l'annulaire

~~l'annulaire( 無名指) - [2005]~~

從一個意外影響女角的一生,隨著肉體的傷痛繼而走向另一世界,世界中人與人雖近還遠,女角租借的房間住著另一個人,因工作時間不同永遠只有擦肩而過,相互的接觸只有衣服及所看過的書作為橋樑

回到瀝大的工作間,接觸的客戶只想將傷痛及記憶製成標本永久封存,一件一件物件背後藏著一個一個故事,另一方面工作間住滿了租戶但往往封閉自己,寬闊的空間只剩下悶熱的女角及神秘的上司,最後女角甘心被上司所送的一雙鞋緊緊纏繞,忽略旁人的提點而走進永不回頭的隧道

故事主要講及傷痛,記憶及封存,意景不錯但不太認同女角最後成為標本而被緊緊封存,太過盡地一鋪之感.記憶可以被封存而永不回頭亦可以因記憶而投入自我封存的境界,標本不標本頗有視線內外不同的感覺

順帶一提女角的美艷及懾人的氣質令頗沈悶的電影過程中帶來一陣陣清涼

<30/03/07:夜>

社團之撚位

~~Take Top(社團之撚位) - [2000]~~

講真睇完成套戲都唔知咩叫撚位,但依套野真的很騎呢,一開始咩都講一出字就播歌,首歌有點格格不入,真係唔知做乜,很怪異的手法,講番d cast,一d都唔弱,黃光亮,黃秋生,尹揚明,吳岱融,歐瑞偉等等,當中以黃秋生既散漫鬆散演出最為突出,佢究竟有幾多係隨心而說/演呢,我唔知道亦不大介意,但佢d對白真係幾好笑

睇得出吳導放左好多野落去套片度,但手法有點兒攪笑,無論故事既時間show up,音效,cut鏡以致d人死後既表達(打交叉係塊面度既表達手法真係好攪笑)都好似一個外行未到家但又要玩的境界,故事以萬誘之金錢為引子,再發展為遊輪上發生黑吃黑互相殘殺既事件,所有事一晚內發生,撇除果d未合格既幼嫩手法,在我黎講尚可接受的(但其他人唔敢包,哈哈),但落船後果幾場戲及要命的mv格局,真係笑鬼死人,首先係吳做咩放過條o靚妹同果幾個o靚仔,可以比佢地全身而退仲要羅埋錢周街走,為左張膠登攪到比人追9條街仲全部死鬼晒,究竟想點呀??哈哈哈哈!!!係咪套戲太短夾硬要放d完全唔關事既野落去定係想表達社團爭登仔既意思呢?如果係後者,更加古靈精怪,因為成套片只係金錢之誘並冇什麼社團之意,可能真係想到就拍求鬼其其有d意思就算啦

<26/03/07:夜>
Photo Link

Marie Antoinette

~~Marie Antoinette(瑪麗皇后) - [2006]~~

其實Sofia Coppola如果唔係佢老豆,佢夠唔夠格成為監製加導演仲有咁多經費呢? 前作Lost in Translation既選角好重要,找岩了Bill Murray,佢做依類角色好洒家,加上一個外國人遊走於東京,所以handle起上黎當然比傳記容易,依套既Kristen Dunst,無可否認佢既氣質及眼神好吸引,由細路女嫁入法國既轉變好大,但當中係靠服飾及化妝定係Kristen既演技呢?我覺得前者為大,Kristen好似完全take up唔到個角色,係依個瑪麗皇后太流於表面定佢演技差呢? i dunno,但依套戲既畫面及服裝真係好正,Oscar得獎係應該的,但除了靚外,仲有咩?某情度黎講佢所謂既punk music+華麗快速既場景過場及Kristen既放任(但太不痕不癢了,放d我覺得對佢及部戲都好,可惜),令我不停諗起Almost Famous同埋Kate Hudson,可能好個人既聯想,但我睇時真係咁諗,當然,依套戲完全玩唔起

<25/03/07:夜>

Photo Link

Saw III

~~Saw III(恐懼鬥室3) - [2006]~~

作為第三集,可以講話相當不錯了,可能真係好似監製話齋,saw 3係為fans而拍的,講番套戲,依集比起saw2好好多,故事及設計回復番第一集既感覺,氣氛及迫力故之然比第2集好,血腥及trap design比第一集更甚,某情度黎講,第一集係原始的血腥而依集係扭曲的唯美血腥,哈哈,當中有好多場面都好有心思,我亦甚覺滿意,整個故事亦在第三集中清楚交代,比起上兩集,故事及主角的思想亦真真正正解釋得到, Commentary中佢地時常提到既Hostel,我覺得佢比起Saw只係流於表面的血腥,而Saw的故事時常有轉彎位,當中既推進亦往往出人意表,依個先係好睇既地方,Hostel完全不成,為血而血,很差,

