26 November 2013

緬甸 2013-01-31to02-16 - Part.07(06Feb)

緬甸

06 Feb 2013 Tue Nyaung Shwe,Mandalay Sunny day

因係搭下晏3點幾飛機去曼德勒(mandalay),所以朝早有好多時間係娘水(Nyaung Shwe)周圍行,首先一早要係去睇日出,7點左右出發行去娘水出口既位置(近瑞揚比亞寺)睇好迷幻既日出,要行十零廿分鐘,街唔算太黑,仲有少少人少少車咁,行到湖邊開始天光了,整好腳架就開始等日出,我背後呢就一條出入娘水既主要道路,車好疏落,但單車同步行去番工番學又或者跑步做緊晨運既人都唔少,我呢,就好奇怪咁一條友企係路邊等日出,佢地有d奇怪咁望一望我,眼神接觸到就會笑一笑,但又唔會太八掛走埋黎睇我影咩,總之就係好nice令人好舒服既感覺雖然企係度等日出真係有d凍

大約等左半個鐘左右就開始光左好多,而個湖面亦開始大霧,反映番後面既景物,好靚,等左陣就開始多漁船係度,都影左少少相,之後太陽再出d霧就散晒了,所以我都行番入娘水搵早餐食了

番到娘水已經9點半,村口好多pickup同埋單電車係度等客,條街呢就已經好多人但仍然好悠閒,行左陣見到個街市,所以就走左入去,依度當然無之前睇既floating market大,但都好熱鬧下,見到有檔賣肉既,用荷葉包肉,幾咁環保,之後求其搵左檔多人食既早餐檔,要左個唔知係咩但好似人人都食緊既地道早餐,面頭有層黃油既東西,了開下面就有d粉,味道還可,但都係好油(緬甸食物係非常油膩),食完野就離開街市再去大街行下,遊客唔多但就好多當地人悠閒地活動緊,搵左間茶館,坐係門口叫左個奶茶(非常普遍既飲品,而且茶館係當地男人日常最中坐埋一齊hea既地方),味道唔錯,無無聊聊咁睇下街邊d人既活動,hea左陣就走人了

再亂咁行行左去一間小學既東西,係矮圍牆望入去做緊運動,好開心咁,哈,睇左陣再行行下去左pier果邊,條街非常熱,見到有人賣一d炸薄片既東西,應該係用粉漿既東西整出黎既,係路邊一路行一路賣,見有人買就成疊咁羅出黎,因為我想試下就指手畫腳咁用左少少錢賣左幾塊,因為一塊都大過塊面,所以我最後要左兩塊其他既就比埋之前個買緊野個當地人,一路行一路食,咸咸地脆脆地味道還可,之後到左碼頭,不停咁比人問我要唔要船,我就要不停say no,行左去睇d遊客上船,生意還一般,後尾見到賣好似章魚丸咁做法既簡陋地mou檔,雖然好熱但我都唔理就坐係度食下野,都幾好味,而且好熱既天氣飲d涼涼地既茶真係幾舒服,係食緊野既途中見到有架大旅遊巴到左,個guide叫左d遊客入左間鋪頭買野(跟團指定項目),感覺都幾大團人,不過聽唔出佢地係邊個國家既人,有人見我食緊既檔口好有興趣但都係睇無買到黎食,我估我依類乜都唔理入鄉隨族既遊客真係比較少見

行下睇下好快就已經11點幾,番去guest house做好check out交低行李就出去食lunch,首先去左附近既郵局寄postcard,入面真係好簡陋但個職員又好好人,仲幫我手貼郵票(因佢d郵票基本上係無貼力,要另加膠水先痴得實),寄好信就去搵野食,去左之前mark低既餐廳食野,叫Htoo Htoo Aung,聽講d牛油果lassie好好味,當然叫左個黎飲啦,果然好味道,叫左個set食,價錢還可,但可能之前食左太多野,所以食唔晒個餐,就用本身果塊荷葉包番個剩飯羅走,係食野途中有對法國夫婦,見我用相機睇緊相就問我邊度黎部相機幾錢咁,佢地又係去過香港,而且仲話我知原來法國買相機好貴,差唔多係我既double,怪不知咁多人黎香港買野啦,行番GH之前睇下有無流浪狗,就比左d飯佢地食,有隻大少少既狗仔成日唔比隻細狗食,我要將d飯掉到好遠引開佢先有得比隻細狗食,怪不知佢咁瘦啦,可憐

之後羅完野就由GH叫左架車去機場(要15000ks=15US),本來有檔口可以叫share的士走人但我太懶又唔想時間太難就所以自己車就算,要差唔多45min先到機場,雖然好細同簡陋但還算整潔同新淨,但內陸機就係中意delay,去到已經見要delay半個鐘,我相信依度既機除左第一站起飛少機會遲之外其他就多數delay,順帶一提見佢delay想搵地方叉電但發覺成個侯機室都係無得差,唔係無插頭就係無電到,吹脹,無野做就訓下覺啦

用左半個鐘機去到Mandalay,用4000ks搭shared taxi到town,差唔多用左一個鐘,時間非常緊張,因tourist info center6點關門我5點55分先到,好彩,同入面既職員say sorry後用多10%service charges買火車票到早緬(Kyaukme)都係10US,仲要因我第日要出去mandalay市外玩,所以佢要搵人送ticket去我hotel,佢仲幫我寫清楚時間platform(會成日轉)等等,我覺得依10%值得比,佢地真好服務而且如果我趕唔切係info center買飛,就要自己上火車站counter買,又要雞同鴨講一大輪(佢地唔識英文,雖然我已經係inle叫人幫手寫定緬甸文既車票資料,緬甸既數字都係緬甸文,完全唔識睇)

攪好晒d火車票就行番hotel,因後日要搭早火車,所以要住近火車站,加上mandalay好多中國遊客又係新年時間,我怕到左mandalay唔係咁易搵到火車站既旅館,所以要係adgda用左好貴先訂到2日房(75us + 82us),1日為方便買火車飛一日為方便朝早4點火車,貴死了,嗚,行到去smart hotel,門面幾
靚內裡都ok仲要幾好service,而且wifi第一次係有5格,貴野果然係唔同d,整好野就出去搵食,去左之前mark左既Chapati Stand食,當然專登經過火車站睇多次d platform點安排先,唔想到時搵得黎架都走埋,問左人原來好細,仲要係順序1-5號月台咁排,good,見到火車非常舊而且鋪晒塵,不過亦係我想像中既一樣,還可以啦,經過火車站行番落地面,另一邊非常黑,而且有好多人訓係街,仲有人係黑蚊蚊既馬路中間踢波,真係好似貧民區既感覺,但雖然係咁亦無太危險既感覺

行番出大街,再行多十幾分鐘就搵到我要食野既地方,開初我以為Chapati Stand係餐廳名,原來係地mou檔,有英文menu而且見d伙記著晒制服咁,依度除左遊客仲有好多當地人食,叫左個牛肉Chapati但份量太少所以仲叫多個飯,其實類似既野係我仰光地mou檔都食過,不過依度味道還可而且d人感覺可能乾淨d,所以先多遊客黎食掛,講番野食,除Chapati外其他都係緬甸野咁好多小碟野一齊跟住食,埋單唔平唔貴,食完野行番去hotel,經過一條街,有隊band既物體係度jam歌,一路聽住一路行睇下當地人既生活,幾有趣

番到hotel沖完涼未夠11點,因第二朝要7點出門口搵車去三大古城,所以就訓了

To Part.08 - Mandalay(Amarupara,Sagaing,Inwa)

[31/01/13 to 16/02/13]
Photo Link <<<<<<<<<<<<<<

No comments: