Murder à la Mod

~~Murder à la Mod(摩登女郎謀殺案) - [1968]~~

Trendy及玩味感十足,輕快音樂,快速剪接,跳接等等,全部在opening顯現,看到原來那時已玩time lapse和Levitation,哈,Anyway,此片給人的感覺是簡潔及以當時來說應該是一個比較impressive opening,帶點實驗及藝術性,雖然很有Blow up及希治閣的味道,而且某些還有點穿幫或不合理,但整體來說也很好玩,可以一試

[21/12/13]
Photo Link

Terminatrix

~~Terminatrix(淫殺の虜,淫娃终结者) - [1995]~~

幽默攪笑,想法不錯,用terminator套用在色情成份極高的電影上,而且重心部份及很多場面宗於原著,配上很多有味情節,感覺更為過癮,雖然女終極者樣子實在恐佈,但此片有很多有趣段落瘋狂惹笑,而且故事頗為完整,最後還是一部愛情片,這部差不多20年前的電影,充斥低級笑話但效果不俗,現在看來還可以,哈

[18/12/13]
Photo Link

Godmonster of Indian Flats

~~Godmonster of Indian Flats(印第安巨獸) - [1973]~~

媽的什麼鬼東西,拍攝製作簡陋,故事本身弱爆就不要多線發展好不好!東拉西扯剪接奇差實在是胡里胡塗,而且片中怪獸實在太醜,雖然日本的b級片也是這樣亂七八糟但我真沒有見過這麼核突至極的製成品,滿像一團攪爛了的畸形垃圾,而且此片雖簡陋但完全沒有過癮或是任何笑點,簡直就是一無是處,這些爆炸這些槍戰場面實在是浪費能源浪費金錢,出來的就是一部所謂的演員及所謂的怪獸走來走去團團轉的垃圾電影,難怪被稱為史上最垃圾怪物片,天呀

[17/12/13]
Photo Link

La cicatrice intérieure

~~La cicatrice intérieure(The Inner Scar,內心的傷痕) - [1972]~~

超現實及意識流的表達,無論是故事又或者是畫面,我覺得此片不應有字幕翻譯反而感覺更好令人更易去感受此電影,第一部份是明顯的感情拉扯,男女各施其職,不難理解(又或者可以理解為兩個完全不同的個體但相互有瓜葛被困於其中難於放手),其他就當是神與人又或者最原始萬物的故事,不再研究了,此片奇怪在故事及感覺飄渺傷痛荒涼,像詩人的傷春悲秋,但完全實景拍攝,畫面及空間感大得像超現實的場景,很配合電影中抽離的感覺,相當有趣

[16/12/13]
Photo Link

Nekromantik

~~Nekromantik(困惑的浪漫) - [1988]~~

除了變X態外,這實在是.....我想說屍體很可憐,本來已經死於不幸,之後還這樣玩,太可憐了(雖然某些其實又很攪笑),古怪的配樂畸形的劇情專注的投入就像是看邪教祭典,什麼變態人想的變態故事,令人大開眼界,全片污穢變態嘔心粗糙,感覺及節奏非常統一,其實看至大半時很怕它爛尾,幸運地完全沒有,而且結尾實在奔放,太好了,Cult得令人有爆粗的沖動,哈

[15/12/13]
Photo Link

Alucarda

~~Alucarda(Alucarda, la hija de las tinieblas,魔鬼記號) - [1977]~~

滿有舞台劇之感,背景走位加上演員用盡力氣的表演方式,很難令人不去想是在看舞台表演吧,女角出場那幕很怪異但亦很吸引(也是舞台效果),片中女演員頗標緻,以兩位女角為甚,而且鏡頭唯美怪異,總令人想起Alejandro Jodorowsky的電影,雖然如在看舞台劇的誇張又或者是聖山的怪異但情感表達到位,此導演功力不錯,女角Alucarda霸氣十足,難怪這麼powerful,但此片尖叫聲實在太多,嘈死人了,而且最後十多分鐘突趨血腥,尾段亦很有carrie之感,一看無妨吧

[15/12/13]
Photo Link

Lana Del Rey - Born To Die

Lana Del Rey - Born To Die


在家看1978年的墨西哥電影,片中女角Alucarda的眼神及某一劇情,令我突然想起Lana Del Rey及Born To Die,按下pause在youtube找回此歌的mv,勾起我對她一直以來的奇怪感覺,樣子非常人工化(一定有改容)但眼神下又透出心底的那一份真,目光看似呆滯但其實又透出堅定,28歲的她滲透著不一樣的成熟味道,如同她的聲音,絕對的吸引但聽說live很可怕,那她究竟是什麼?人就是復雜的聚合物,我想如她要拍電影,可能會是很好的演員,對她的演出可能我還會渴望多於lady gaga,雖然我覺得lady gaga也應該是同樣的一個很有意思的人

[15/12/13]

A Zed & Two Noughts

~~A Zed & Two Noughts(一加二的故事) - [1986]~~

其實此片頗難handle,一開始的古怪音樂,離奇命案,間斷播出的地球生命奧秘史,各個角色對於黑白,對稱,腐爛近乎變態的執迷等等,看得令人如在迷霧中,如果所有東西合併一起,在我的角度看來會是地球的不斷變化,本來是自然發展,但後來因某些短缺貪念而變得自私強佔而產生不平衡,借助動物園以及當中的種種怪行而對社會上的批判,黑白有是與非的感覺,因不再對稱而開始破壞,腐爛有逝去不復反的意思,當中各個也是對人類文明發展後的批判,一開始不願跟隨的狗,被車撞死的天鵝,我相信有可能是自殺的,孿生兄弟近乎行為藝術的死亡,當中的teddy bears故事以及地球生命史提及The conditions for the origin of life on Earth can never be reproduced again說的就是人類破壞以及自取滅亡的的警醒,此片手法比較特別而且配樂出色,是一部頗別緻的電影,可以一試

[09/12/13]
Photo Link

緬甸 2013-01-31to02-16 - Part.17(16Feb)

緬甸

16 Feb 2013 Fri 仰光,曼谷,香港 Sunny day

再一次叫ymca幫手call車,去到機場6點半,由仰光出曼谷既機準時飛,去到曼谷10點幾,又係無咩做但唔想出市區,所以又係機場之前個位訓下覺,訓到1點幾就入閘,原來下畫依個Don Mueang係非常繁忙,為左唔好miss左架機同埋可以慢慢食下野hea下,所以都係早少少入閘好d

入到去食左個飯又飲左咖啡(得一間cafe),hea下hea下就上機了,即日完成由仰光番香港既最後一日,17日既緬甸之旅完成了,今次係我最長既旅行(雖然真係極想再長d),錢用得比想像中多,之前都講過因岩岩發展緊旅遊,物價飛漲,本身諗住用12-13k但最後用左16k,而收獲呢就係我想要既多d接觸當地人而且大部份係非常善良好客,有種好親切既感覺,雖然係咁但我估早1-2年前黎會更地道,當然係指大城市,鄉下地方就完全無問題,仲有今次旅行係可惜買唔到機票去景棟(KengTung)行山去睇下d小數民族,當然之前考慮既緬北Putao,但依個非常困難,要好多時間先安排到亦要睇當時情況如何,我去緊緬甸時就岩岩政局不穩,完全唔入得,希望仲有機會去行行依幾個山啦

Back To Part.00 - Before Journey

[31/01/13 to 16/02/13]
Photo Link <<<<<<<<<<<<<

緬甸 2013-01-31to02-16 - Part.16(15Feb)

緬甸

15 Feb 2013 Thu Bagan, Yangon Sunny day

因蒲甘到仰光班機轉左時間,而距離蒲甘機場只係20分鐘路程,所以點都要踩多轉車睇多次日出,去左本身想去睇日出但馬車司機無去而既Shwe Lake Too,5點出門口用左20min就踩到左目的地,但因天黑個入口都幾難搵,好彩之前一日已mark定gps所以都ok唔係有排搵

經過黑媽媽既寺廟行上條非常窄既樓梯上到平台已有2pair人係度,個位置好細只可企到十幾廿人,我首先爬上去第二層但因太窄放唔到腳架,所以落左一層個入口平台仔度set好腳架,依度個view無瑞杉多佛塔(SHWE SAN DAW即前一日日出地方)咁好,無咩前景,而且我支鏡唔夠長,所以更一般,反而唔係向東既旁邊個景仲好少少,可惜太陽唔係果邊出,等到六點幾太陽卒之出來了,好圓(終於無雲遮了),但都係果個問題,支鏡唔夠長,無幾耐個天就有好多熱汽球,變左另一個景觀,睇多陣就執野走人了

番到酒店7點半,還左單車後就去左食早餐,食完8點準時出機場,好快就到左,個機場都幾新淨下,好彩今次無delay,有時間係仰光玩番半日,太好了

去到仰光11點幾,本來想問機場info center有關circuit train咩時間同係機場個站買飛得唔得,點知內陸機場無info center,算了,去酒店放低d野再睇下點先,出門見有司機,一開價9000ks,傻咩,我還7000開頭唔得後尾又話得司機又話要8000因會traffic jam喎,唉算了,比佢地煩死,就8000ks啦,上左車又係熱死人既的士,去到YMCA12點幾,放低野就快手出去火車站搭車,睇過gps段路行過去係20min,但就熱到死

