01 January 2011

東坪洲


本來約左人到東坪洲浮潛同埋影相,但突然因為潛水器材出左問題,最後佢地去左第度玩而我就按原定計畫到一條友到東坪洲行山影相,因為一來天氣好既關係二來我對浮潛少興趣不大三來資料已經搵左冇理由唔去,所以一大早8點零鐘已經到左馬料水碼頭等搭一日只有一班既翠華船去東坪洲,來回既價錢已經由80大元加到90蚊,其實都幾貴,上左船後發覺人不算多亦不算少,但睇裝束好多人其實係去游水既,聽講果度係水清沙幼所以多人都唔其,但90蚊游過水抵唔抵就見人見志了


搭左個幾鐘頭船卒之到左東坪洲碼頭,唔知係咪因近邊界關係,一落船就見到好多警察,講番環境天氣尚算不錯有少少藍天水就真係十分之清澈,碼頭旁邊既石頭真係幾靚,一出碼頭就向左行,因為其中一度叫難過水既地方12點就要過去,唔係既水漲左就過唔到,見仲有時間,過左亞媽灣就開始發覺藍天冇左,個天灰灰地冇咩太陽,換走個濾鏡就咁換番個filter就過左毛水清士多,之後跟據網上既資料上左山去睇睇一堆已經荒廢既石屋,但可能好少人行既關係,條路十分之難行,好彩我有個gps, in case迷路都可以折返

行左十零分鐘遠遠就見到一堆石屋同埋一個已經乾左既水池(天池),經過一輪爬高爬低,卒之可以行近果堆石屋,行到埋去先知原來有條石路,真係激鬼死,見時間已經唔多,快快手行去更樓石,途中經過譚大仙廟,人都冇隻再行番出海邊見到泰昌士多同埋隔離既一兩間廢屋,係海邊其實都靚,影左幾張相後就繼續行去更樓石,可能係我攪遲左既關係,人流不多,我可以安安靜靜咁影下相,之後就快快手行去難過水,但時間已經係差唔多成點鐘,去到d水已經好洶湧下,唔見有人過又唔知前面環境如何加上成手equipment既關係,所以食左個包後都係行番上山過龍落水好過,唔知係咪因之前太趕定係天氣翳焗又或者係唔慣揹大相機行山既關係,行左一小段樓梯後已經有想死既感覺,去到日規既地標,就真係要除走條長褲,除晒對鞋同埋襪,成個人訓左係舊日規既石頭上訓下覺,但因太多蟻既關係又唔覺太清涼,所以休息左陣就開始再行過

行左幾十分鐘,就去到龍落水既地方,個地型都真係幾奇怪,一整塊地打斜陷左入地,幾特別

之後再行到斬頸洲,又係冇咩人,所以可以比我盡情咁影,之後見到時間已經差唔多3點多,所以決定左唔再上白蠟灣同埋洲尾角就係坪洲營地同埋警岡中間既山路經過打橫行過去長沙灣睇個貓洞,但又因冇咩人行既關係,又要再一次穿林,加上我已經係短褲既關係,真係比d草同樹界死,經過一輪搏鬥,卒之走番條靚仔d既石路,向左手邊行冇幾耐,就落左沙灘見到間士多,很raw的感覺,買左罐十皮既保礦力,就行番出沙灘,因每日只有一班船加上只有六日有船,miss左就要等一個禮拜又或者call水警,所以問問士多婆婆係咪開5點3船,佢話4點半就要去到碼頭,見時間不多,就行前少少睇下搵唔搵到貓洞,好彩地原來好近,睇過下就行番碼頭方向諗住坐下等船,行到碼頭附近既士多,想食個豆花可惜已經賣晒,所以就嗌左個涼粉冰,其實我覺太甜唔多好飲,但坐下休息就其實都幾舒服,換過衫後4點半準時到左碼頭坐坐睇下報紙等上船,但冇幾耐已經上得船,上船前仲要查身份証,怪不知得咁多警察啦

上船後可能d人游水太倦,好多人已經訓左,當中見到好多人趕上船坐,等左半個鐘左右,隻船開始嗚笛,就見到d拖住一箱二箱既士多人士上船,之後好快就開船,見個太陽已經開始落山,景色不錯,途中仲見到上次行到死死下既黃竹角咀,一個接一個山頭實在太壯觀了,之後日落既magic hour雖然日頭一直朦朦的天氣但有個不錯既magic hour已算尚可了

<27/09/09>
Photo Link <<<<<<<<<<<<<<

No comments: