依套片只著重描寫少女的一舉一動及信仰的使命感,差不多全片只係室內拍攝,even街外,大部份都係爆晒光咩都睇唔到,好多鏡頭只係影住少女既背影步伐呼吸進行,故事中既聲音有意無意地拍得格外突出,印象中有幾幕比較深印象,少女既聰明及滿滿既化妝袋,酒店中洗滌自已及衫褲以迎接使命對比起街上食完糖後烏糟既抹咀行為,以及全程食食食,睇晒整套戲,沒有很深的描寫電影背後既動機及意義,只有故事過程中的少女同步感及睇完後點點的無奈,如不怕大篇幅跟隨少女日與夜乏味生活,此片完全可當一套非主流題材既既drama黎睇,個人感覺佢比起Paradise Now易一點戲一點

<17/12/07:夜>

Photo Link

單車上路

~~單車上路(The Road In The Air) - [2006]~~

同樣台灣的單車遊歷電影,景觀方面比練習曲差了一點點,依套比較著重人物及故事既描寫,主角們各有自己沈痛的背負及內疚感,依次既旅行其實係一次逃避既旅程,沒目的既遊歷佔了一大半的篇幅,此等青年勵志片當中一定少不免正面及凜然的說教,但比起練習曲,反而沒有那種刻意感,正好說明左漫無目的行事往往比有幹勁計畫去實行既人多,特別係依套sell青春年少生活及態度既片,感覺上亦來得比較正常一點

<16/12/07:夜>

Photo Link

The Descent

~~The Descent(魔洞) - [2005]~~

一部相當精彩及高水準的驚慄片,真係好耐冇試過,電影一開場字幕岩岩出完就黎一記估佢唔到既驚嚇場面,真係shit一聲叫左出黎,某情度黎講,依套片同cave既格局非常相似,不同既係故事既鋪排及伏線比cave高明好多,加上全女班既演出,生存能力,應變,勇敢及凶狠情度真係唔講得少,電影固之然血腥,但其實我比較中意前段既鋪排多一點,單講深入山洞周圍捐搵路走一段已非常刺激,根本唔洗怪物已好掂,當中既燈光氣氛及節奏掌握得很好,緊張刺激,其中有一幕既畫面我諗起carrie,依套片好睇在並非怪物既出現及殘忍性,而係當中所講既恐懼,自救,人的深層能力及本性,電影當中有不合情理既地方,但尚可接受,近年一部我相當滿意的恐怖驚慄片

<16/12/07:日>

Photo Link

Candyman

~~Candyman(殺人蜂) - [1992]~~

由古老傳說而帶出一個血腥的殺人故事,老實講,開頭真係幾悶,有點兒難頂,講女角找尋candyman的事跡兜轉左好耐,及至佢深入故事的中心地點故事才開始吸引,係依個時候電影開始進入一個污糟,黑暗及估唔到事情發展既步伐,ending真係幾難捉的,特別係果幾聲helen真係有點攪笑,講番血腥場面,要去到中段先慢慢出現,比想像中遲左很多,相比美國主流既B級恐怖片,依套似乎比較著重故事的鋪排及紮實一點,特別係可睇到當中社會對黑人,罪犯的鄙視,尚可一看的驚慄片

<15/12/07:夜>

Photo Link

Spanglish(舊片重post)

~~Spanglish(西班牙女傭) - [2005]~~

十分不錯的電影,香港唔知有冇上過,輕鬆愛情小品但內藏一定的message,Adam Sandler幾適合拍依類電影,第一次睇佢既waterboy簡直不知所謂,原來佢有好多好戲,戲入面既女角亦幾靚,希望有多d機會睇到佢既片,成套片主要講誤會及溝通,值得一看的電影

<16/08/05>

Photo Link

Danny The Dog(舊片重post)

~~Danny The Dog(不死狗) - [2005]~~

比想像中好睇,個人覺得暫時係李連杰最好睇既西片,故事幾特別,配樂亦很爽很有型,加上動作不過不失及JetLi落難的演技,夾起上黎有驚喜,背後原來係Luc Besson既故事Massive attack既配樂,怪不知得啦,btw,睇番SF都幾多野cut左

<16/08/05>

Photo Link

The Interpreter(舊片重post)

~~The Interpreter(叛譯者) - [2005]~~

故事本身拍得不太好睇,故事性節奏及整體得出來的效果都不痕不癢,浪費晒Sean Penn & Nicole Kidman兩位好演員,好在Nicole 仲keep得幾好,算係少少補償啦

<09/08/05>

Photo Link

罪與罰

所講既並非俄國大師既罪與罰,而係前排同人傾開計,友人問到

"如果你有個朋友,多年前因為自己而害死人,多年來每到7月都感到不安既感覺,你覺得依個朋友應否去拜祭下依個死去既人呢?但佢好似真係好驚咁,唔知去唔去好"

我並非教徒,唔識咩叫贖罪,但本著人要為自己做過既事負責任,但負責前一定要攪清楚係咪真係關自己事,因為贖罪認錯並唔係求其敷衍了事,特別係死人咁大件事,我問

"咁依個人既死係咪真係因為自己定佢覺得?而依個贖罪及拜祭又係咁因為7月既事先諗到咁做?如真係自己做錯但只求自己心安而去,咁不如唔好去好過,因為依個認錯真係要一心一意,本著自己既心而行,而依個心如何,只有當事人自己知,做定唔做自己本著心意便可,冇所謂的驚與不驚,相反如果未攪清楚而立亂去認,事情可以可大可小",友人問點解,我分享左一個我聽過既故事

"有一對賣雞既夫婦,唔知點解會諗到自己日日殺生係唔岩既,由果日開始,佢地每次殺雞前都要認認罪及超超道,但求心安理得,但好快好快佢地兩公婆就唔多妥,手爛腳爛,醫極都唔好,後尾求助,得到既回應係,你地咩都唔洗做,只要做番你地應有既本份,你既職業係屠夫,咁就做番你應有的責任,如果你每次都將所有既野立上身,認晒罪,係多餘的,佢生成被宰命,係咪你佢都要死,冇必要為生成屠夫命而良心不安,好快依對夫婦就不藥而癒" 依個故事先唔好理真定假,佢背後既道理係生死有命,如果自己做番自己應該要做既事,就冇必要想多左做多左

當然人要為自己既事負責任,做人做事不要立歪心,慎行慎言係緊要的,特別係後者,可能自己一時既多咀,可以做到好多不可想像的後果,依個又可講去到butterfly effect了,last依段說話,我並冇當場講出黎,因為好似好賣弄自己既價值觀及睇法,有點過位了,人始終係人,要做到先好講,依個係我對教徒有所保留既地方.哈哈

滾

依排可能天氣凍番少少,依個零月黎頻頻打邊爐,一個禮拜梗有一次既突發邊爐啦,屋企既溫情邊爐啦,山高路遠既大東邊爐啦,仲有老人牌摸摸樂邊爐,真係多到嘔,熱氣死人o剌.但點解要講打邊爐?咪因為小克囉!!哈

係網上面又見小克既傑作,印象中最好笑既聾貓1,2,十分蓋外,岩岩見到佢既新作(都唔知係咪) "滾",講打邊爐架,幾好笑,仲有有心人up埋上youtube,睇起上黎仲過癮,笑死

Matrix 2 & 3(舊片重post)

~~Matrix 2 & 3(22世紀殺人網絡) - [2003]~~

其實都係Matrix1最好睇,之後既2&3,我彈左個問號出黎,究竟佢有幾多係藍幕拍?當然依兩集有好多新人出左黎,其中一對twins係最令我滿意既角色,另當中有場很過癮,發覺原來Matrix都可以好techno~哈哈!仲有場好似夕陽天使,本身以為係佢抄matrix 睇番年份~點知@@

但2同3真係太黑了,原本好緊張既追逐場面~我都爭d恰著~唉

總結Reload我恰左3次~Revolutions恰左1次













<09/08/05>
Photo Link

藉著雨點說愛你(舊片重post)

~~いま、会いにぬきます(藉著雨點說愛你) - [2005]~~

覺得非常不錯的日本片,竹內結子好正,故事結構亦不錯,成套片都好不安,令人覺得要珍惜身邊人,另,如果睇過套片,應該會中意向日葵果個封面多D,可惜香港版並唔係依個封面

<06/08/05>

Photo Link

香港本土風情微型藝術展覽&九鐵

襯住仲有時間,一放工去左兩度地方影相(其他相遲下先up上網)

首先到太古坊睇"香港本土風情微型藝術展覽",發覺並冇一直想睇既綠屋,真可惜,好彩仲見到和昌大押,灣仔街市同埋一d街邊小販檔.都幾精緻,但有d就一般了,人流算ok,但個個好似掛住影相,有冇留心睇人地d作品架?哈哈. anyway,得閑攪下ed展覽都唔錯丫

再黎見兩鐵12月2號就合併了,襯住last一個禮拜,去埋九龍塘影下九鐵既野,買左張3.5既車飛,發覺已唔係紙果種,好彩仲有九鐵logo,原來真係太耐冇買過車票了,另車站好多已經換晒新logo,車身既九鐵標誌亦已冇左,只剩低車頭車尾的logo

再見了九鐵

<29/11/07:夜>

Assault On Precinct 13(舊片重post)

~~Assault On Precinct 13(暴火線13) - [2005]~~

1976年恐怖片大師John Carpenter舊片番拍,暫時未有機會欣賞到原片,但依套尚算不錯,一開始喋喋不休有d似swordfish,結構及節奏做到Hollywood既要求,隻碟既Bonus亦做得唔錯,尚可一看

<06/08/05>

Photo Link

Swordfish(舊片重post)

~~Swordfish(極速暴劫) - [2001]~~

一隻相當值得買既碟,諗左好耐都唔見佢落價,卒之都係入左貨,可惜此碟並唔係DTS,全套戲只可用一字形容"型",無論角色,故事,場面設計都很有型,一開場既360度環迴立體聲做相當不錯,我評價相當高的電影

<14/06/05>

Photo Link

Bilitis

~~Bilitis(少女情懷總是詩) - [1977]~~

襯住Lesbian and Gay Film Festival舉行得如火如荼,整番套經典老片睇睇先,不得不讚開場的配樂實在動聽得過份,開首以powerpoint型式一頁頁快速而精簡地將故事展示出黎,整套片拍得極為唯美及漂亮,最後來一個首尾呼應講出少女愛上夢想中的男人Lucas但結果係愛上小姨Melissa,之後小姨又愛上Lucas,故事發展得快而令人有少許摸不著頭腦,但整套電影來講,淡淡的唯美開場,耐唔使三點盡露但又不會去得太露骨的間場,加上隱隱傷痛的ending,可能朦朧效果所致,對我既感覺係淒美中而帶一點頭暈,哈

<27/11/07:夜>

Photo Link

Los Mono - Promesas

So cool & interesting mv from Los Mono =)

麥兜.菠蘿油王子(舊片重看)

~~麥兜.菠蘿油王子(Mcdull,Prince de la bun) - [2004]~~

因細佬一個問題"從前有個小朋友好滑下一句係咩呀?",研究完一輪之後我就夜媽媽點幾鐘羅番隻菠蘿油王子出黎再回味一下,依套係一套相當有誠意,充滿港色情懷及黑色幽默苦中作樂的地道港產卡通片,好笑既場面多不勝數,但心upup既畫面內容亦不計其數,過去現在將來亦沈重得過份,作為香港人,菠蘿油王子真係一套非常有意思及好睇的電影

<21/11/07:夜>

Photo Link

超時空要愛

~~超時空要愛(Timeless Romance) - [1998]~~

一早知依套片玩野但始終未有機會睇,卒之機會來了,係now度岩岩見佢做,真係自己d戲都唔睇要欣賞左依套怪片先,果然名不虛傳,時空交錯古靈精怪,李綺紅同梁朝偉固之然不錯,劉以達第一次見佢做正經角色,仲有阿叔及不知名果位古惑仔,好正,片中對白故事次序節奏全無章法可言,真係估佢唔到,咁多年前既作品我依家睇番都笑死,黑色幽默離經叛道玩得非常之好,係中段有少少失控攪cheap左少少部片,一開始好型架嘛,哈

<20/11/07:夜>

A Dog's Breakfast

~~A Dog's Breakfast(狗的早餐) - [2007]~~

初頭睇好無聊但越睇越好笑的Dog's Breakfast,其實隻狗唔係好關事,男女主角兩兄妹既對話先好笑,Mars只係冷眼旁觀事情發展既經過,可能男女主角真正係兩兄妹做番同樣既角色真係好夾好好笑,後尾的twist雖然好易估到但不失幽默及尚合情合理,Marilyn既"You killed him by accident while you were trying to kill him on purpose"真係笑死

<19/11/07:夜>

Photo Link

Serj Tankian - Saving us

自問不太喜愛Progressive Metal/Ind. Metel依類太吵耳的歌,但Serj Tankian依個vid,一首歌入面直接了當地講晒當今社會的種種狀況及隱憂,批判意味很重,實在太powerful & meaningful了,而ending究竟係.............touching定富爭議性呢? Serj Tankian的歌實在不簡單,Empty Walls亦係佢另一傑作


p.s.official site's media入面的vid會比較清一點

Resident Evil 1&2 (舊片重post)

~~Resident Evil 1&2(生化危機) - [2002 & 2004]~~


基本上係一套相當好睇的荷里活動作片,Vol.1有一場闖入umbrella既心臟地帶被人界開一舊舊既場面令我諗起cube,Vol.2亦令我諗起28days later開頭,總括而言Vol.1好睇d Vol.2就聲靚畫面靚


<14/06/05>
Photo Link

Kill Bill Vol.1 & 2(舊片重post)

~~Kill Bill 1&2(標殺令) - [2003 & 2004]~~

開頭以為韓版有彩色睇點知都係冇,Tarantino d戲好易認,中意佢既人會覺得好有風格好有型,但唔中意既會覺佢拍得懶型,Anyway, Kill Bill中最中意係Vol.1細佬女果段,開頭黑白的設計亦不錯,而Vol.2我覺credit最好,總括而言Vol.1 太血腥Vol.2又太多野講了,哈哈

<07/06/05>

Photo Link

The Paper Will Be Blue

~~Hîrtia va fi albastrã(The Paper Will Be Blue-無主孤軍) - [2006]~~

自人打自己人的電影,故事設定係羅馬尼亞壽西斯古倒台前一個混亂既晚上,年青民兵聽到人民站起來的聲音熱血得離開崗位衝向電台支持一下,但誤打誤撞被錯認為恐怖份子,幾經辛苦才得以脫身,可惜連累同隊隊員連番搜尋,縱使混亂中已不知誰敵誰友,除下軍服都是人,民兵似乎對於誰是主人顯得漠不關心,只知盡快回隊中集合然後好等元旦回家過年,倒敘式的震撼開場沈默無言的無奈結束

<16/11/07:夜>

Photo Link

象の背中

象の背中係秋元康一本小說,近日被分別被拍成電影及電視劇於日本播放,故事講及男主角因知自己命不久矣,在離世前作出的轉變及對家人戀戀不捨之心情,名字中象背的意思係據說大象一知道自己的死期時,就會離開象群,獨自找尋死去的地方,人好象就無法那樣做,縱使可以,最後似乎只能往人群那一邊回顧,然後希望親朋好友好好地看著自己的背.

從前認識的秋元康,只從Tunnel歌曲中見過,估不到原來亦是小說家一名

Anyway, YouTube中的象爸爸故事很感人,歌亦很動聽,縱使沒有對白但一樣的看得明白
象の背中-旅立つ日

象の背中 - 雲の上のお父さん


<16/11/07:日>

The best of youth (舊片重post)

~~The best of youth - La Meglio gioventù(燦爛人生) - [2003]~~

其實依套並非電影,極其量只係一套6個鐘既電視電影,用史詩式拍法講兩個兄弟由於一個萍水相逢迷一般的少女影響一生既方向,當中講及很多意大利發生既大事及變遷,4碟共6粒鐘,但真係好好睇 一d都唔覺咁耐,片中的女角迷一般既眼神實在很吸引

<29/05/05>

Photo Link

Anche Libero Va Bene

~~Anche Libero Va Bene(屋頂上的童年時光) - [2006]~~

其實都算幾悶下既意大利片,講一個心思細密思想成熟既細路仔因母親時常出走加上要面對因過於有性格而經濟欠佳的火爆父親控制下步步為營的生活,眾使如此但Tommi心中知道父親實際上如何待他,正如時常身處於高高在上的屋頂上眼看一切但亦危險非常,對街下鄰居一切窺看得一清二楚但最後亦只有看的份兒,故事中的Tommi空有大人思想但處處受制於成年人的陰影下,果種無力感強加於一個小孩身上,有時真的幾可悲

