play list

23 February 2010

謝至德-朝不夕保攝影展,灣仔電車,修頓,和昌大押,灣仔秀華坊 & 曾灶財50年街頭傳奇展

貳零零捌年壹月拾叁號 - 謝至德-朝不夕保攝影展,灣仔電車,修頓,和昌大押,灣仔秀華坊

謝至德-之前睇過佢所出既書"拋過身出去"相亦係以黑白為主,感覺上佢比較喜歡遊走於城市去捕捉城市入面既人與事,睇佢既相會好有故事感

今次以回歸十年為主題,展覽地點係灣仔既秀華坊,依個地方真係去都未去過,感覺上周圍既環境不錯,舊舊但又乾乾淨淨的,下次真係要去依度影下相,順手過埋船街睇下有咩改善

講番展覽既相,用上一d鋁框作為展品既架,上半係英式充滿植民地色彩,而下半多為傳統的中國節日,相好多時都係out focus感覺很匆忙很攝記既感覺

貳零零捌年壹月拾叁號 - 曾灶財50年街頭傳奇展

相信作為香港人,應該冇咩人唔識曾灶財,可能果時番土瓜灣,佢既字見得最多係太子同埋旺角火車站橋底,果時果兩幅牆真係冇幾可乾乾淨淨,時時寫滿晒字,d牆油番靚佢好快又寫滿晒,哈哈

我曾經嘗試過睇下佢寫乜,可惜最多只可讀到兩句,大約記得係"九龍皇帝曾灶財家住秀茂坪,門口種菜....."咁上下,佢寫d字成日因太多墨,好多時都有一條條墨痕流落下面,今次展覽果d可能揀過,好少好少見到依個特色,比我感覺係反而太工整,Anyway,九龍皇帝既墨寶真係所餘冇幾,希望政府多多手下留情,可以係街頭街尾留番一dd皇帝既筆跡啦,話晒佢真係香港既一種獨有既個人文化,所有市民習以為常見怪不怪感覺上真係好特別

<13/01/08>
Photo Link <<<<<<<<<

No comments: