08 July 2012

東涌


襯住打風後既天朗氣清卒之去左一路plan左好耐但一直未時間又或者落雨去唔成既東涌同馬灣了

一早起身(本身諗住8點起身9點去到東涌但卒之起唔到身最後9點幾先出門口),去到東涌已經係10點半,一上完順東路條樓梯佢就開始落雨,仲係好大雨果隻,好彩岩岩去到觀景亭避左幾個字雨先行到,跟手行左去東涌小炮台,真係好細而且炮都冇支,不過對正東涌(唔知河定海),環境還算不錯


之後沿住斜路行左去東涌舊碼頭,因舊時係機場做野,食飯都成日黎依度,但冇相機所以一直都好想影下依個比較舊既馬灣涌村,但假期真係唔係好想番大嶼山所以加下搬左先的起心肝黎,ok,講番碼頭,佢有一排排既鐵皮屋,感覺應該冇人住,日久失修果隻,加埋個海同d泥有d似大澳,不過就細好多,泥面有好多蟹而且有少少白鷺印象中仲有好多彈塗魚但加下好似少左好多

行入村口睇埋鐵皮屋另一面,真係得番好少,望番出去海邊,仲有少少漁民同d漁船係度,不過都唔係幾多,再入馬灣涌村睇,真真正正可以周圍行下,佢d鋪頭其實真係幾舊我相信香港唔會多,有d係磚仔既門口我最中意,另d舊招牌等等,好正,人唔算多,行左入去某一條巷,仲有少少鐵皮屋,但唔多人住,有d已經空置左,再行番出去經過某一處,門口阿叔以為我蕩失路(又以為我係記者),咁我就順手同佢傾下計,佢話依度之前係好古老既農村,但自從東涌搬多左好多外來人黎之後已經唔同晒,成日有人偷野喎,咁我就話發展左係麻煩d,遲下仲多人入黎住可能條村仲會變得利害,諗起就可惜

行完馬灣涌村就出番去過土地同侯王宮,時間係12點幾,真正的烈日當空,曬死人,仲要行下路行行下好似唔多對路上番路面再行,經過東涌河行到土地,面對住河景,好開揚仲好當風,環境唔錯,再跟小路入行到侯王宮,唔算太大但感覺都幾古老下,侯王好有威嚴而且個神台好靚

對面就係沙螺灣,成日有人掘蜆果度,再行去東涌侯王橋,兩邊係東涌河,d水都幾清下,前少少就係紅樹林,好多蟹仔而且都算幾密,環境不錯,再前仲有條小路上山,唔知行去邊,不過因要去埋馬灣,所以就番轉頭


經過原路行天橋去左東涌炮台,比小炮台大得多,仲有幾支炮係度,而且有條完整圍牆,跟住佢行左一個圈,可能落過雨所以地下d清苔都幾滑,圍牆中間有間東涌公立學校,又係荒廢左,睇牌係1957年,因係瓦頂,感覺應該仲耐少少,行完晒就出番東涌地鐵再去下一站馬灣了

Part.02 - 馬灣


<01/07/12>
Photo Link <<<<<<<

No comments: