Benny Lava

從David Choi到Benny Lava再到這首1994年的印度mv,有趣,哈

Rob Sheridan

Rob Sheridan, i love this one

http://rob-sheridan.com/main.php#/IMAGES/ILLUSTRATION/1

Twilight Zone The Movie

~~Twilight Zone The Movie(迷離境界) - [1983]~~

迷離境界電影版,雖然很電視感覺但也值得一看,最喜歡的還是開場的公路對話及兩人之間的互動及車內外的氣氛,至於另外的故事,恐怖當然絕對算不上,但總有它的喻意在內,最有印象的當然是ending的飛機故事,之前應該是看過的,但年代久遠,現太朦胡了,但結尾的音樂還是很有印象的,哈

<28/01/11>
Photo Link

Danielle Tunstall

Danielle Tunstall, i love this one

http://www.danielletunstall.com/page/3/

Mýrin

~~Mýrin(Jar City,冰島犯罪現場) - [2006]~~

一部處理得還可以的懸疑片,當中找到了親情的段落及描寫,當然還有最為吸引的冰島風光,暗暗的寒冷的還有海邊小屋,城市又有點Sweden及Finland的感覺,可能都是北歐街道大廈就是差不多了,另發覺他們的生活不錯,住宅很美而且治安貌似不錯,監犯自由出入,逃獄好像不是一回什麼事情,假期沒人上班,查案時想找人幫忙也不太容易,警察沒有配槍,門亦隨意關上就算了,這真是他們的生活嗎?哈

Anyway,有時總喜歡看一些很少看到的外國電影就是喜歡看到不一樣的風光,生活或者是故事的處理,可能比電影本身更找到一些其他的意外驚喜

<24/01/11>
Photo Link

Akshay Kumar - Hare Ram Hare Ram

記起前排剛看過的印度電影祖廟鬧鬼記,ending時有首歌叫Hare Ram Hare Ram,是由片中的神怪醫生Akshay Kumar主唱(雖片裡扮相古怪但其實他比男角更有型而且很大隻,哈哈),雖知Bollywood喜歡以歌舞ending,不過故事完結後突然插入這個mv,而且開首有一兩shot的停鏡,以為是file壞了,有趣,歌其實蠻順耳,試試

Bad Lieutenant

~~Bad Lieutenant(壞中尉) - [1992]~~

可能我對美國沒有那麼深的體會,又可能我看時不知道這是一套獨立電影,所以只看到電影中濃濃的粗糙原始味頹廢感,整片充斥游離感覺,在電影過了一半有多我還不知道究竟在做什麼故事是什麼,正如電影中的主角一樣游離,不實在,沒有前因就只有不斷的毒品,烈酒,妓女,暴力,什至乎強姦修女的場面,配上主角直白尖酸的對白,整片在人性道德上蕩然無存也極諷刺,並以一場球賽穿插,無論是吸毒時,喝酒時,罪案發生後警員們的對話也是球賽,這總是我沒法投入的,另我發覺Harvey Keitel 的眼神太利害,游離過後的短暫清醒令人有種不明所以的感覺,但無論如何他總是一面的憂傷痛苦,老實說這片有點難看,獨立電影就應該有不一樣的角度,我看此片時的角度明顯放錯了,哈哈

<23/01/11>
Photo Link

Lepa sela lepo gore

~~Lepa sela lepo gore(Pretty Village Pretty Flame,錦繡山河一把火) - [1996]~~

又成為另一部我喜歡的南斯拉夫電影,影片一開始的幽默風格輕快樂曲令我想起underground,當然我知道這一定不會是一套什麼的喜劇,anyway,電影的剪接亮麗,游擊隊內人物性格立體,對白亦幽默得宜,故事由隧道而起由隧道終結,雖然沒有underground那種近乎於史詩式的電影格局亦比它來得drama一點,但同樣做到了那種令人心痛的感覺

<23/01/11>
Photo Link

Redacted

~~Redacted(節選修訂) - [2007]~~

如導演想拍一套片出來是令人討厭的,那麼他做到了,起碼對我來說是成功的,首先戰爭片一定不是我喜愛的類型,其次是影片的偽記錄片模式拍得實在太浮誇太用力了,三是故事本身是一件令人討厭的事件,無論當中的真偽與否,但總是令人感覺很差,最後是導演在影片中加插了很蕩氣迴腸或是很沈重但又很大美國的音樂,配上畫面,很想吐,可能戰爭本身就是一件令人討厭得想吐出來的事情吧

<23/01/11>
Photo Link

尼泊爾 2009-10-24to11-02 - Part.10(02Nov)

尼泊爾(Kathmandu,Pokhara,Poon Hill)

02 Nov 2009 Mon Kathmandu Sunny Day

第二日一早搭的士去Swayambhunath Buddhist Temple,同的士司機講好去到中途放低我地,咁我地就唔洗由山腳行樓梯上去猴廟lu,車程當中經過當地居民住既地方,因時間早既關係,佢地既街市仲運作緊,比較少見,係另一個景象,有趣

之後上到猴廟原來咁岩維修緊,真正既冇眼睇,不過冇辦法,只有係周圍既地方行下,有好多人好熱鬧,有d人仲好似幫人祈緊福咁又有人幫佛像洗身,之前未見過,幾特別,睇左陣就行左去山邊睇view of Kathmandu Valley,但因空氣差既關係,朦查查咩都睇唔到,算啦又


順帶一提,d狗又係度訓覺,怪不知TT話佢地唔係訓覺就係打交啦,哈

後尾因有時間既關係,我地決定左行落山,一路行呀行,經過好多當地人來人往既地方,我幾中意依個感覺,之後行左一排卒之去到Durbar Square,人真係好多好多,但我地太肚餓既關係,所以就求其搵左一間野食,都係食番Daal Bhaat,其實我好想用手食,風味可能唔同d,但得我一個咁食又好似唔知點咁,最後都係用叉食算了

之後去左睇一間好舊既古廟Kumari Bahal,係佢地既女神細個時住既地方,全木制,好古舊

後尾行番出Freak Street,去搵搵好食既印度布丁,間野叫snowman cafe,都好出名下,一問d人就知係邊lu,好舊既鋪頭,仲有Bob Marley既海報及懶懶的音樂,感覺好舒服而優閒,佢既焦糖布好好食,最衰真係冇咩時間慢慢坐

之後再去左New Road買茶葉,但原本New Road已經變左深水土步咁,周街都係賣電腦或攝影器材,所以行左陣就番轉頭去番Durbar Square

之後由Durbar Square一路行番去Thamel,一路行都係當地既居民仲有路邊街市,食左個非常好食既街邊圈圈餅之後去埋一間非常之靚既Kaiser Cafe食左件3文治就番Hotel羅番d野去機場了

預早左2個鐘去機場都攪到差不多上機前半個鐘先去到侯機室,依個相信自己所遇見最細既國際機場,仲要用人手對名劃名,真係難以想像如果真係封左既混亂情況,好彩

最後,尼泊爾真係一個好地方,我相信會有機會再去,想行行9日既行程

Back to Part.01

<02/11/09>
Photo Link <<<<<<<<<

12 and Holding

~~Twelve and Holding(十二歲的少年) - [2005]~~

一套看似包裝得是一般青少年電影,但實際上是殘酷及充斥痛苦的故事,導演沒有一下子悲天憫人,當中說的故事亦沒有太大的距離感但一步步帶領你進入一個你我也可能面對的困局,頗到題及入心的故事

三位主角外表上是12歲少年,但因自身的問題(體型,面相,自卑,孤獨等等),而有著不同程度的渴求或處理手法從而各有不同的經歷及改變,戲中的fatboy外表笨笨其實是最為腦筋清晰亦是最快最堅持自身行動的人,到最後亦以感染而改變家人(雖然差點做成悲劇,但相信他應該不會後悔),而三位中唯一的女孩子,因缺乏家人重視(甚至乎被忽略違忘)從而渴望快速成長希望從他人得到另外一些心靈慰藉,雖然不能得到想要的東西但從他出發去找父親之路看出她對前路仍有一些希望,我覺她是三人中表面最成熟但亦是最為純真的一位,而最後一個看似內歛怕事人畜無害在家人心中還小還要保護的那一位,相信一定是三個中最痛苦的一人,他明知痛苦他明知內疚還是行動,從一開首戴著棒球面具到隨後露出真實面孔亦同時將自己埋藏在隱形面具下做一個家人心中的"孩子",沒人理解,前路悲蒼的孩兒

電影從我理解是說出不同人在某些不開心經歷後如何處事如何面對再回首看回自己之前的決擇,每人對待每件不如意事上也可能是其中一個12歲少年,看你當時如何看如何想如何做,what are you holding now?未來會等著你的

