暗渠

~~Men From The Gutter(暗渠) - [1983]~~

邵氏舊片,個名似曾相識,睇落亦十分不錯,一套幾緊張的商業動作電影,拍得幾寫實,當年票房應該不錯

<21/02/07:夜>

Photo Link

代課老師

~~Substitute Teacher(代課老師) - [2006]~~

作為影藝告別電影,揀片人一定有當中的意義,有時真係幾中意睇依類簡樸而帶泥土色彩的電影,加上依套片取鏡角度很好,好多好多鏡頭都似一幅一幅相,而每個主角亦做得好好,當中以小東既啞仔做得最為突出,故事很簡單地講出默默為他人貢獻而不作計較的幾位主角,看似匪疑所思,但故事主人翁找到自己認為值得的留下既原因,即使放棄左好多城市的幸福,生活亦艱辛不已但亦無侮,某情度黎講影藝既主人亦有此份情懷(城市=理所當然的商業,幸福=可觀的收入,艱辛=蝕本多年),多謝佢依份堅持,令香港既非主流電影得以在依個非常商業既電影市場上生存

<21/02/07:夜>
Photo Link

Wild Things

~~Wild Things(玩盡殺絕) - [1998]~~

都唔明點解會揀套咁耐之前既戲黎睇,Neve Campbell好久不見lu,Hollywood反叛角色真的不少,佢 只係其中一個,不過個樣真係幾硬既,Matt Dillon個樣真係好鬼奸,一行出黎似足衰人,Kevin Bacon亦多數做奸角,怪不知套戲ending咁啦,其實依套戲收得出人意表,解釋得亦頭頭是道,但用咁長時間去玩一個twist,真係唔係個個頂得順

<19/02/07:夜>

Photo Link

第601個電話

~~The 601st Phone Call(第601個電話) - [2006]~~

幽默感十足的電影,但開頭出字幕時見到馮小剛個名爭d嚇死我,好彩之後導演個名係張國立先冇咁驚,套片開頭果廿零分鐘幾好笑,主角們亦不知不覺撞上了,依類手法拍過上千次但處理得好一樣相當好睇,三位主角借一個電話錯誤連上,故事發展亦回到現實,雖然唯利是圖既經理人有點兒誇張,但張國立既角色很稱職,反之周筆暢仍表演生硬,未能放盡,成套戲三個主角互不見面各有各做,但ending加上周筆暢既歌果真令人加分不少

<19/02/07:夜>
Photo Link

妻骨未寒

~~Wife from Hell(妻骨未寒) - [2006]~~

又係盧巧音的電影,尚算ok,連凱雖然靚仔但太木獨,故事亦不至於太恐怖,可能所有事多數發生係日頭而故事中間屋以白色為主太光猛了,而盧巧音再一次冇甚特出表現,反而鄒凱光做得甚好,老婆跳樓比老豆扑穿頭再自顧自食飯一幕做得最好亦令人印象深刻.

<19/02/07:夜>
Photo Link

父子

~~After This our Exile(父子) - [2006]~~

譚家明好耐冇拍過片,我估捧場睇依套片佢先係主因,功力果然利害,新浪潮導演中佔一席位果真實至名歸,而郭亦保持一貫的勇而冇當,火爆尚算handle到但其他呢,仍未到肉,可能這種閱歷滄桑尚要多磨練,但比三叉口已好多了,thanks god,郭既父角色,一路睇一路諗起福伯中的智叔(郭所欠缺的滄桑感)及丁蟹的橫不講理~哈哈,anyway,父子不是講親情反之是互相的折磨,無仇不成父子,ending子望向的單車,流下的眼淚,父子之情,輪到了但也揀不了

<18/02/07:夜>

Photo Link

大東山爛頭營

過左兩年,我卒之有得上去lu,好靚的大東山,聽佢地講,今次冇上次咁凍了,不過室外氣溫得5度,仲要大風到好似打風咁,一班人係屋入面打完邊爐再玩uno,再比人罸出去跑一個圈,但最後個個都出晒去,雖然好凍但d星亦好靚

<16&17/12/06>

Photo Link <<<<<<<==========

Paris Je T'amie

~~Paris Je T'amie(我愛巴黎) - [2006]~~

上次睇Ten Minutes已覺匪夷所思,老實開頭諗起全愛情故事,真係有少少卻步,但16個故仔每個拍5min點都要睇下攪乜鬼,但原來唔係全部講愛情,故事全都以愛字為重心,不論係愛情,親情,感情,慕名之情,記掛之情,暗戀之情等等一一道來,故事主角亦不乏熟口熟面之明星,故事太多,只講有所印象的故事,慕名而來的兩個遊客,一個喜劇感十足而另一個遊走於巴黎名勝中,生疏而平版的法文所說的故事無奈而孤單,分手故事開頭幽默十足,日日重復而生厭對方,但換來的居然是不捨不棄,邀請暗戀對象的所說出的簡單對話,只在最後一刻至可說出,巴黎當然小不了藝術手法的表達,小丑故事相當別緻,父與女的對話,結局出人意表,沖沖忙忙的保母記掛託兒所的兒子只為生活,平靜的盲人與火爆的表演者,用上fast forward的手法係巴黎城市入面表達,效果和洽,各個導演用上自己的感覺拍上一個又一個愛的故事,種族,疏離,生活,浪漫,荒誕,每個故事都有著它的特色及意義,如果沒有了杜可風的推銷員的話.......

<18/02/07:日>
Photo Link

The Host

~~The Host(韓流怪嚇) - [2006]~~

很好看的韓片,真係唔相信比起所謂既美國災難片可以好睇咁多,DVD menu一開始已用非常別緻的音樂出場,隱隱透露左依套係咩片,片末緊張打怪獸場面配上交響樂亦玩味十足,亦十分喜愛Tune過顏色既畫面,令我諗起NightWatch亦係古怪騎呢,講番套片本身,並唔係一般ID4 or WOW咁膚淺, sorry我真係好覺,後者甚至乎可以用低能形容,依套片冇sell什麼英雄,科技,軍隊,甚至乎全民萬眾一心對付怪物都冇~哈!相反套片著力於親情,反諷意味多到不得了,先有自大既科學家不理他人生死,一句this is an order做就成故事既禍端,慘劇發生後顧住抄牌既警察,接管災場只靠新聞發放消息及握殺小市民血汗錢的應變部隊,顯示出高高在上毫不體恤市民殘酷而無能的政府,接應主角一家只係續樣計錢的]機會主義者,並不存在什麼守望相助,成事不足敗事有餘比老豆認為腦有問題既先係主角,比人追捕仲走得慢吞吞既妹妹及一個流浪漢係最緊要關頭都比起大學生弟弟更有用,美國救人英雄最後居然被嚇死,哈哈哈,好笑到不得了,除了黑色幽默處處皆是外,全片節奏控制得非常好,一家人分三part入地下水道救人一幕緊張而流暢,怪不知之前有人評依套片可以成為經典

p.s. ending係咪爛？我不太覺,在我黎影響不大

<18/02/07:日>
Photo Link

The Prestige

~~The Prestige(死亡魔法) - [2006]~~

凶心人導演新作,果然不錯,故事比起凶心人復習多了,但一開頭既三個魔術師技倆好白咁講晒成套戲想點,雖然係咁一路睇一路引証番依三個理論幾過癮,互讀日記果part都幾有趣,有機會睇多次我相信戲味依然,但Scarlett係度真係唔知做乜了,個角色求其一個人做都得,無甚發揮

<06/02/07:夜>
Photo Link

Massive Attack feat Tricky - Karmacoma

很電影感的mv,massive attack係我幾中意既band,咁多年後番睇都正 =)

北角東寶

約左4-5個fd去久違的東寶食飯,一如過往訂位前5-10分鐘要到齊晒人先有得入,死趕爛趕先趕到,依舊人頭湧湧,門口企滿晒人,型仔伙記出出入入左幾次嗌人之後卒之有得入去食,我地坐正廚房旁邊,望入去有3-4個洗碗阿姐,一地碗真係忙死,好快嗌左幾個餸,有俊仔掛念的咕嚕肉,雪榚葉生嗌既芝士唔知咩餃,炸豬手,墨魚麵等等,我只係嗌左最有印象既冰凍啤酒,個冰凍雪碗真係好正,哈哈.一路講一路等野食,雪榚既滴油不沾事件,俊仔同葉生既"靚"啤酒定義都幾好笑,anyway,東寶d野食咁多年都keep到,好野.

之後仲走左去王記吃糖水,又糖水!!!點解又係食糖水?不過間野好似不錯,好多人係門口排隊,最出名竟然係陳腎蠔豉豬骨粥,我冇食到,但Yimay讚口不絕,下次經過真係要試下先.

p.s.睇番雪榚同Yimay日本行既相,5點幾去排隊食既壽司早餐,樣樣都嗌晒好味!係咪架??哈哈

<13/02/07:夜>

沙田沙角大排檔

前幾日約左成班人去食團年飯,依次相信係我第一次入沙角村,頂佢個大排檔點解咁難搵!!我足足搵左個幾字先搵到佢所在位置,行到埋去,嘩!場面相當墟陷,900幾人係度食野,檔口足足有十幾廿檔,仲要我唔知係邊間食,搵人真係搵死我,最後都發現左佢地,雖然有部份人見到我幾驚訝(開頭話要吃政治飯黎唔到,但我走甩左~哈哈),但我解釋左一輪後開開心心吹住水等齊人嗌野食,卒之吹呀吹,等呀等,差唔多9點鬆d先有得食,真係餓鬼死,逗泥嗌左2樣之後pass左比小研同路人甲,佢地一次過嗌晒所有野,真好唔洗我傷腦筋,餸好快就到左,乳鴿,雞粥,風沙鱔,墨魚咀,豬頸肉,抄硯等等,但食落只有乳鴿ok,其他真係唔多好食,唉~不過咁,就咁聽梅c父同阿威講佛經理論等等已好正,梅c父所演繹既內地天平理論及蘇民峰零的擺設真係正爆,哈哈. 最後仲有順風車坐,真好

<12/02/07:夜>

囡囡的頭髮

今日一大早起身落街食早餐,嗌左個沙爹牛麵加熱咖啡,隔左一陣,未送到,望過一兩張台有個爸爸同囡囡坐係度,我估同我一樣等緊早餐食,但佢地有d野做下冇我咁無聊咁周圍望,爸爸睇緊報紙,囡囡著住校服係度玩緊一盤細細既玩具年桔,年齡應該初中咁下上,過左一陣,我份早餐仲未送到,再望望爸爸囡囡果台,見囡囡嗌晒咁叫爸爸幫手,爸爸放低報紙伸手去幫囡囡整條衫領,原來囡囡d頭髮比件條領夾實左,爸爸手忙腳亂出晒汗係咁整,囡囡瓜瓜叫,爸爸皺晒眉,哈哈,果個情景幾攪笑,之後一輪混亂之後,卒之攪掂左,係依個時候,我份早餐仍未送到!!再望下囡囡,見佢摸摸下自己條頸,同爸爸講"你抆到流血咁濟o剌",爸爸一片茫然,囡囡除左件外套係度睇件衫,夾住左成執頭髮,囡囡一路show比爸爸睇一路講"你睇下,你整甩左我幾多頭髮",爸爸仍一面茫然,我又忍唔住笑,可能在佢地黎講冇咩特別,但我作為一個外人睇落場面異常溫馨,幾好笑,哈哈,雖然份早餐仲未送到 ~_~(依間野真係嗌野食等9世,不過盲目左,算了)

<11/02/07:日>

Shakira Feat Wyclef Jean - Hips Dont Lie

Cool mv in 2006. Fuxking crazy & sexy dance by Shakira. Wowoo!!!

