今日一大早起身落街食早餐,嗌左個沙爹牛麵加熱咖啡,隔左一陣,未送到,望過一兩張台有個爸爸同囡囡坐係度,我估同我一樣等緊早餐食,但佢地有d野做下冇我咁無聊咁周圍望,爸爸睇緊報紙,囡囡著住校服係度玩緊一盤細細既玩具年桔,年齡應該初中咁下上,過左一陣,我份早餐仲未送到,再望望爸爸囡囡果台,見囡囡嗌晒咁叫爸爸幫手,爸爸放低報紙伸手去幫囡囡整條衫領,原來囡囡d頭髮比件條領夾實左,爸爸手忙腳亂出晒汗係咁整,囡囡瓜瓜叫,爸爸皺晒眉,哈哈,果個情景幾攪笑,之後一輪混亂之後,卒之攪掂左,係依個時候,我份早餐仍未送到!!再望下囡囡,見佢摸摸下自己條頸,同爸爸講"你抆到流血咁濟o剌",爸爸一片茫然,囡囡除左件外套係度睇件衫,夾住左成執頭髮,囡囡一路show比爸爸睇一路講"你睇下,你整甩左我幾多頭髮",爸爸仍一面茫然,我又忍唔住笑,可能在佢地黎講冇咩特別,但我作為一個外人睇落場面異常溫馨,幾好笑,哈哈,雖然份早餐仲未送到 ~_~(依間野真係嗌野食等9世,不過盲目左,算了)
<11/02/07:日>
11 February 2007
Subscribe to:
Post Comments (Atom)
No comments:
Post a Comment