<22/01/11>
Photo Link

尼泊爾 2009-10-24to11-02 - Part.09(01Nov)

尼泊爾(Kathmandu,Pokhara,Poon Hill)

01 Nov 2009 Sun Pokhara,Kathmandu Sunny Day


一早起身諗住搭早機番Kathmandu,點知間Agni Air又再一次delay,今次仲要2個鐘,基本上去到Kathmandu同我地原先既時間係一樣的,真吹脹


去到Kathmandu機場,又因我地遲到既關係,酒店既人走開左,我地又要等左佢地一排,卒之攪完一大輪先番到酒店,放低晒d野後,就開始出發到Boudha,其實Boudha都幾靚,陽光仲好好,但其實佢睇黎睇去都差不多,相亦影黎影去都係咁,所以我地就決定左係度食完午飯後就繼續行程去下一站Pashupatinath

去到Pashupatinath,真係大開眼界,成千人係度祈福仲有水葬,真大場面

之後諗住由Pashupatinath坐車去Swayambhunath,但本書司機睇點知佢去錯左Boudha又要再開車去番Swaymbhunath但又塞車塞到暈,諗諗下唔多對路,所以都係番Thamel先算,我地由天光坐到天黑,攪左2個鐘都有之後途中見到一大堆火把,問番司機原來係毛派示威,見塞塞下都唔對路,但司機又唔識睇地圖,街又冇街名,係咁易見到下個地址,大約估自己係邊,就落車行路算lu,如果唔係都唔知幾點先番到去,但其實個天已經黑晒,我地既所在地仲要係當地人住既地方,一個游客都冇,我地係度行都幾奇怪,當中行過好多示威過既地方,地上既火把仲係度燒緊,成街都係燒野既濃味,又黑鬼蚊蚊,所以一入鋪頭問路一路都幾驚險下,卒之又攪左一大餐,番到去Thamel,睇睇錶,頭頭尾尾已經攪左總共3粒鐘,去到La Dolce Vita食飯,已經倦到死,因擔心機場會有事,所以打電話番香港叫jerry幫手check airline睇下有冇咩變化,果一刻其實都有少少煩驚唔知攪幾耐先番到香港

食過飯後就諗住去番Rum Doodle飲杯野食個名,點知已經太晏,冇得飲lu

之後番酒店訓,但間blue diamond真係好鬼嘈,可能我地係住最平既10蚊一晚,所以地下就好鬼嘈,狗呀人呀車呀鐵閘呀,嘈到都唔知幾點先停,我咁易訓既都成晚比佢地嘈醒,哈

Part.10(02Nov-Kathmandu)

<01/11/09>
Photo Link <<<<<<<<<

The House is Black

~~خانه سیاه است(Khaneh siah ast,The House is Black,房子是黑的) - [1963]~~

1963年的伊朗片,電影是為麻瘋病人而拍攝,女導演Forugh Farrokhzad(對,是伊朗是女導50年前,很難得)用近乎記錄片模式在一個麻瘋村落拍攝,畫面充斥種種麻瘋病人的破落外貌,部份容貌已被毀難以想像本來的樣子某些也手或腳殘缺,但仍用他們的生活方式去生存,對白很少只有一組組的詩句,當中不停的夾雜了麻瘋病人讚美上主的說話但帶出很強烈的諷刺意味,中後段的畫面及剪接凌厲,某些音效也配合得很有心思,扣人心弦,相信如在大銀幕看所帶來的震撼一定大得可以

<21/01/11>
Photo Link

Nordeste

~~Nordeste(東北部) - [2005]~~

一套主題頗嚴肅但亦十分考耐性的電影,它是圍繞兩位女性的故事,一個是生於城市的法國人而另一位則是生於阿根廷貧瘠郊區的印第安人,影片開頭跳接了兩地的不同畫面來顯示出兩位主角本來生存於不同空間,但因領養問題而令居於法國的女主來到落後的郊區再繼而相遇,以兩位的對比而令人思考戲中提及的社會問題例如非法領養,嬰兒買賣,童黨,毒品,槍械,佔地,非法殺人甚至乎偷情等等,觀乎是因貧窮而起,但影片沒有太著力的進行批判亦沒有太刻意的去營造一個什麼樣的故事出來,只是留空了很多地方來讓觀者思考,順帶一提片中的景色十分之美,但當置身其中,可能我們也會像法國女主最後一shot面對夕陽美景也變得全無表情

<21/01/11>
Photo Link

尼泊爾 2009-10-24to11-02 - Part.08(31Oct)

尼泊爾(Kathmandu,Pokhara,Poon Hill)

31 oct 2009 Sat Syauli Bazzar,Naya Pui,Pokhara Sunny Day

第2朝一早起左身,疏洗既地方對出真係幾靚,一大片田地對上既係一大個雪山,之前一晚冇咩留意,第二朝先發覺,哈

食過早餐後就行多個零鐘度就番回我地既起點Naya Pui,坐多一個鐘度既車程就番回Pokhara

我地又番回本身住果間Karki Guest house住,今次住落左一層,仲要2個人訓既房唔知點解要有3張床,感覺上冇之前3樓咁光猛,不過算啦,快快手pack好d零食等等,就交晒比sagar同soldier,shy boy佢地,唔通仲羅番香港咩,哈,影完合照後就正式同porter分手,佢地真係好好人,而且好攪笑,仲記得朝早佢地用電話同埋一d snap shot整左2段片,好鬼好笑,唔知之後仲有冇機會撞到佢地呢?哈


之後sagur帶我地去左食佢地既地道午餐Daal Bhaat,其實幾好食,原來尼泊爾d野食都幾岩我,哈

打番電話比係香港既jerry佢地,知道tina冇咩事,咁都好d,後尾仲講原來佢地係酒店撞鬼,仲話係我地住既同一間酒店,哈,其實我地想知,但最後都係冇講到

之後行左陣街,撞到係加得滿都既導遊uttam,佢捉我埋一邊講番jerry既鬼故事比我聽,原來真係幾驚嚇喎,哈



之後我地就走左去Fewa Lake遊湖,但之前仲沿湖走左去一間叫Pumpernickel bakery既地方飲左杯野,但環境真係比山上既差好遠lu

飲完野後就走番去Fewa Lake既湖邊搵番之前傾好左既船家去遊湖,本來300蚊一個人就嗌到250蚊2個,但估佢都係part time性質,感覺到佢撐得頗吃力,不過見佢算幾靚仔,算啦,哈

上到去Varahi Temple,游人都算多,船家話依個湖有種魚好好食,去左Varahi Temple,佢仲指比我地睇,真係好大條,攪到我夜晚仲想嗌魚食,後尾回程時已經開始天黑了,但最後佢居然話用左2個鐘,所以要收500蚊,雖然有少少覺得佢唔多老實,但事實上我地點都係平過出面既船家,算啦

之後番番市中心,行左陣都冇咩買,就去左第一日冇去既lemon tree度叫dinner,一貫既食環境地方,野食都係一般,可能真係食得太多西餐既關係,真係有d厭

番到去酒店,因言語既誤會,以為係依間Karki Guest house有鬼,攪到TT沖涼都唔敢關門,哈

之後訓覺時又熱又凍咁,我唔知心理作用定點,總之就訓得冇咁好啦

Part.09(01Nov-Pokhara,Kathmandu)

<31/10/09>
Photo Link <<<<<<<<<

Irina Palm

~~Irina Palm(洞裡春光) - [2007]~~

因個人習慣,看前全不知故事內容及片種,單從名字來看,以為是什麼歐洲情色劇情片,看後才得知是一套以老婦為主角,從不幸事件中引伸出來的溫情及帶點comedy味的電影,就是有點令人回心微笑那種,但故事實在簡單,電影中maggie因孫兒的疾病而活得足襟見肘但幸運地又遇到好boss發掘了她不為人知的優點而且從中獲得頗positive的遭遇,事事順利美好的處理手法令人覺得"戲"了一點,anyway,maggie對事物的處理有她自己一套,只要覺得需要就會全心不受旁邊影響的去做,很有個性的角色,喜歡

<20/01/11>
Photo Link

尼泊爾 2009-10-24to11-02 - Part.07(30Oct)

尼泊爾(Kathmandu,Pokhara,Poon Hill)

30 oct 2009 Fri TadaPani,Ghandruk,Kimche,Syauli Bazzar Sunny Day

一早食完早餐後就開始落山了,行程當然比之前既好,但我支行山竹已經壞左,落山時最下面一節就成日都走出黎,最後要用石頭夾硬整扁佢先用得,但已經唔帶得番香港了,算啦,都用左好耐了

當中經過一個jungle,導遊話可能可以見到白色既馬騮同埋鹿仔,但我地只係遠遠望到d馬騮走黎走去,影唔到相,之後經過d有水流過既地方,問問sagur,冬天或雨季時依度係咪唔可以行,佢話都可以照行,不過危險少少同埋要除鞋過溪,真係凍死人,嗯,我都係中意10月既尼泊爾多d

之後落山既路程眼見既都係梯田,因秋天既關係,景色非常之靚,花亦可能因空氣好既關係,色彩十分之清晰,紅紅黃黃橙橙等等,顏色鮮明,真係花都靚過人,之後去到Ghandruk食午餐,依度本來係我地住既地方,餐廳對出係一片草地再望住一大個雪山,風景十分之好,但因我地想爭取時間番Kathmandu,所以選擇左午飯後繼續行程,當然因時間鬆動既關係,我地依個午餐係食得比較耐,當中仲係陽光下訓左一陣同埋同個好得意既小妹妹玩左一陣添

休息左一大輪,就繼續行程,一直都係落山,梯田亦越來越多,黃黃的,十分之靚,丫,係午飯既地方Annapurna Guest House,又有一隻黑狗跟住我地落山,明明都冇比野佢食,乜得佢地咁好客,成日都送人走,哈

一直的行行行,去到一個頗熱鬧的村落,有人係度砍木,有小朋友係度玩緊d唔知咩棋,我覺得有d似我地既康樂棋,不過佢地係用手彈的,之後見到一群騾仔係度食草,sugar叫我地睇佢既背脊,揹野既受力位受晒傷好可憐,後尾係落山既途中,我地見到一班lady boy,soldier同sagur原來都唔識分佢地係男仔,但可能我地係泰國見得多,所以一眼就分到,但佢地2個好似覺得好新奇咁,係度嘈之巴閉,由山腳嗌番上山係度聊人地,真係比佢地笑死,當然中間佢地亦係咁笑我地既另一斯斯文文既porter,我唔得佢個名lu,但佢怕怕羞羞咁,講野又陰聲細氣,我成日都想叫佢做shy boy,哈

其實我地行既路十分之好走,見人反方去上山,感覺辛苦過我地上山條路好多,因實在太多碎石同大石,高高低低咁,上山就有d困難了

後尾去到一個rest位,有好多小羊咩,仲有好嘈既公雞同埋一群走黎走去既鴨,好得意,之後冇幾耐,見到一大條河,就去到我地要住既地方,syauli Bazzar,但因太多人既關係,本身要住既guest house已經爆左,我地只好住另一間比較簡陋一點既sikhar guest house,成間野只有我地同埋另一個由london黎既女士,食飯時聽佢講原來佢有成班朋友過黎尼泊爾,但只有佢一人行山,真神心,之但係如果得我一個,其實我都會上山,因為實在太靚了

夜晚既syauli Bazzar,比較寧靜,因冇咩好做,我地未夠9點已經訓覺了,諗起都覺得好過份,哈

Part.08(31Oct-Syauli Bazzar,Naya Pui,Pokhara)

<30/10/09>
Photo Link <<<<<<<<<

4 Minutes

~~Vier Minuten(4 Minutes,情鍵四分鐘) - [2006]~~

一套放了很多年才看的電影,一看果然令人印象難忘,兩位主角同樣是固執,專注而充滿辛辣帶刺的性格,但因音樂而走在一起,基本上整套片大部份時間也充滿壓抑拉扯及不安特別是影片的前半部份及ending精彩的一場高潮鋪排,除去那些因倒叙及穿插手法令人有點迷失外(其實此完全不是問題),精彩的配樂,兩位主角貌似沉默壓抑但實際充滿power的拉扯及互動引伸至最後一刻的心靈契合,什至乎故事背後想帶出的含意亦令人動容,沉於黑暗的天份只需數分鐘亦可激起浪花,矛盾總是存在固執的堅持總有產生裂縫的一天,順帶一提此片的soundtrack非常不錯,聽了數年而在電影中真正的重溫實在令人感動不已

<19/01/11>
Photo Link

尼泊爾 2009-10-24to11-02 - Part.06(29Oct)

尼泊爾(Kathmandu,Pokhara,Poon Hill)