食完地mou檔行左20min就到仰光中央車站,之前經過路邊見到好多唔同樣既巴士,細細架咁幾得意(巴士多數係日本二手車,所以好多時見到日文字),而經過住宅區就見有好多一條條繩搏住個袋由樓上吊落街,似係用黎買野方便d,幾有特色,anyway,到左車站就用1US買ticket,有時間就同counter傾下計,睇左地圖有機場附近既站(Mingala Don),問左原來都可以係果邊果車票出市區,但一個鐘先一架車而且車程唔知幾耐,加上機場到仰光都只係1/3路程,所以都係出市區搭晒3個鐘車好d(話晒circuit唔通1/3就落車又或者坐完一圈3個鐘後再係機場搭車出市區咩),我搭2點25分車(中央車站尾班車),因唔一定會同一月台,站長有車時叫我過對面月台,即就咁行火車軌過去對面,都真係好耐無試過

車位唔係前而係橫排(即電車下層咁樣),同我想像中唔同,我唔理咁多就除左隻鞋先坐低(緬甸人九成以上平日都係著拖鞋周圍走),架車其實都唔算太慢(之前講同踩單車快過佢),同曼德勒過早緬果架差唔多,由十幾公里到三十公里左右,特別係當停站同開車時好慢,d人基本上自上自落,賣野既人由一卡車跳落再跳番上另一卡車,都幾有趣,而停車時基本上又唔算係停,大部份站係一停就響笛,停左都唔知有無2秒架車就開,我都學下佢地跳車卡,最後係後少少既卡停低坐定,查票員全程只係見左兩次,我懷疑如果唔查既係無人會買票既,可能下午係買食送時間,有d站有街市好熱鬧,而且有個好似批發市場既地方好多人搬野上車,由門口同埋窗口入(有d乘客見到係自己附近有貨隊上黎又會幫手一齊上貨,好鬼守望相助),攪到成車滿晒貨,幾個站後又會趕落貨,首先有人跳落車,跟手有人係火車度推d貨落月台,但因架車基本上係唔停的,所以就會留低一條貨路,攪到個月台一堆二堆生果貨物,情景非常有趣,而且見到火車上有d告示,有英緬文,係叫d人善待遊客,而佢地真係會對遊客好好,例如會比讓窗口位比遊客(雖然眼見我坐果班車得4-5個遊客),又會好有笑容等等,總之感覺就非常親切

另外係火車度既3個鐘基本上係唔會怕肚餓同口渴,好多小販托住d野食跳上跳落,而且有人賣凍水,雖然個杯呢係唔多洗,但如果我無水都會買黎飲飲,好似好清涼咁,而我呢就買左支雪條(50ks=4毫港紙,要好快食,溶得好勁),另外仲食左支粟米,而佢地既粟米仲要好鬼大支,好飽,都係100ks(8毫港紙),而且仲見有炸野,鵪春蛋,蘋果,橙,連糖水都有得賣,利害,但又因為太多野食同開窗既關係,d人隨手就飛野出火車,火車軌沿途都幾多一堆堆垃圾,對比於現代化既梗窗火車,舊式既有好有唔好啦

坐到5點半先番到仰光火車站,時間都差唔多日落,本身諗住行下昂山體育館(aung san stadium),以為係街車又或者市集,但原來真係一個體育館,無野睇,之後去左超市買人地話好食既榴槤雪榚,食落味道同香港既無咩分別,而且基本上一打開就已經勁溶,好彩無肚痛,見到附近既人好似已經收工,係條街度踢緊毽,好似好開心咁,哈,本來想去行37&38舊街,但已經天黑,算了,搵野食好過,去左車站附近既茶館食左一碟好似印度既簿餅加緬甸既食送,都幾好味但就好油好油,食到成手係油,食完又再亂行,去左好似深水土步黃金既地方,而且好多舊書賣,封面十分吸引,睇落係一d恐怖書,最衰係緬甸文如果唔係都買番幾本,行前少少就見人係度打緊類似康樂棋既東西,不過係用手彈而唔係用棍打,又有一d唔知係咩棋既東西,睇左陣行行下就到左好多野食既地灘,而且好多生果賣,但我太飽都係番酒店沖個涼先,熱死倦死

休息到9點幾先出去,好多鋪都收哂,食左檔雞比抄麵既地灘,都幾好味,但隻雞比呢d肉少得可憐,食完番去執野訓覺,第二朝5點半出機場了

To Part.17 - 仰光,曼谷,香港

[31/01/13 to 16/02/13]
Photo Link <<<<<<<<<<<<<<<