08 July 2012

貝澳camp2012

貳零壹貳年陸月貳拾貳拾號 - 具澳camp
又去貝澳camp,不過今次天氣唔係好好,我入到去已經好黑,以為雷暴警告會少人d,但可能假期關係,好多好多人,而且仲有菲律賓同好多國內人士,多人到爆,但天呢第一次見好多Kiteboarding,成個天都係,下面咁多人,又游水又摸蜆,其實都幾危險

我呢因之前一晚冇交叉電,所以相機都冇帶,只用電話影相,出左去影左陣相摸左陣蜆已經5點幾,佢地食野呢我就冇咩野做,整依樣整果樣就差唔多食晚餐,唔知點解好大風,真係大風到想死咁陣,所以起左執雨擋叫做好d,但都吹到d火周圍飛,要用好多野擋住d風先好d,食食下因太大風,居然有隻遊艇吹左埋岸,又警察又剩,咁好多人因好得閑既關係又係食緊野既時候,所以好多人就咁羅住個兜一路食一路睇,個場面都幾過癮,哈

後尾食左一陣野,我地又行左出去睇遊艇,隻艇吹到反左一半,咁我地坐晒係度一係食薯片又或者食糖水咁坐係度吹水,隻艇又對到我地正,加上大風大浪聲,我地話係睇緊4d影院,個感覺呢好relax好似去左外國度假咁,幾特別

因好多人既關係,去廁所好死遠,一來一回再執好晒野已經12點幾,但因好好風既關係其他好舒服,不過就真係怕佢落雨會水浸,最後只係天光落左一陣好快既大雨,基本上冇咩事

第朝9點左右見隻艇又近左好多,原來隻野叫wave dancer,真係好應境,之後見個西人一個坐係度望住隻艇好耐又聽佢地講佢落過海唔知幫隻艇整左d咩,睇佢咁苦惱應該係主人來的,隻船好慘個底應該花晒唔知有冇入水,真係唔知點先可以拉番佢出去,但好多人係佢面前影相,如果係我個主人都幾慘情下,而且成個天都係Kiteboarding,好似好多禿鷲圍住一個垂死既人,真係天葬一樣,之前一晚仲有好多水警輪係度,係貝澳黎講都算大件事了,所以都幾多警察不過第二朝又唔見晒,哈

食過lunch就走人,丫,係camp上面棵樹有個黃蜂巢,聽依度做野既阿姐講,因怕佢整親人,所以等d人走後就會拆左佢,其實佢地都幾慘,個巢好細而且又大風,佢地係出面係咁抆住個巢,d蜂應該個好辛苦

一整個camp基本上冇咩太陽但雨又唔算好大,加上真係好好風,所以感覺舒服,比想像中還好啦

<23&24/06/12>
Photo Link <<<<<<<<<<<<<<<<

No comments: