play list

19 June 2013

惠東雙月灣 2012-08-24to26 - Part.01(24Aug)

惠東雙月灣

24 Aug 2012 Fri 惠東 Sunny day

早一晚係深圳過夜第二日9點幾去到福田等車過惠東,車程要成2個鐘零三個字,十個人黎講架車都算叫做岩岩好,訓呀訓十二點幾去到惠東,地方唔算太城市亦唔算太鄉下,但對出一大片農田,住果度又養雞養鴨養鵝仲有火龍果還算感覺不錯,上到樓d房好大仲有個大露台,加埋d涼風真係正,放低d野沖左個涼就食lunch,基本上係私房菜既東西,因為有人同老闆熟先有某d送係自己要求加既,聽佢地講老闆好有性格,基本上只做一班人而且仲要好多野都set好冇得要求,即同私房菜個concept一樣佢煮咩你就食咩,而依度除左私房菜外,仲有咩都係自家有機食材,所以d野好新鮮,而且老闆比較落心機煮野既人,所以有d野食都比較了能,而lunch只係火粉同一d自家既番薯蜀米生菜同紫菜湯,但就真係好好食,而且比較清淡,但份量真係好多,所以要叫老闆停手唔好煮太多真係食唔晒

休息過後去左睇農場同田地,d雞鴨鵝養得好靚,聽講有比薯仔佢地食,而火龍果就真係第一次見,另田地方面,老闆話之前打風打爛晒d野,唔係應該仲有好多西瓜香蕉同太陽花等等,而種緊既野除左我地食過既番薯蜀米同菜之外,仲有青椒,紅豆(原來一支支咁打開佢就係紅豆,都幾得意),仲有棵樟樹,都幾香下,其他垃垃雜雜唔記得咩了,之後再行左過對面稻田睇,經過見到d牛係度食草(有隻仲好靚仔),可能冇咩人攪佢地,所以好純品,摸佢都唔多理而且眼神好純良而且對我地好似好好奇咁,總之就同香港果d唔同,行左陣稻田,因水浸左條路既關係,再行唔到入去所以就番房休息,再沖左個涼就打開晒露台個門,吹吹下風又訓著左了

起身上樓食飯,見到個好靚既magic hour,冇空氣污染既地方,magic hour係特別靚既,到左7點幾就食飯,都係自家種/養既野為主,要多左個蝦同魚,當中以藕餅最好食,後尾同老闆傾計先知原來好多工序,難怪口感咁好,其他都好正,不過尖椒就太辣,我喉嚨痛食唔到,如果唔係就正了,好食,丫,佢d米都係自己種,勁香飯味,好耐冇食過咁好食既飯了,感動

後尾睇星又睇火龍果開花,原來只開一晚,都幾大個而且都幾靚,真係第一次見,仲有玩左陣貓仔咁,好relax既感覺,番到房我仲手台左兩張登出露台關晒燈睇星,唯一唔好係出面有條路都幾繁忙下有時有大車行過就會比較嘈少少,但整體d涼風同星還算不錯,之後睇左陣書就訓了,冇開冷氣只開晒成個露台,感覺十分之正

To Part.02 - 惠東

[24/08/12]
Photo Link <<<<<<<<<<<<<<<<<

No comments: