緬甸 2013-01-31to02-16 - Part.10(09Feb)

緬甸

09 Feb 2013 Fri Kyaukme mountains & villages Sunny day

約左guide八點出發,所以早少少起身睇睇local market,原來佢地都有室內market,不過都係唔太緬甸但又唔似中國,有少少似柬埔寨,有d亂又好多野咁,而且途中見到小和尚化緣,係羅住個黑色既盆,續家續戶化緣,有人比錢有人比食物或者其他東西,之前都有見過一整排和尚行去化緣,不過個過程就未見過,今次係早緬卒之見到了,見時間差唔多就番hotel食早餐,食完8點正guide就到左,因之前揹背囊坐電單車好倦,所以今次用左個腰包,感覺好少少,而且車亦比mandalay好坐,除左有把手腳踏亦穩陣,但因前日太倦,所以其實再咁坐都幾辛苦,so決定左monywa一定唔會再坐電單車,唔係我就倦死了

出發經過一個細村落,見有人玩緊音樂,叫guide停低入去睇睇,係傳統Shan Music,有個鼓好重下,咁打起上黎都吃力,再坐出發左一段路,條路開始爛,但車速唔高而且架車好坐d,所以還可,上到某一地休息下飲下茶去完廁所再出發,之後再到左間小士多,感覺舒服,guide因英文好,所以一路都講左好多野,東拉西扯講東講西咁,一時就話緬甸女人好靚,一時就講大家生活既水平等等,問佢點解英文咁好,佢話自己仲讀緊書,係讀psychology,想搵d錢可以去英國,又再次問下佢係咪想離開緬甸,佢同之前係inle lake既guide一樣,只係想去外國見識下搵下錢,最後一定會番緬甸,話佢知香港有working holiday visit,三十歲以下就可以申請,佢聽到非常羨慕,跟住佢就詰想係五年內可以過到英國,真有理想,講講下上山係一大段爛路,"登"死,丫,途中經過某一條路,路邊有個和尚仔係度,我地架車經過時就用一個細殼向我地洒水,後尾停車時問司機,原來係祝福既意思,係一個沙塵滾滾爛路如雲既山中小路,有個咁特別既祝福都幾有意思

上到去原來係一間學校,學生仲上緊堂,係門口位置見到幾個人傾緊計,原來係老師,仲有一個bb係度,佢地笑容非常親切講左少少野就行入室內睇睇,依度係老師住既地方,非常簡陋,有幾個小朋友係度做功課,睇下佢地做咩,當然睇唔明,睇下佢地d書,多數係圖畫,而且係教做人既禮貌,難怪佢地比我既感覺一直係比較和善

再行前少少,見有幾間大屋,入面就係一間間課室,聽講依間學校係集合晒所有村落(Palaung德昂族)既小朋友一齊,整間學校由guide1(junior)到guide11(類似high school)都一齊,不過越高級就越少人,因為山區家長們始終覺得讀書好貴,所以只有好少人可以讀到high school,不過就因咩年級歲數都一齊,而且d小朋友上堂時好free好開心,所以非常熱鬧,行到某一課室,原來老師係guide既同學,佢地就係度傾下計,而我呢就同d小朋友玩下影下相咁,仲周圍睇下,因為依度比較高,就可以望到山境,個view不錯,感覺非常開揚,聽到d學生既玩笑聲,令人身心開朗,非常不錯既地方

之後行左去路口既nuns(尼姑)既地方,佢地好好人,飲下水周圍睇下傾下計咁就走人去食lunch,係村口士多等食途中見小朋友放lunch,一大班人番家食飯好開心,不過有d呢就走左過一間鋪頭入面,見門口非常多鞋,入面人數一定唔少,問左原來係睇戲既地方,當然唔係咩戲院,只係一個電視播下戲咁,不過小朋友睇得非常開心,而我食左個麵就休息下,當然係訓左啦又,之後行左上山頂睇下風景,不過真係好熱,如果行山都幾辛苦,因山頂幾舒服,所以又吹左陣水先走(今次講到婚姻,緬甸人都算遲結婚,而且可以自由愛情,但一定要結婚先一齊住,講到guide中意外國人,而且佢話娶中國人好貴,哈)番到落山就走人了

落山又係登死既爛路,我條腰就斷,所以要求休息下,之後去左飲茶hea下,之後去番靚路舒服晒,日落前去左睇一條木橋,果度有稻田亦有河流,仲見人耕緊田,唔錯既景色

番到hotel已經5點幾,沖個涼就訓左陣,之後攪埋番曼德勒巴士車票(3500ks=27HKD,因正正係農曆初一,所以有d巴士公司唔開,好彩我都仲買到飛),比晒hotel錢同埋叫counter幫手用緬甸文寫低由曼德勒去蒙玉瓦(Monywa)巴士票既時間,地點,埋日子等等,佢仲寫埋電話叫我如果有問題就叫賣票果個人打比佢,真真好人,anyway,就整好晒所有野,就出去巴士站睇睇行要幾遠,不過因有車黎酒店門口接所以基本上依個計路程既行為都係以防萬一架者

食過guide介紹既印度式薄餅就番酒店休息了,明天5點半車番mandalay了

To Part.11 - Kyaukme,Mandalay

[31/01/13 to 16/02/13]
Photo Link <<<<<<<<<<<<<

緬甸 2013-01-31to02-16 - Part.09(08Feb)

緬甸

08 Feb 2013 Thu Mandalay,Kyaukme Sunny day

晨早三點起身執好野就出發去火車站,只係十分鐘路程,所以還ok,去到車站已比前一晚探路時多人,counter已開亦有人買票,旅遊中心已寫清楚月台比我,所以好易搵到我架火車,好在有英文同阿拉伯數字,火車亦有分ordinary同upper class,去左upper既車卡(緬甸政府規定遊客只可坐upper class),搵到自己既位置,好在都真係我先前要求既左手邊窗口位(睇鐵橋),仲係單邊位,不錯

上車後放好野換好拖鞋就影下相咁,唔係太多遊客以本地人為多,佢地一上車就捲起對腳就訓,開頭我以係係因習慣先係咁做,坐坐下先知原來因為木地板有蚤咬所以佢地收埋對腳,但因坐位好窄,我只係收到一隻,另一隻就要比蚤咬,好慘,對面係一個當地阿叔,我就比張車票佢睇係咪依架車(上車時忘記左clarify,好險),但阿叔唔識睇,就比左張飛比驗票阿叔睇,阿叔英文唔錯,問岩左係依架車就ok了,settle好晒所有野就等開車,聽到車外好嘈,原來有一大排犯人mou晒係地下等上火車,係同我地一架車既,不過唔知佢地去邊,攪好晒等多陣4點左右就開車了

本身同預期時間差唔多開車,出車時有個阿叔帶左隻狗上車,係咁吠仲唔比人坐佢旁邊,隻狗係車入面吠車外d狗又吠d雞又係咁叫,仲有賣早餐既叫聲,非常熱鬧,而且仲有好多人羅d蔬果上車,攪到架車有好多唔同味道一齊,哈,至於車入面無想像中咁黑,起碼仲有燈,車開左真係好凍,好快我就頂唔順要關窗,雖然隻窗甩甩地但都叫穩陣,行左一陣我都訓著左,到左5點幾6點就起身,見車外開始光,但仲係無咩特別,之後到左個細站,有班學生搭火車番學,一車都係小朋友聲,熱鬧,好快佢地就落車,依個時候天亦開始光哂,終於睇清楚架火車,有唔同顏色d光打埋去,都幾靚

之後,火車開下又停下咁,卒之到左彬烏倫(Pyin Oo Lwin),依個站係大站,亦會停耐少少,所以就落左車睇睇,亦行左出去見到好多馬車,睇書講依度係歐陸式建築多,睇過佢酒店平過曼德勒少少,但其他好似幾高消費又其實無咩特別,所以我skip左依個地方,買左d野食就上番火車等出發

火車去到依度因車軌大細唔同所以要人手更換,攪左一輪先再出發,亦發覺多左外國人上車,睇睇錶已經比預定時間遲左好多,所以一定delay,不過無所謂啦都一早預計到的,而且火車時速非常慢,由十幾公里至三十幾公里不等,唔太快但影相黎講就幾唔錯既速度,當太陽曬埋火車度就開始熱,開車時還可但一停車呢就會好熱,有d大少少既站就會落車睇睇,有d細站基本上一停就開車,坐我對面係一個德國遊客,係車無野做時亦係睇緊gps,同佢講左幾句最後佢仲比左個free map address我,太好了(緬甸地圖好難搵而且好簡陋,但睇佢果個幾多資料,唔錯)

車到左Gokteik viaduct station(谷特高站),可以落車影下橋(當然係只有遊客先會咁做,停左陣就趕番我地上車了),丫,d犯人係早幾個站已落車,仲有好多揹槍既軍人係度,而且仲走上車睇有無犯人走甩,唔知果個站係咩地方係咪有監獄呢,之後有兩個軍人上左車,對面既德國人同我講machine gun,原來佢地揹左支機關槍搭火車,睇落真係好重,仲因為太長,擺黎擺去都唔知放邊,地下又太長坐位間又頂住,最後有個法國遊客叫佢放係牆同椅背中間,支槍仲要係個乘客個頭旁邊,真係好古怪既經歷

火車開就開始過谷特高鐵橋了(Gokteik viaduct bridge,1901年英國人建造,當中會經一個峽谷,高318ft,全世界第二高鐵橋),因高架鐵橋非常古老,所以火車行得非常之慢,因1990年重修,所以橋比想像中新,感覺上又唔係太高,只係某一度有條河既地方就相對黎講比較感覺險要,但景色唔錯,值得我專程過黎睇依條橋

之後再用左個幾兩個鐘先到早緬(Kyaukme),睇錶已經遲左兩個幾鐘,係緬甸搭火車真係要非常多時間先得,我呢就當然ok啦,本身都無plan到依日有咩做,只係搭下火車睇下橋,早既就多d時間行下早緬,遲既亦無咩所謂,我最中意慢條斯理既旅行

係火車站有都有人擺地攤賣野食,不過相對黎講比較小型,係車站出面搵左架tuktuk叫佢車我去唯一一間接待遊客既guest house(A Yone Oo Guest House),要左28us既房(有25us既不過要share bath room,另doom要8蚊),入到房都唔錯,仲有水煲廁所亦有熱水,放低野就打電話reconfirm曼德勒同蒲甘(Bagan)既房,仲要打電話搵早緬既行山guide,但佢唔得閒(接左個3日2夜既job),所以就叫GH幫手搵guide,價錢唔貴連油錢都係25000ks,好平,同佢講左陣,guide自己都話收得平,不過又係電單車,倦死

之後行出去搵左野食就四圍行下,都幾鄉下地方但幾多中國人,而且有人講國語,local market呢就4-5點都仲有(平時果d多數係早市),感覺有d似中國既街市多過當地market,anyway,行下睇下就番GH想攪埋後日巴士ticket,但GH話仲有時間所以第日先幫我攪,坐左陣就出去影下日落食下野咁,最後係街邊食左個麵,味道還不錯,老闆仲同我講國語,依度果真多中國人,見時間尚早(6點幾就食晚飯),所以買左面包以防夜晚肚餓,之後呢就係GH hea下慢慢咁休息下真係唔錯,咁先係旅行嘛,日日都趕行程我真係會死的,嗯

To Part.10 - Kyaukme mountains & villages

[31/01/13 to 16/02/13]
Photo Link <<<<<<<<<<<<<<<<