細味下發覺又沒有想像中的沈悶,意大利版的四百擊,故事中的主人翁真的有點點Antoine的影子

<13/11/07:夜>

Photo Link

葉宇澄

葉宇澄-名字不太為人所熟悉,樣也不太記起,認識他只有一首達文西密碼,但前排上youtube時發現他原來樣是大細路一名,但彈得一首好鋼琴,歌亦唱得很好,音樂劇瘋女社當中的一首歌"爛片"很不錯,分享一下

他與阿斐的鋼琴表演

爛片mv

Lord of War

~~Lord of War(戰爭之王) - [2005]~~

幽默而充滿殘酷的一套片,opening以nicolas cage冷酷地講出一段軍火商人的理論再以子彈的生產及至任務完成作為終結,殘忍不過的事實卻用上輕鬆的包裝,是為此片的風格,nicolas cage運用天賦的才能游走於槍林彈雨充滿血腥的地帶,自信而從容的表演完美無暇,此角色真的百分百為他而設,眾使男角做野時目空一切將所有事及人控於股掌,但當中不乏人性,女角係Gray Matters入面既靚女Bridget Moynahan,相信無人會質疑男角為何如此勞心勞力的對她,此導演選角認真一流,相反ethan hawke真係爭d見佢唔到,唔明係佢表現差定係角色太單薄,anyway,故事中的眼不見為乾淨及大刺刺的"it makes no difference if i stop,someone will take my place the next day",雖然不見得新鮮,但nicolas cage的魔鬼使者造型及別樹一格的理論真的非常出色

<11/11/07:夜>
Photo Link

Amy Winehouse

近日新聞不絕的Amy Winehouse,除卻了惡形惡相,drug&滿身亂糟糟的tattoo外,究竟有幾多人留意到佢既talent,真實年齡及獨特既聲線呢?每次見佢既造型,總令我諗起John Waters.哈! Anyway,佢既第一張album將於11月中係美國重新發行,幾年前正正常常手臂光光滑滑面上一臉笑容的Amy Winehouse.我地只好係youtube中重溫一下好了

<11/11/07:日>

The Lookout

~~The Lookout(監守自盜) - [2007]~~

相當不俗的hollywood movie,電影初頭用上差不多二十分鐘去交代主角由英俊不凡天才橫溢轉而因慘痛經歷日復日漫無目的的生活,當中內疚加上意外後的傷痛及後遺症,很memento式的感覺,之後再加插有目的之外來人,將故事推番去銀行盜竊案,但此片好睇在主角0係缺憾中的無力爭紮及他身邊的人情味,主角空有英俊外型但照顧不了自己,身邊的盲人朋友眼盲心不盲及警察銀行同事的處處照顧等等,描寫得到肉而立體,少見的hollywood片走向

<09/11/07:夜>

Photo Link

練習曲

~~練習曲(island etude) - [2007]~~

我睇依套片原因係張poster,係design方面加上戲名及故事也很獨立電影feel,故事講男角身為聽講都有缺憾的學生係大學畢業前來一段單車環島旅行,獨自上路雖然寂寞但一直用自己清晰既心用眼看,當中撞到好多人背後亦有很多故事,印象最深係火車站立陶宛少女,學校教師及一家四口旅客,背後各人也有故事但感覺很舒服,當中亦有不少的台灣美景,及令人去思考既數段對白"每個人來到世界上,都係獨自旅行,即使有人相伴最終也會分開" "有些事現在不做,一輩子都不會做了"主角獨自旅行但自得其樂,整套戲說教意味應真不少,但跟隨主角作一個環島遊亦未嘗不可,提名oscar最佳外語片,真係估佢唔到

<08/11/07:夜>

Photo Link

惡童

~~惡童(Tekkonkinkreet) - [2006]~~

如要講依套片,真係好多野可以寫,首先依套動畫既人物背景光暗加上不多不少的速度及剪接配合,就功力來看已非常不俗,再加上大量切合現實的哲學思想理論及不一樣可以話係穩陣又帶點天馬行空式的演繹方法,單單開頭分半鐘的演說已精彩非常,後來整個故事圍繞住依分半鐘講出永恆不變的事實及黑與白的相互關係,個人認為質數相當高的一套日本動畫,不可錯過

<07/11/07:夜>

Photo Link

Stacy : Attack of the schoolgirl Zombies

~~Stacy : Attack of the schoolgirl Zombies(屠屍行動) - [2001]~~

太痴線太瘋狂了,自問對依類血肉模糊瘋狂癲喪既喪屍片一d都唔陌生,但依套低成本發晒癲既戲實在睇得我有點頭暈,先唔好講大部份演員屎到痺不堪入目既演技,單單講化妝,喪屍行路咬人時既表情等等,實在粗糙到笑死人,果支blues campbell's right hand2, remero rekill special unit同埋神經博士既切佢165片真係激到暈低再起番身,怪不知睇完依套野真係人都癲啦

<06/11/07:夜>

Photo Link

摯愛

~~摯愛(Embrace your shadow) - [2005]~~

無意中開電視岩岩睇到依套戲做,見個名老老土土以為係韓片後尾先知係馬偉豪加薛凱琪郭品超既港片,愛情片一向不太好,但因為太倦冇精神開片睇只好一試,老實講見薛做女角已不太開胃,開場冇幾耐肥仔賢叫佢幫中風大佬減肥果場,佢既傻笑加廢up幾句不清不楚既對白已想打佢兩把,之後既賊仔愛上苦命女,遺傳病,成鬼日喊既細路女,黑幫大佬迫害走上不歸路等等的過份營造技倆悶得我想按fast forward,但可惜電視並冇依個function,好彩我亦挨到完場,總結而言平淡得有點老土但不太令人有所感動/覺的一套愛情片

<04/11/07:夜>

Photo Link

超時空泡泡女

~~超時空泡泡女(Bubble Fiction Boom or Bust) - [2007]~~

相當卡通化的電影,配上回到未來式的集體回憶,玩得相當不錯,角色設計及表達亦很卡通化,故事橋段雖然稱不上什麼新意,但都玩得幾盡而不令人反感,廣末同阿部寬做得相當之好,故事將新舊既衝突互相取笑亦做得不錯,幽默非常,令人非常開心的一套片,特別係經歷過90年代既人,睇依套片時一定會更加會心微笑,好中意電話約人一幕,好正

<30/10/07:夜>

Photo Link

有耳非文 - 東京鐵塔下gulugulu

近排有聽番收音機既習慣,早上番工時多數聽jan,盧覓雪同埋鄒凱光既在晴朗的一天出發,當中有個廣播劇"東京鐵塔下-我的父親母親",沒一定的追聽,但時間精神許可下,都會聽埋先番工,故事講述jan依個年輕既角色有著一個不持努苦處處為著自己著想的母親,因為依一個母親,佢處處在自由與自疚之中爭紮,當中的主題曲非常有感覺,歌曲旋律動聽,加上有耳非文的演繹,無奈爭紮帶點點痛,近期相當喜歡的歌

久違了的有耳非文,打狗女郎,亂交叉來及叱吒女皇後很久沒出過碟了,查一查記錄,對上一次聽佢已係05年人山人海既the good the bad and the ugly,希望佢快d可以出番碟

Btw,係夜晚既有耳哩民入面時常聽到佢既聲,雖然廣東話仍然一cut一甩,但可以同到喪Do男佢地做節目,聽得明講得到,相信阿斐係香港既日子真係相當不短,哈哈

<28/10/07:夜>

22Cats - She will eat you

同樣來自維港的22cats,同樣的香港indie樂隊,感覺上很有理想很有抱負很想得到/做到某d野,但好似因依種原因,似乎貪心左d走多左d,由碟面至內裡既歌曲,有點點的迷失,點點的不協調,成隻碟沒有定位,只有別人的影子,並非說歌很差很難聽,只是沒自己風格

22cats有著自己的理想亦有足夠的能力,但係香港依個主流歌曲主流樂迷主導既市場,the little airport殺出了自己的血路,22cats睇黎仍要放上相當多的努力去找尋定位及方向,希望他們不要為著生存而走向那些打著旗號label著港式地下樂隊那種嘩眾取寵式的創作生涯

<28/10/07:夜>

蔡健雅 - Goodbye & Hello

蔡健雅依個名很早以前已聽過了,但對佢既歌印象真的有些朦胡,一首beautiful love唱得街知巷聞,令到我真真正正記住依個名"蔡健雅",但諷刺既係此曲並非佢創作,令到我錯失了原來佢係一個唱作歌手