29 oct 2009 Thu Ghorepani,Poon Hill,Tadapani Sunny Day

一早4點起身要到poon hill睇日出,經過琴日既日落及雪山夜景,對poon hill既日出當然有番咁上下既期望啦,著好晒衫帶好頭燈腳架等等用品,就早餐都唔食由guest house出發了,雖然係黑蚊蚊行,但個個都為左睇日出,條山路不知幾熱鬧,但晨早流流訓都未醒加上未食早餐同埋二千幾上三千既山路,雖然有soldierporter陪埋我地上山,但我都行得極為辛苦,中途停左都幾多次先上到山,經過1個鐘度既山路,我地由二千五行到poon hill既三千二米,去到最後一個rest既地方,太陽已經差不多出黎,個天變得紅紅橙橙的,其實都幾靚,但我實在冇咩氣係度影相,所以抖順氣後就上山頂再影番過去好過



上到山頂已人山人海,風一般的大氣溫一般的凍,可能成身行到興恰恰既關係,都冇咩凍既感覺,set好腳架影左幾張相,之後就上高台度以再高既角度睇雪山日出既來臨,上到去亦多人到不得了,好彩係鐵台唔係真係有少少驚個台會比人踩霖,因邊邊已經好多人係度影緊相,好難先搵到個位走入去影雪山,可能因為高同埋個人靜左落黎,所以開始覺得凍凍地,好彩一早準備好手套頭巾,所以還好,但身邊既人不停講好凍好凍,真係覺得帶埋羽絨係明智的,哈

zoom近zoom wide咁影左相後,太陽開始出黎,d日光打落雪山度,感覺不錯,影下video再影下pano就走番落地面,可能夠光既關係腳架其實唔雖要點用都可以影到相,之後幫朋友影多幾張相後就開始走人落山食早餐

番到去guest house,對住個火爐暖左陣就食早餐lu,之後番房執番好d野8點左右就再次出發,但可能因時間不多既關係,我冇做checker既角色就出左門口,之後先知唔小心咁留低左個頭燈,3百幾蚊好貴呀 T_T


之後開始行d比較易既走既平路或落斜路,天氣好到不得了,加上雲岩岩積聚,層次十分之不錯,落到一半又見一個rest area,有支高高既旗掛係度,加上南天白雲雪山,極靚

之後去到一個叫Deurali既地方休息下,食三花腸既時候,見到有個外國人對我地既罐頭腸好有研究,想請佢食但原來佢係丹麥人,三花腸係佢家鄉出品,所以佢冇興趣食但問我地係邊買,哈

之後行過獨木橋再走落山見到滿山黃黃紅紅既樹,好似九寨溝d相咁上下,但當然冇咁多啦,可能時間問題又或者係樹加上氣候不同既關係,我冇去過九寨溝所以情況唔多清楚,之後行到去Saranga River,全部都係人,之後又係一條上山既路,雖然冇咁斜但都頗吃力,後黎去到一間叫Tranquility guest house既地方食lunch,係太陽下訓左個懶懶既小覺,先有lunch食,係食飯途中見到有人放羊,全程咩咩叫,又有兩隻牧羊狗,有隻仲幾靚仔,但佢地唔中意食薯仔只愛吃肉,比左食剩既momo比佢食,再影左幾張相就走lu


係行山既路中不停聽到佢地既咩咩叫,途中sagur仲捉左隻小羊上手,隻羊仔好驚4腳直晒咁,樣子趣怪,但好快就放番低佢因為其他羊怕我地捉佢隻小羊,開始圍我地,我地仲笑隻羊媽媽可能講緊粗口鬧緊我地都唔奇,不過我地唔識聽之嘛,哈

之後大約5點度去到我地住既地方Hotel super view top,去到已經時候唔早,但市面熱鬧,有d人擺下檔賣下野,但因太多人既關係,我地爭d冇房住,好在guide預先留位,所以仲有一個房但有3張床開頭話要同人share,經過一輪抗議後,我地先可以自己住番,但guide同porter都冇房唔知最後佢地訓邊,哈.沖完涼後上左一個小山丘度睇下全景,可惜係太大霧既關係未到日落個雪山已經唔見左,我地坐緊果度原來起緊一間guest house,感覺景觀一流及開揚,起好後一定好生意,但講開原來起間house都唔平,仲係同政府租地唔係自己買地,但做生意既可能支持到既,因大風既關係坐係度都覺凍,但居然比sagar嗌到人搵到d熱飲比我地,望住全景飲熱飲感覺真好