作為一個追隨了三集既觀眾黎講依個series相當不錯了,順帶一提, 一出場既main menu好型,我甚為中意,但如果硬要講saw3差係邊,我相信係個豬頭,太Class B既感覺同唯美既trap design有點相違背

<24/03/07:夜>
Photo Link

The Holiday

~~The Holiday(緣份精華遊) - 2006]~~

不大好看的電影,雖則明知愛情片唔係好岩我睇,但見有Jack Black,故仔又好似輕鬆愛情劇,所以試下當佢係喜劇咁睇,故事發生係聖誕,與千里之外既陌生人交換屋住從而體驗到不一樣的生活,故事中 Kate Winslet間屋好靚,果真好襯聖誕節.

說來奇怪,原來我未睇過Kate既戲,感覺佢做戲中規中矩,但不覺突出,而Cameron老左好多,Jack Black係套戲入面果真係比較差既一個,可能角色所限而表達方法亦不令人有好感,反而 Jude Law一直比我不甚了了,但原來真係咁靚仔,好有幾十年前既明星風範,演技亦不錯,比我一大驚喜,

故事可能並非我想既輕鬆愛情喜劇,陳述及處理手法亦毫不出色,反而Kate同老人鄰居一段最為要好

<23/03/07:夜>
Photo Link

Hot Fuzz

As the website Said,

A New Comedy From The Makers Of "SHAUN OF THE DEAD"

Same team same crew. So Cool !!!!

Synopsis
Nicholas Angel (Simon Pegg) is the finest cop London has to offer, with an arrest record 400% higher than any other officer on the force. He's so good, he makes everyone else look bad. As a result, Angel's superiors send him to a place where his talents won't be quite so embarrassing — the sleepy and seemingly crime-free village of Sandford. Once there, he is partnered with the well-meaning but overeager police officer Danny Butterman (Nick Frost), a huge action movie fan. As a series of grisly accidents rocks the village, Angel is convinced that Sandford is not what it seems and as the intrigue deepens, Danny's dreams of explosive, high-octane, car-chasing, gunfighting, all-out action seem more and more like a reality.

Cast Crew
Edgar Wright (dir.)
Simon Pegg, Nick Frost, Jim Broadbent, Paddy Considine, Steve Coogan

拖鞋

剛剛細佬比人捉左出去食消夜,見到著左對拖鞋出門口,但明明聽佢講去旺角食,做咩就咁著住對拖鞋就出去,即刻問佢你攪什麼,係果時佢先醒起爭d瀨野,不過講開又講,原來我都試過就咁著住對拖鞋出過街,唔係好靚好型果種拖鞋,而係一般紅帶黑膠底果種,依種拖鞋應該只係適合係屋企或者落下街用,並唔適合長距離用,但點解我又會咁做?

話說當日我著住對拖鞋落街買碟,我指既碟並唔係用黎裝食送果種,而係vcd,果時屋企附近有地方賣vcd,突然間*注1想睇一套戲,名唔記得了,著住對拖鞋羅起個銀包就出門口,點知果度冇得賣,ok,我落荃灣,就咁撻住對拖鞋搭van仔去*注2,點知都係冇,頂佢我再搭van仔出旺角買,去到依度已經有少少怪,因為冇咩人撻拖搭van去旺角,其實咁著法去旺角都幾危險,太多人好易比人踏死,anyway,去到旺角搵左幾間都係冇,再搭地鐵過埋海,哈哈,係著拖鞋搭地鐵,果一刻我真係覺得好型,最衰果時個電話冇得影相,唔係我會影黎留念,撻住拖係銅鑼灣同灣仔周圍走,發覺果度d人even係住果區,都唔多撻拖落街,下下著鞋咪好煩!!!最後最後我咩都買唔到,撻住對拖鞋搭巴士番屋企,對拖鞋跟左我咁耐都未去過咁遠同埋搭過咁多交通工貝,我都算唔話得啦 哈哈

諗起細個住過屋村,我一直都中意人字拖,中意佢落樓梯時好似上左摩打咁,飛拖鞋亦因為輕身,會飛得很快很遠很準,仲有試過對拖鞋爛左夾腳指個位,基本上果度爛左冇得整番,但知道一番屋企就實比人鬧同冇得再出去玩,所以死都唔番去,我就咁隊番夾腳指個膠位入對拖鞋度,就係咁樣,依隻拖鞋真真正正變成"拖"鞋,因為要一直拖住黎行,一隊起隻腳,個膠位就會甩出黎,行唔到,我就係咁著住依對"拖",由早玩到晚先番屋企,諗番起都好痴線,不過冇計啦,玩緊要d,哈哈

*注1 : 我成日都突然間

*注2 : 其實都試過咁著去荃灣同埋都有街坊咁做

Borat : Cultural Learnins of America for Make Benefit Glorious Nation of Kazakhstan

~~Borat : Cultural Learnins of America for Make Benefit Glorious Nation of Kazakhstan(波叔出城：哈薩克鄉下佬去美國搵著數) - [2006]~~

以mockumentary的型式拍成,此片曾在美國造出一陣熱潮,幾中意Borat出城前的對白,很誇張很好笑,但去了美國後變為很Jackass式的故事格局,低級,擺明玩野,以全裸在酒店內打交及追黎追去一段更覺為甚,但個人覺得食飯禮儀,牛仔及奔猶節幾好,可能依套算係公路式電影,有時太東拉西拉太散了

<20/03/07:夜>
Photo Link

Pulse

~~Pulse(猛鬼寬頻) - [2006]~~

見到個名好似好熟口面又是新片暫且借來看看,可能真係冇咩時間睇,一反常態地未看戲先到imdb及爛番茄看看rating,oh no,很差的評分,但已借了未看就還好似好可惜,算啦,罸多日都睇睇套片如何,睇睇下熟口熟面,鬼怪出場時很東方的格局,頂,原來係惹鬼回路,不過依套番拍得不大好看,可能害怕鬼佬睇唔明,拍得太白太視覺化了,不好看

<18/03/07:夜>
Photo Link

體驗

吃完一餐簡單晚餐後,因時間尚早,去了酒吧一趟,從未真真正正的坐過吧台,亦從未到酒吧後沒有喝酒(注1*),對我來說是一個新體驗,看朋友忙著洗杯洗碟,相信除了去camp外,望著朋友做如此這般的工作實在少見

嘈雜熱鬧的環境,手忙腳亂的洗杯朋友,熟練而忙得交關的bartender,我這個無所事事喝著cocktail的人,實在格格不入得可以,但這樣正正令我看到不一樣的事物,抽離可以很孤獨亦可以很另類,另類不是指扮cool扮酷,另類不是給人看而是出於自己的感覺體會,另類的眼睛看著活在故事中的人物,當中有為現實的生活,亦有為生活而不現實,清清醒醒看著別人的不清醒,攬攬抱抱是人類最nature的動作及慰藉,但此等nature的動作在人的不清醒中出現得比清醒中還要多,抽離而不協調看來並非只得我

時間一再過去,人煙漸少看到的越覺清晰,孤獨的人不再需要通過大伙兒而找尋一點的慰藉,明正言順的以孤獨人身份出現,究竟是好還是不好我暫時不太了解,這種不了解究竟是好還是不好?我想正如經驗一樣,體會過的是好是壞一時間說不清但經驗是實在的,歷史對於自己可以是過去式現在式或將來式,用得多了解得多自然可以比較純熟的分類,但此等分類不一定要將佢分對與錯,正如grammar一樣,十年廿年前的絕對不當當今是否再界定為錯?拘泥於grammar只有過於迂儒

天亮了,踏上回家的路上尚見不少失神的路人,大呼小叫,東歪西倒,倚牆盡嘔,滿以為過了放任地帶會回復所謂的正常(注2*)生活及環境,但看著落小巴後腳步不一致的女仕,睡得滾落小巴地上及被我下車叫聲嚇了一跳的失神青年,看見了他下車後倚著欄杆垂頭沈睡,一路行一路回頭望向他的迷彩外套,真的有點兒擔心他會睡至倒向馬路的一方

回到家方才回到所熟悉的環境,上了一會網睡至下午,錯過了本身安排好的展覽節目,好的壞的?至少是一種新的體驗,造就了此篇記事

(注1*) 在我黎講cocktail不是酒

(注2*) 起碼是一般現實的生活

(注3*) 一般來說,如此這般感覺應配以舊舊背景的黑白照片,但正如我提及的不協調,地鐵trendy的設計配上發黃的色調,不錯.某情度來說對於一個對地鐵及trendy architecture沒甚好感的人來說,第一次感覺良好

Where the Hell are Matt's Outtakes

很有趣亦很開心的短片,主角去過好多地方做番同一樣的動作,加上一至兩句簡單而直接的注解,令人睇得幾開心,有時覺得依種長時間重覆同一的動作舉動很有趣亦很有恆心,例如知道有人年年一月一號零時零分去同一火車站買同一route既車飛,依個動作維持左十幾年,真係好佩服佢依種毅力及恆心

The Black Dahlia

~~The Black Dahlia(艷屍案中案) - [2006]~~

同是sell懸疑格局,但Josh Hartnett依套明顯比Lucky Number Slevin差,整個故事東拉西扯,太多太多支節令整套戲失去重心,twist有但不太突出,Scarlett再一次成為花瓶角色,mia古怪及神經質的演出好熟口面~哈,睇過一d有關依套電影既資料,成套片由40年代真人真事改編的小說拍攝而成,小說及謀殺案以至受害者都相當懸疑及充滿故事性,但電影拍至鬆散及失去重心真的有點兒浪費

<05/03/07:夜>
Photo Link

Prodigy - Smack My Bitch Up(PG級)

一個我十分中意的mv,都幾classic下,當年令我係視覺上十分震撼,原來咁都得!!!

Real Fiction

~~Real Fiction(虛擬復仇事件) - [2000]~~

相信係金基德比較前期及少人留意的電影,何為Real Fiction??哈哈.此片以一貫金氏手法,主角近乎啞的演繹,亦真亦假似遠還近的鏡頭,虛幻的舞台一連串的復仇事件,未到最後預計不到的劇情,很實驗感覺的電影,片中有好多想像空間,睇時可能會找到點點的同感,抑壓爆發計畫行動,印象中最深為最痛的痛並不痛,但永世追隨揮之不去

<04/03/07:夜>
Photo Link

Beat the Drum

~~Beat The Drum(總有愛鼓勵) - [2003]~~

比較少睇的南非電影,故事以非常沉重的Aids為主題,片中主角Musa非常入戲,電影的故事描述,場面及鏡頭非常documentary的感覺,好多時睇睇下以為自己唔係睇緊戲,很真實的感覺及事實的反映,沒有一面倒的描述,很多場面有無奈亦有希望,有機會睇到依套片真的不錯

<24/02/07:夜>
Photo Link

YouTube Song Chain Reaction

1) YouTube Song by davidchoimusic - Amazing song & great voice







2) And then i saw this beautiful girl gave him response, she got 150k hit rate, hahaa






3) Finally, i saw this guy........... hahahaaa so funny

三月三日的飯局<後編>

話說我地急急腳埋單後,係咁研究下場去邊,好多人都覺好似冇咩食過野咁,Ron同雪榚更加係唔夠飽啦,話想去食多一倫,但講左好耐都唔知食乜鬼,我地居然係人地門口斗纏左一排,都冇咩答案,係咁問去邊去邊都冇人答,比達仲起勢咁玩佢副啤牌,哈, 最後我地幾個自己決定去Boozy飲野好過,雖然有人覺得遠,但我地都冇咁好氣,嗌夠人就坐菲仔架車過海了

去到Boozy又比我估中左"諗住會見到Martin但冇出現,但冇諗過見到佢又會見"好神奇,講番個場,好似比平時熱鬧多了,幫雪榚嗌左杯非酒精飲品同埋外賣後,Jack見到我地又話要玩,好快咁羅左6個骰中過黎,但我地得5個人,好明顯佢又想玩埋一份,我地掛住吹水,都冇咩點掂過個骰中,吹水當中我又舒發左一個感覺出黎,講到"喂Ron,好中意你同泉仔一齊出現,你成日追住佢又句句窒到應,真係笑撚死" Ron又表現出我冇做過既論點,不過都費事理佢,只係講到奶粉泉D fd個個都係s26同埋安嬰寶,依個比喻又正到無倫,笑死,哈哈

之後我地坐左陣換過個舒服d既位後先諗起點解唔call GG出黎,好在佢都話會到,非常好,野食卒之到左,d雞亦好正,食野過後我地亦係不停吹水,講左好多網上d風雲人物,例如肝油明同埋萬能key賭撚等等,好明顯我地都差唔時候上網玩,除Yimay外個個都吹得兩咀,後尾gg上到黎到個樣好殘下,我地笑9佢係咪好似Yimay係日本咁收到鴨鴨紙巾後完幫襯先至上黎,哈

過左陣,Jack卒之忍唔住羅左副牌黎話要完直昇機,唉,真係一玩即邪到爆,個個唔係撞柱就係嗌乜衰乜,邪釘野當然少不免有我份,佢老味真係可以開3飲4pad,開1都要飲1pad,真係救命,好彩仲有人餞底,GG笑9Jack"柏金遜都要玩,飲撚死你呀"哈哈,發覺依次用Black Label玩,d啤跌到仆街,隔離果台仲係度唱埋晒d走音歌,真係加重左玩既難度

後尾攪到3點幾先走,諗諗下其實Boozy真係不錯,坐得舒服亦算係自己地方,但菲話Jack好似想搬大d,唔知第時會唔會好似依家依度咁舒服呢？

<03/03/07：夜>

三月三日的飯局<前編>

阿某君嗌生嗌死嗌左好耐要一齊去食餐飯今次卒之攪得成,我地去左九龍城隆姐度食泰國菜,地方好細,野食都係一般,最好食既係豬頸肉同埋唔知乜鬼魚上面果d配菜,問番咩最出名,居然冇人知,泉仔撻左句"珍多冰"真係有打7佢既衝動!!!講番今次既人物都不少,好久不見的比達,亦有意想不到的mcc,菲仔當然又見到佢,仲有羅馬人阿ron,佢個頭真係正爆,雖然佢地對我既戴帽形象好好奇及攪左我頂帽9佰幾次,但真正既高潮位反而係阿ron既傷腰事件,主人翁一而再再而三咁輕輕帶過只係踢波整親,但根據分析員既引領及我地追根究底既精神,結果對我地一d都唔重要,我地只要事件經過的全部,正所謂踢波整傷腰真係前所未聞,經過一輪認真既討論,主人翁殺出句"一摟(樓?)一的踢波理論",根據阿ron係內地打 "滾"咁耐及加上羅馬人既外型,荒淫既潛在性格顯然易見,攪到我禁不住再三咁提點佢"都話叫你咪咁荒淫架啦!!"正所謂相由心生又多一個鐵一般的引証,哈哈. 之後講講下,個話題又去番屎生既蚺蛇灣回歸大自然事件上,雖然依個話題我同雪榚已經笑左好多次,但今次講番原來好多人都冇聽過,佢地越聽越興奮越講越大聲,係咁屎屎屎咁講,攪到我地唔記得左依間係一間食野既地方,為左唔會打人打實,我地快快手埋單走下場........待續

<03/03/07:夜>

Fried Dragon Fish

~~Fried Dragon Fish(無名地帶) - [1993]~~

岩井比較早前的作品,亦散發出陣陣的獨特感覺,食魚理論雖然唔係第一次聽,但拍出黎又怪異非常,片中的淺野非常後生,但同岩井一樣亦有非常獨特的演繹及感覺,白色而空洞的爛屋相對全片著住白色背心目光空洞的殺手,Natsuro與Poo的認識及相處很怪異及奇幻,但亦有相當迷人的童話感覺,真的很古怪的一套短片

<23/02/07:夜>
Photo Link

Breakfast on Pluto

~~Breakfast on Pluto(教我如何不愛媽) - [2005]~~

幾奇趣的故事及手法,主角雖有易服癖但居然有種令人覺得可愛既感覺,男角的演技及外型真令人耳目一新,故事好似書咁一個一個chapter講男主角由一出世被遺棄直至成長,主角除裝扮不為世俗所認同外,思想亦相當前衛,雖然活得痛苦但亦以笑面面對,某情度黎講佢豁達得我以為佢痴左線,活在母親很遙遠很ideal的幻想中,Breakfast on Pluto遙遠得不可能的夢想,一路睇依套戲時一路令我諗起另一套講學生運動既電影What to do incase of fire,故事中心沉重但看得令人開心,電影中的音樂亦一樣地動聽

<22/02/07:夜>
Photo Link

Massive Attack - Live With Me

好難講Massive Attack依個mv有冇失準,但果種沉重失落既感覺,真係拍得幾到

Ely Guerra & Control Machete - De Perros Amores

其實我中意首歌多過個mv,雖然佢都係同部戲都係用旁觀人睇困獸狗一樣 ,但戲同mv入面既狗真係天堂與地獄之差,很喜歡套戲同首歌