Maxim featuring Skin - Carmen Queasy

So happy to see this song again in Youtube. It's old but still powerful today!!!

The Devil Wears Prada

~~The Devil Wears Prada(穿Prada的惡魔) - [2006]~~

老實依套戲名過於實,出戲名時又係千篇一律的背景,依類出場字幕真係睇左百九幾次,好在Meryl Streep真係撐起晒成套片,入型入格,正到暈,如果冇佢我相信套片既可觀性及名氣一定細好多好多,可能好似SF中編劇話齋,冇乜太多抵毀及狂踩名牌既場面對白設計,換之而來走向一個Professional的強者devil,我相信有趣程度一定減低左很多,雖然戲入面既故事及所有人既遭遇有很大程度既真實反映,反諷名牌背後的空洞亦可稱職,但去得唔夠盡,comedy得黎太認真,Drama又公式得濟,有點兒半天吊,可惜可惜

<05/02/07:夜>
Photo Link

émilie simon - Fleur de Saison

很搶耳的一首歌~不錯

Step up

~~Step up(舞出真我) - [2006]~~

一貫勵志劇情片,開頭出字幕時好明顯地分隔出光暗藝術與街頭,已知瀨野了,我係度諗做到咁明攪咩呢,果然不出我所料,很大路及老土的橋段,無所事事的跳舞天才攪破壞被罰,與大欖都扯唔埋既有錢女相遇,之後機緣巧合下天份被發現等等,真係冇咩特別既起伏,順順利利來一場表演,ending嗯~普通到不堪

<04/02/07:夜>

Photo Link

Little Miss Sunshine

~~Little Miss Sunshine(陽光小小姐) - [2006]~~

望穿秋水的電影,係我知道依套片時估唔到佢會有今日既成就,Anyway,成套戲果真非常有趣,一家大細古古怪怪,個個性格亦很有個性,互不妥協,雖然開頭在家時吵吵鬧鬧,旅途初頭亦目無表情,奄悶不堪,但隨後最精彩的爺爺演說真係笑到爆炸,旅程故事亦開始變得有趣之極,成套片除左對白精彩幽默外,最有趣反而係睇睇下令到作為觀眾既我認識到依一家人真正的溫情而非開頭的角色設定,很有趣亦很成功的手法,睇依套戲時令我諗起Sideways,一樣的公路電影一樣的風趣幽默,但依套明顯比Sideways大眾而輕鬆得多了

<04/02/07:夜>
Photo Link

Nacho Libre

~~Nacho Libre(嘮嘈神父摔跤你) - [2006]~~

出自一套我非常喜愛的電影"Napoleon Dynamite"既導演新作,開場亦保持一貫的玩野成份,當然Napoleon正好多,而男主角Jack Black亦係我一個非常喜歡的喜劇演員,毫無疑問依個配搭非常岩口味,講番套戲,角色中出現左Napoleon差不多的古怪人物,亦有靚女出現,可惜成套戲效果一般, Jack Black亦發揮唔到應有的表現,雖然有d場面亦幾有趣,可惜整體都係失望的

<01/02/07:夜>
Photo Link

Dreaming of you

Unconsciously listen this song again in YouTube. Her song, her voice, her moment, her story. I almost cry even though it was long time ago. I miss you Selena T_T

Photo 2006

僧侶Dang Ngo(American Photo 2006)
一幅我甚為喜歡的照片

北京黃村鎮魚塘活魚死亡現象(新京報2006)
構圖很好的圖片

印尼爪哇的農夫與火山Adek Berry(AFP Photo 2006)
很有意景的照片,拍攝者真的很有觸覺

動物行為組Andre Seale(BBC Photo 2006)

=) 很有趣

黎巴嫩阿巴斯油畫中的婦女Thomas Coex(AFP Photo 2006)

不太知道當中的政治背景,但感覺背後有相當重要的含意

以色列加沙停屍房的母子Mahmud Hams(AFP Photo 2006)

我揀選這圖,不是在於圖片本身,而是在於當中工作人員的一對手及旁白"停屍房的工作人員扶著一歲大的小孩屍體以免從他母親的屍體上掉下" 千萬個無奈

白宮中的賴斯(Times Photo 2006)

看到此圖只令我諗起 - 女權至上

迪派編輯精選2006

紋身金魚

農 曆 新 年 將 至 ， 有 內 地 商 人 看 準 金 魚 有 吉 祥 意 思 ， 用 激 光 在 魚 身 刻 上 吉 祥 字 樣 ， 原 值 六 、 七 元 人 民 幣 的 金 魚 「 整 容 」 後 暴 漲 十 倍 多 至 八 十 元 。 有 如 活 揮 春 廣 州 芳 村 花 地 花 鳥 魚 蟲 市 場 最 近 出 現 一 批 新 貴 ， 身 上 刻 有 「 如 意 吉 祥 」 、 「 招 財 進 寶 」 與 「 豬 年 大 發 」 等 吉 祥 字 的 金 魚 在 魚 缸 內 晃 動 ， 與 其 他 金 魚 顯 得 格 外 不 同 ， 每 條 金 魚 呈 現 出 鮮 艷 的 橙 紅 色 ， 魚 身 兩 側 的 「 財 」 、 「 福 」 以 及 「 喜 」 等 紅 色 字 十 分 搶 眼 ， 一 組 組 金 魚 在 魚 缸 內 儼 如 一 副 活 生 生 的 揮 春 。 水 族 館 老 闆 何 先 生 稱 ， 這 些 「 整 容 」 花 鸚 鵡 金 魚 在 北 京 非 常 流 行 ， 由 於 農 曆 新 年 快 到 ， 民 眾 都 喜 歡 買 一 些 有 意 頭 的 東 西 回 家 作 新 年 擺 設 ， 於 是 便 引 入 這 種 金 魚 。 據 悉 ， 這 些 原 價 六 、 七 元 的 金 魚 「 整 容 」 後 身 價 暴 漲 十 倍 多 ， 民 眾 多 會 四 條 一 組 購 買 ， 拼 成 「 如 意 吉 祥 」 、 「 財 源 廣 進 」 等 揮 春 。 批 發 商 稱 ， 字 樣 是 用 低 強 度 激 光 刻 在 魚 鱗 上 ， 只 要 魚 鱗 不 掉 ， 字 就 不 會 消 失 。

我睇到依段報導後,第一句講既野係 "痴撚線!!好撚可憐的金魚"

期待中的Movie - Grind House

單sell Tarantino + Robert Rodriguez已夠殺,再加上poster + trailer, 擺到明賣b-movie!!! Fuxk!!真係正到屌屌聲

Synopsis
Grind House noun A downtown movie theater - in disrepair since its glory days as a movie palace of the ‘30s and ‘40s - known for “grinding out” non-stop double-bill programs of B-movies. From groundbreaking directors Quentin Tarantino and Robert Rodriguez comes the ultimate film experience: a double-bill of thrillers that will recall both filmmakers favorite exploitation films. Grind House will be presented as one full length feature comprised of two individual films helmed separately by each director. Tarantinos film, Death Proof, is a rip-roaring slasher flick where the killer pursues his victims with a car rather than a knife, while Rodriguezs film explores an alien world eerily familiar to ours in Planet Terror. Welcome to the grind house - itll tear you in two.
Cast Crew
Quentin Tarantino, Robert Rodriguez (dir.)
Kurt Russel, Rosario Dawson, Rose McGowan, Josh Brolin
Official Site

Rest Stop

~~Rest Stop(浴血中途站) - [2006]~~

除血腥暴力外,依套片真係唔知佢想點,睇時既感覺有d似Joy Ride同Haute Tension,但當然依套我唔多buy,究竟故仔係想講心魔??鬼神?定審判???真係唔多清楚,ending仲........唉,究竟佢想點呀!?!激氣 >_<

<31/01/07:夜>

Photo Link