之後落番山,因第2日已經唔雖要趕路,本來想休息下先慢慢食dinner,但依間野既效率異常高,都未夠我地order既時間已經係咁追我地話整好晚餐,凍左好難食,算啦,不過個living room係幾好,仲有炭係台底夠晒暖但關晒窗有d焗,好彩不停有人出出入入,如果唔係中晒毒都似

不過間野既食物一般,有d難食,但個甜品chocolate pudding不錯,係甜到漏左少少

之後又出左去影雪山夜景,依度比Ghorepani既guest house更近個雪山,加上好多星,影出黎算不錯啦,之後十點零鐘就訓lu

Part.07(30Oct-TadaPani,Ghandruk,Kimche,Syauli Bazzar)

<29/10/09>
Photo Link <<<<<<<<<

尼泊爾 2009-10-24to11-02 - Part.05(28Oct)

尼泊爾(Kathmandu,Pokhara,Poon Hill)

28 oct 2009 Wed Tikhedunga,Ghorepani Sunny Day

一大早就比班外國人同埋d騾仔嘈醒左,時間應該係5點零6點左右,佢地真係早

食過之前一晚order定既早餐後就踏上最辛苦既上山路程,sagur講因為依日全部係上山,2000米係咁上山真係唔講得少,我既小背囊都好快咁比埋個porter揹,只係帶個相機就算,其實我覺得依百幾蚊真係洗得過,哈

去到某一個rest point,當地人請左我地食青瓜,原來佢地既青瓜好大個,但因非當造既關係,佢地比左個最細既比我地睇,都大過香港見既好多,哈

又聽guide講,原來雪山只係11點前會清,之後會因空氣既關係,11點後會開始有雲積聚,雪山就會比d雲開始遮住,睇得唔清了,但又因依個關係,只係上午好晒,下午就因有雲好得多,10月既nepal真係一個好季節

經過一輪上樓梯同埋休息後,又到左lunch hour,去左間叫fish tail peak guest house既地方食lunch,又撞到2個小朋友,不過可能佢地係餐廳既小朋友,所以物資感覺豐富點,雖然最尾我地都有比糖佢地食,但感覺好似冇第1日見果d窮小小既小朋友咁開心

之後又係行呀行,可能係係香港行得山比較多,肺量要既空氣多,行得幾辛苦,反而朋友行得好輕鬆,佢同guide差不多腳程,我就同殿後既porter行尾,難為佢要跟我既speed,我知唔同自己步速行真係好辛苦,哈

之後經過一條河,d水好清好清,仲好似九寨溝d水咁綠綠地色,山區果然不一樣

去左其中一個休息處,又見到個小朋友,同佢影下相,朋友飲下d新鮮水牛奶,因為我唔多中意飲奶,所以冇試到,不過聽佢講好甜,感覺良好喎

途中因擔心朋友山下既病況,所以由guide打電話落山,但打番guest house度成日都搵唔到佢地,可能出左去行,到最後打到佢地去機場我地都未搵到佢地,算啦,上山等佢地番到kathmandu再打比佢地

之後又行呀行,上呀上,卒之差唔多5點先到左我地住既地方係poon hill下既hotel snowland,已經係2千5佰幾米,屋出面對正雪山而且有靚靚地石地,好正,屋入面有個鐵筒做既暖爐,行到身水身汗見到個暖爐真係唔野少,雖然感覺真係幾有趣,guide比我地揀住山景定私人bath room,因為其實一望出去就係雪山,所以我地揀左private bath room,唔洗同人爭,哈

飲過野後就又係未天黑前沖涼,沖沖下guide就拍門叫我出去,原來日落,黃昏日落太陽打埋去雪山度橙橙地金黃色,好靚,雖然我個頭未乾同埋著得好少衫出黎,凍死,哈

番入去暖爐度坐左陣,暖番陣後就食晚飯lu,食度既送好多都係鐵板上,可能山上怕d野凍得快掛,甜品既apple crumble雖然好甜,但幾好食

飯後我仲走左出去影雪山同埋滿天星,有腳架果然不錯,但真係好凍,所以羽絨終於出場lu,好彩有帶者

第2朝要4點幾上山睇日出,所以影完夜景後就快快手執好晒第朝上山所需既衣物同用品後好快又訓左lu

Part.06(29Oct-Ghorepani,Poon Hill,Tadapani)

<28/10/09>
Photo Link <<<<<<<<