新出的專輯Goodbye & Hello,全碟11首歌全由佢創作,詞亦包辦了大部分,打頭陣的達爾文很好聽,簡單曲調,有力的結他聲,帶點沙啞的歌聲真的很好,其餘既歌以慢歌為主,首首動聽舒服,全碟耐聽非常,真的可以令人不停重播,很好很好的專輯

<28/10/07:日>

Hotel Rwanda

~~Hotel Rwanda(盧旺達飯店) - [2004]~~

某情度黎講,睇依套片時好多人會諗起舒特拉的名單,但依個感覺在我黎講好快消失左,因為依套的主角更為貼近市民,佢亦冇什麼特權,自己亦時時刻刻受到迫害傷害,佢只知用自己既方法去救出現係身邊既人,主角深明錢並非萬能,故事一開始已明確咁講出主角自己的一套生存之道,掌握人性先為皇道,主角利用自己既小聰明,耍手段,找弱點,每每化險為夷,電影深得人心相信係當中人性的描述及無奈感,以及多個令人震撼及難忘的場面,冷酷既屠殺,凜然既英雄並非本片的重心,換之而來係小市民良心與救贖,活在刀鋒邊緣及無限的重担,多方壓迫的營救生涯,電影無情而真實的反映出因國土種族膚色問題而被遺棄的一群,很值得一看的電影

<15/10/07:夜>
Photo Link

第三次視線

~~第三次視線(if you were me) - [2007]~~

這套電影稱不上喜劇,相反透過6個短片揭露出韓國社會被歧視忽略的一群,當中有黑工,缺乏照顧自力更新的草根少女,種族歧視,男女不平等之觀念,同性戀之侵犯歧視,以及臨時工的不平等待遇等等,此等故事係韓國片中較為少見,但相信歧視及忽略每每係身邊發生,只係我地並未真真正正的去留意及深究而已,英文片名if you were me,又令我諗起寬容依個故事了,分享一下

寬容
一只小豬、一只綿羊和一頭乳牛，被關在同一個畜欄里。有一次，牧人捉住小豬，牠大聲
號叫，猛烈地抗拒。綿羊和乳牛討厭牠的號叫，便說：「他常常捉我們，我們並不大呼小叫.小豬聽了回答道：「捉你們和捉我完全是兩回事，他捉你們，只是要你們的毛和乳汁，但是捉住我，卻是要我的命呢!
立場不同、所處環境不同的人，很難了解對方的感受；因此對別人的失意、挫折、傷痛,不宜幸災樂禍，而應要有關懷、了解的心情。要有寬容的心!

<14/10/07>

Photo Link

My Little Airport

My Little Airport係一隊幾特別既本地獨立樂隊
不知不覺已出左3隻碟
自04年既"在動物園散步才是正經事"
已覺得佢地與別不同
簡單而乾淨的cover,過癮既碟名歌名及歌詞
調子輕快而非常短既歌曲,多數只有分零兩分鐘
依個特色亦可一直維持到跟住落黎既"只因當時太緊張"及
新近推出既"我們在炎熱與抑鬱的夏天,無法停止抽煙"

聽My Little Airport真的令人很開心
聽"我們在炎熱與抑鬱的夏天,無法停止抽煙"真的令我想起Ketchup
hey,where are you now?

<14/10/07:夜>

This is England

~~This is England(這就是英國) - [2006]~~

充滿回憶的一套片,故事一開始已放上很多很多80年代英國所發生過既畫面,相信英國人睇番依套片一定有著相當大的感觸,成套片由一位十零歲堅毅果敢但活在失去父親陰影下過活的男孩,經由佢帶出係依個時代一部分人對生活及當時局勢環境的不同思想及態度,故事中無無聊聊聯群結隊既原來並非一定要靠做壞事來發洩及找尋自己的定位,gang並不一定欠缺獨立思想,年紀最少既不一定係最弱小的一位,惡形惡相思想偏激既原來亦有不堪一擊的弱點,沒有一定的一定亦沒有一定的不一定,很有人味很有感覺的一套戲,電影當中放入大量長鏡遠鏡,藉此透視出人類在浩瀚動盪既社會原來很渺小的,但當中的渺小的行為態度,究竟有幾多影響住後來的社會呢,80年代的英國,不錯的音樂不錯的punk世代

<14/10/07:夜>

Photo Link