~~The Devil Wears Prada(穿Prada的惡魔) - [2006]~~老實依套戲名過於實,出戲名時又係千篇一律的背景,依類出場字幕真係睇左百九幾次,好在Meryl Streep真係撐起晒成套片,入型入格,正到暈,如果冇佢我相信套片既可觀性及名氣一定細好多好多,可能好似SF中編劇話齋,冇乜太多抵毀及狂踩名牌既場面對白設計,換之而來走向一個Professional的強者devil,我相信有趣程度一定減低左很多,雖然戲入面既故事及所有人既遭遇有很大程度既真實反映,反諷名牌背後的空洞亦可稱職,但去得唔夠盡,comedy得黎太認真,Drama又公式得濟,有點兒半天吊,可惜可惜
<05/02/07:夜>
Photo Link
3 comments:
我又覺得呢套好好喎
感動我既係 Runway 上下員工都有一份passion.
對, Meryl Streep 係抵毀狂踩, 但佢同事亦係一個典型工作狂 -- 完美主意者。
人人都知佢難頂, 但加入 Runway 工作還是人人夢寐以求! 為的正是崇拜這份完美主意!
這個畢業生, 由無心插柳到完全投入的過程。好好解釋了這份狂熱散發出來的魅力!
如果你係朋友向你呻做野辛苦, 你只識同人講"咁博做乜姐, 人地比幾錢你丫" 既呢一類人, 你唔會覺得呢套戲好睇
yes,因為我做野耐,份人又冇乜理想,even有次一個睇相既朋友指點我兩句時,我第一句問佢我幾時可以退休唔使做~哈哈
不過如果朋友向我呻做野辛苦,我會同佢講"咁博做乜姐,做得幾多得幾多,唔好比咁大壓力自己啦"
Post a Comment