22 November 2013

緬甸 2013-01-31to02-16 - Part.03(02Feb)

緬甸

02 Feb 2013 Fri 仰光,Heho(airport of Inle lake),Lamine>Pinnwe>Pawke>Kone hla>Pattupauk, Sunny day


因好遲先收到agent email要我上機前一日打去airline reconfirm,所以希望第一野唔好出事(我睇到email已經係夜晚7點幾,打去都無人聽),anyway,本來5點到就ok但驚出事所以3點半就離開ymca去機場好了

條路無宿霧或尼泊爾咁黑,都算有好多燈,車到機場時仲未開門,但有一個外國人係度等,有人陪唔係係馬路邊咁等都幾on居同感覺真係唔係幾安全,等左陣未夠4點半就開門了,但入到去都係要等,差唔多到5點先可入到大堂去check in counter,依度比尼泊爾好但ticket都係一樣簡陋但可能有預先confirm機制,所以攪check in比尼泊爾快得多,羅左boarding pass就安全了(幾驚佢無我名無得飛)

入到侯機室好細,有間似樣少少既coffee shop,good,因之前食左包餅,而且係Heho應該係食完野先行山,所以係度無食只係飲coffee,2千幾ks還可以啦,機準時到,上到去仲有飛機餐,非常好(雖然依程機真係幾貴成110us),機要停Bagan,見到好多熱汽球而地面又一堆田地幾有趣,等左陣就飛Heho了(Inle lake機場)

去到要交passport過關,但好快就出到去但見唔到trekking,再出多次就搵到了,有司機同guide(依個guide唔係我前先book果個係佢朋友),先去食野之後就車去starting point行2日1夜行去inle lake(本來應該要3日2夜由kalaw行去inle lake,但我唔夠時間而且聽講景色一般,所以2日1夜算了),去起步點條路都幾遠,要成35000ks(即差唔多二百幾港紙),去到starting point已經十點,攪得d野黎已經十點半先起步(guide+食+住60k+boat20k+luggage4k=USD86,其實join團會平d,但我又唔想要太就人行,所以自己包trekking算了)

路係由Lamine village行去Indian,如果無記錯要行29公里,第一日25大約7個鐘,第二日少好多,只要3.5hrs,而且以山路為多,會經過農田,小寺廟,火車路軌等等,無幾耐就去到第一個小數民族(Pa-O,應該係叫pawke),以竹為主,無論係屋工具等等都係竹整既,而且出產好多竹既制成品,都幾特別,見到佢地生活好似唔錯,而且屋係竹整會冬暖夏涼,加上佢砌出黎個pattern都幾靚,坐左陣飲左少少茶同食左d好甜既糖後就再出發了,未出村見到人整緊竹籃,見佢穿下穿下就整出個立體,似係舊時倒垃圾既竹製垃圾鑼,當然佢地整既就大好多啦,途中經過好多田地,但已經過左收成期所以無咩睇,但佢d泥有唔同色,問原因個guide都唔知,見到d白色既野係地,guide話係辣椒不過凍死左,仲有薑,但真係唔岩時候,所以景色一般,無咩特別

同guide傾開計,原來佢係尼泊爾人,但就一次都未去過尼泊爾,之前佢係泰國打工,做關於裁縫既工作,但最後都番左黎做guide,想搵多d錢就去日本打工或者尼泊爾做guide,問佢即係想離開緬甸?佢話唔係,只係想搵錢,當有時錢一定會番緬甸,睇得出佢相當愛依個國家,嗯

行左一個鐘度去左另一村落(Kone hla),係度食lunch,味道還不錯,仲有好好味既牛油果做飯後果,其實我係第一次食,而且岩岩係當造,非常好味,無咩野做就訓左陣,2點再出發行去住既地方了,當中見到未凍死既辣椒田,仲有比雨水沖爛既峽谷,用黎整lamine既井(掘井放泥再用火燒就會做出lamine,其實我都唔知咩係lamine不過應該係好有用既野),仲有路邊努力耕田既人,問左點解全部係女人,guide話男人入山林做野,女人就耕田,穿過一個類似屏風既山谷(guide話依度要係谷位上山算係最難行了,都真係完全唔覺難)

過左屏風山行多20多分鐘就到住既小村落了(Pattupauk),先係士多飲下野休息下,再行下周圍既地方,見到有個寺廟,入面有小朋友玩緊,再周圍睇,好寧靜既地方,之後就知住邊了,原來唔係寺而係比較新既小屋(本來以為住寺會有新既體驗但其實晚上山入面好凍,我都驚頂唔順),屋一般般都幾唔錯,同食lunch時既4人小組住埋一齊,沖涼只係露天地方,所以未天黑就快沖唔想凍死

係屋入面同佢地傾下計,有2男2女,有德國人瑞典人同一個日本人,日本人英文講得唔錯,佢地全部都係長期旅行(有人幾個月,日本人就已經去左一年半旅行了),講東講西問起有個原來下地方想去柬埔,share左少少經驗比佢,無耐就食飯了

飯都唔錯,亦比仰光既伙食好,我仲食左個火焰香蕉同好味既薑茶,一路食飯一路傾計,講左好多野,由工作同生活再到音樂電影等等,有趣,亦知多左其他地方既野同佢地既睇法(端典人講做野果度好多老人家係老人痴呆,日日都repeat之前做緊既野,佢點幫佢停止同想左d辦法出黎,但院方唔肯試用佢既方法,佢覺得好傷心,真係見佢眼濕濕,依d真係平時唔會接觸到既事物,嗯)但因我太眼訓而且室內光線太暗加上越坐越凍(羽絨出動了),所以十點幾就離開食飯既地方出去睇下景之後訓了

出左去睇天,星唔算太多而且山入面都幾凍,番入房訓張被都係唔夠暖(始終係木窗同磚加木既屋,入風),好彩guide同其他guide一齊唔上黎訓,所以我可以用埋佢張被,咁就夠暖可以訓得著了

To Part.04 - Trekking to Inle Lake

[31/01/13 to 16/02/13]
Photo Link <<<<<<<<<<<<<<<

No comments: