Clue

~~Clue(妙探尋凶,逐個捉) - [1985]~~

這個推理劇頗為攪笑,雖然沒令人有太刻意去找答案的意欲,但戲中演員表現非常好,增加了此片的詼諧攪笑情節,處理上沒太多特別(除了ending部份的各個自完其說,像金田一那種隨它喜歡的劇情),就是一般的喜劇,消閒上來說還可以的

[30/06/13]
Photo Link

Dr Jekyll and Mr Hyde

~~Dr Jekyll and Mr Hyde(化身博士) - [1931]~~

1931年的化身博士相當值得欣賞,首先是拍攝手法,主觀鏡,長鏡頭,雙重曝光,鏡頭切換等等控制得非常好,加上合適的蒙太奇以及特技手法現在看來也相當吸引,當中特技及其表達手法更值得一提,以首次變身一段為甚,大開眼界,至於故事,主角的不妥協性格以及種種怒火誘惑從而勾出內心的邪惡性格,雙方性格及行為上的敵對厭惡,章現出社會地位,外在形象,潛藏性格以及自身抱負的矛盾拉扯,總的來說此片流暢非常,引人入勝,有非常高的觀賞價值

[30/06/13]
Photo Link

Juan de los Muertos

~~Juan de los Muertos(Juan of the Dead,疆屍胡安) - [2011]~~

相當不錯的喪屍片,善良小人物的故事,身邊是奇形怪狀的朋友,發生種種貌似荒謬,實質社會上時常發生的事情,處處充滿黑色幽默,喪屍出現也很攪笑,想法近似瘋狂,女角也很讚,此片細節位做得不錯,而且非常多帶出社會現象及政治想法,ending credit也很讚,蠻不錯的電影

[29/06/13]
Photo Link

Scanners

~~Scanners(奪命凶靈) - [1981]~~

戲一般但想法不錯,片中特技也可,爆頭場面不太多反而想知道為什麼這麼多爆炸火焰場面,想要增加刺激感嗎?很神怪,主角相互對決時很有一種古裝片內功鬥法之感,我想當年來說此片應該很好看的

[29/06/13]
Photo Link

Bring Me the Head of Alfredo Garcia

~~Bring Me the Head of Alfredo Garcia(驚天動地搶人頭) - [1974]~~

看這片有一種特別的感覺,首先是開首平和對不安氣氛控制得很好,之後就是男女主角的感情戲,總有一份起伏不定的不安矛盾感覺,男女主角很有型格,在此故事上說服力不錯,再來就是主線部份,慢動作,畫面以及節奏有一種浪漫的淒美感,音樂,公路及酒精也有一種異國之放浪感,結尾也收得很不錯,不太懂怎麼形容此片,但看時就總有一種特別的感覺在內,個人來說是值得一看

[28/06/13]
Photo Link

大坑舞火龍講座 & 大坑舞火龍紮龍工作坊 & 書院道4號及蓮花宮 - Part.03(書院道4號及蓮花宮)

大坑舞火龍講座 & 大坑舞火龍紮龍工作坊 & 書院道4號及蓮花宮

03.書院道4號及蓮花宮

睇完晒紮龍,行番出地鐵站搭車,經過蓮花宮(即火龍會到既地方),間廟都幾靚,特別係外牆既花,但可惜我去到時已關門,所以入唔到去睇,希望下次有機會入去睇睇

再前少少有座幾舊式既樓,感覺幾靚,書院道4號,唔知咩地方,但有個泰文牌係度,唔知咩黎既呢,感覺幾靚

Back to Part.01-大坑舞火龍講座

[22/09/12]
Photo Link <<<<<<<<<

大坑舞火龍講座 & 大坑舞火龍紮龍工作坊 & 書院道4號及蓮花宮 - Part.02(大坑舞火龍紮龍工作坊)

大坑舞火龍講座 & 大坑舞火龍紮龍工作坊 & 書院道4號及蓮花宮

02.大坑舞火龍紮龍工作坊

聽完輝哥講完個火龍講座後清清場就開始教紮火龍,原來異常講究,首先珍珠草,要揀d唔太粗唔太幼要平均少少既,之後要斬左個尾去,再跟手先鋪底再放麻繩上面之後再鋪珍珠草係面,之後就要用鐵線扎住,唔能夠太鬆,但太實又會插唔入d香(眼見拉鐵線時其實會幾倦),之後呢就用鐵線打結再插番入龍身,咁就可以令到條龍唔會鬆亦唔會甩番出黎插親人

到左長壽香呢,同一般香唔同,比較長身d同埋香既底係專登整尖佢既,等插香時易d,輝哥亦示範左插香既方式,要打斜插入而且仲要係一下入左草後仲要加多一下壓入龍身,咁就包保唔甩,經佢插既香,試過都幾難抆得甩,但佢又有方法可以抆到出黎,手勢問題,學唔到

跟手又講龍頭,可以比人試下,因頭重尾輕而且加埋龍牙龍舌仲有兩隻眼既電筒同十幾舊電,好重,要男人先夠力一個羅起,所以我冇試了

之後就每人分左條麻繩自己試下,我呢就試左(亂來的而且好似唔夠珍珠草,所以比輝哥佢地示範既幼龍仲要再幼d,比較扎龍師父們既製成品,真係差好多,後尾扎龍師父仲幫手收剪同收鐵線尾(佢話正式既火龍整完都要剪髮),之後既完成品就羅左番屋企

丫,問過扎龍師父,佢話整龍要十幾人一齊,要一個月先完成,而我地玩既因係樣版,正式既要講座第二日先開始,再問整左既放係邊,佢話會放走廊,因完成品有成二百四十幾尺(220+廿幾尺既龍頸繩),所以會放晒成條走廊,勁呀

To Part.03-書院道4號及蓮花宮

[22/09/12]
Photo Link <<<<<<<<<<<<

大坑舞火龍講座 & 大坑舞火龍紮龍工作坊 & 書院道4號及蓮花宮 - Part.01(大坑舞火龍講座)

大坑舞火龍講座 & 大坑舞火龍紮龍工作坊 & 書院道4號及蓮花宮

01. 大坑舞火龍講座

參加左長春社既大坑舞火龍講座,之前都一直有興趣但人實在太多太可怕所以未睇過,咁岩因大坑火龍入左國家非物質文化遺產所以就有機聽聽講座

其實呢雖然我成日去中上環同銅鑼灣灣仔但我未去過大坑,一早搵左地圖係銅鑼灣道行入去,見馬路兩邊已經掛晒旗同大坑火龍既裝飾出黎,睇落條街都幾細,難怪封左路都頂到實啦

行左陣就去到大坑坊眾福利會,都幾舊下,但入面算幾大,入左去會堂講座已經開始緊,見到其中一邊鋪晒草,都幾高下應該係用黎扎火龍既,台另一邊有幾個火龍頭,有一個係鐵做既(後尾先知依個係要黎練習用既),至於另一邊既牆掛左一d相,後尾先知原來依度每年都有個攝影比賽,會於舉行完一個月後係研討會上頒獎,聽輝哥講研討會除左係慰勞食飯外仲係會賽後檢討,嗯

咁依個講座當然會講番大坑火龍點黎,其實wiki都有寫既,我唔詳細講了,但輝哥提到既長壽香同炮仗有驅蛇既功效又一d都唔出奇,咁多香咁鬼煙而且炮仗有硫磺d蛇怕左走晒去又幾logic,輝哥仲話當時舞火龍既人係唔怕炮仗既,60年代係六層高既高樓係咁掉落黎成地都係,嗯聽落都好熱鬧

大坑火龍今年已經係133年,當中只有打日本仔時停過,一連三晚,第一晚會係蓮花宮(觀音廟1863年)開光,大約9點零完儀式,之後入沅沙街打龍餅,跟手圍大坑行,舞一個鐘左右就會停低轉過晒d香再行過,第二同第三晚如是,會係9點零5分入廟之後行,八月十五果日會去埋維園,而最後一日8點零鐘會派龍餅比街坊,之後反方向行一圈最後就放出海龍歸天,丫,原來當時佢地火龍係出左海就算,但後尾唔記得咩原因就接觸到一位船家(唔記得咩姐),仲問佢d火龍係邊,原來佢地stick左係某一個彎位,後尾就開始叫阿姐幫手執佢番上岸,做左一排後阿姐唔係好想做,之後又講左一輪先幫番手,如果唔係警方應該唔比再咁掉落海了

招式方面除左打龍餅仲有其他兩三款,例如火龍過橋,而最主要既係中間既塊牌,叫橫江門,兩邊再有兩個頭牌,再出面就係星燈雲燈等等,之後仲介紹左龍珠(中間係碌柚,輝哥話要厚皮同乾身),龍尾,龍頸繩同龍鬚,而龍身佢地叫龍心既,加加埋埋有成240幾尺(龍身加頭有220尺,另二十幾尺既龍頸繩),而舞火龍方面都好多人,龍珠2個,龍頭1個,龍身31節每節2人,龍尾1個,但因需要好大體力,所以要替換,鼓方面亦有30人,加加埋埋有成其他星燈雲燈等等,有成百幾二百人,所以要分8組各有組長安排,而香就要一萬二千支一次,因一支只夠燒1個鐘三日共5round,真大陣仗

舞火龍要有經驗而其他既幫手都要練習,所以佢地會一早招攬人手,輝哥仲話有個外國人家長想比小朋友報名,但因太遲所以要下年報名先夠時間練習

嗯,聽晒成個講座都幾多學問同故事係度,幾有趣,希望傳統可以一直保存,唔好令佢變質就好了(輝哥非常抗拒政府插手,佢話長洲既包山咁就無左了,嗯,我都幾同意佢地攪親只有變得更煩同更公式化商業化,我最憎的)

To Part.02 - 大坑舞火龍紮龍工作坊

[22/09/12]
Photo Link <<<<<<<<<<

惠東雙月灣 2012-08-24to26 - Part.03(26Aug)

惠東雙月灣

26 Aug 2012 Sun 惠東 Sunny day

last一日冇咩做,本身想8點起身睇雞(聽講一早食野好熱鬧而且好多雞食完野仲會飛上樹休息,哈,仲有隻好英既關二哥,之前成日唔見佢,所以想食野時見下佢但最後我冇起到身),9點食過早餐後(個麵又係自家request,要海鮮同豬骨湯底加埋自己整既麵好彈牙)就去睇整乞兒雞既過程,磚係自己用沙整既再疊高個塔用木柴同埋禾杆草火燒至幾百度再放雞入去再整霖晒個塔用泥蓋好再焗半個鐘,我地睇都睇左個幾鐘,又係心機野,到左lunch就一人一隻雞,d肉好滑又,極有雞味,太好食了

食完飯執好野二點幾就走人了,佢地買左d新鮮米同其他我都唔知係咩,總之就係農場野之後就走人,整體用左千一蚊度,唔算太貴而且我好中意間房,有機會下次都一定要揀番間有大露台既先得

但依度發展得好快,田原生活應該只有兩年左右,而且物價指數升得好勁,下次再黎唔知咩樣了

Back to Part.01 - 惠東

[26/08/12]
Photo Link <<<<<<<<<<<<<<<<

惠東雙月灣 2012-08-24to26 - Part.02(25Aug)

惠東雙月灣

25 Aug 2012 Sat 惠東 Sunny day

第二朝9點食早餐,包同油條外就仲有雞粥,佢d雞當然好味所以d粥一定唔會差

之後約左車十點出去睇雙月灣同海龜館,海龜館冇咩特別但原來每年十月就會有龜上沙灘生蛋,但我地時間唔岩冇得睇,之後去雙月灣,因地方同軍人打緊官私,所以我地唔可以坐車上去而要行上去同佢講人情,好彩軍人大哥都比個人情有得入去睇,我眼見d車全部打回頭唔比入,我地已經算好彩了,入到去個灣都幾特別,兩邊都係長長既沙灘再對出去就係海,但可惜係有雲,所以唔清,聽講有次佢地熱到死死下上到去就見海天一色好靚,但算啦我去旅行加下都慣左平常心睇到就睇因好多野都係uncontrollable,抱平常心感覺就會輕鬆d,哈

再去睇左港口個海灘,冇咩特別仲有垃圾,咁之後番去食lunch,有個鴨同抄葛好好食,再之後三點叫車再出去,主要睇下媽祖廟(巽寮依個發展得太勁,太商業化,感覺十分之差),仲有個沙灘既地方,本來個景好好,可惜因要收錢又有d係酒店既範圍,間開左一格格,古古怪怪核核突突咁,浪費晒個海灘,當中經過一個村,司機話每年五月每家都會殺一隻狗要黎食,所以當地人叫果條村做狗棺材,難怪經過時見到有狗肉檔,我仲以為廣東無晒添,之後去左榜山古寺,但可能因惠東人太有錢,所以間廟整到好新同埋好多金像,我又係唔多中意,最後去左平海鎮,睇左個古城牆,入面有間古廟,就係我中意既感覺,睇左陣就走人了,番去食晚飯,丫平海鎮有個特色,就係家家戶戶門口都有句對聯,司機話每年新年都會自己又或者搵人寫首對聯,然後貼上門口,都幾有趣

magic hour有雲既關係,冇前一日咁靚,吹左陣水就食飯,今次有古法燒乳豬,隻豬一早已經燒緊,我地朝早仲走左去睇,要攪到夜晚7點先有得食,真多程序,仲有要求加既蟹,細細隻幾好食

夜晚冇咩做又係吹水,吹到十一點先訓,依個無聊渡假真好,環境清幽田園生活而且唔用煩食仲有清風送爽,正

To Part.03 - 惠東

[25/08/12]
Photo Link <<<<<<<<<<<<<<<