01 December 2013

緬甸 2013-01-31to02-16 - Part.11(10Feb)

緬甸

10 Feb 2013 Sat Kyaukme,Mandalay Sunny day

因巴士會經過hotel門口,所以好晏先起身,5點半車5點20分先出到去,係轉角位既集合地點(交通燈前),睇睇錶已經係5點半,當我搵緊張票時就見有巴士駛過,希望唔係我要搭果架車,之後又有另一架車到,我唔理咁多就伸手叫停佢,比張票係門口果個人睇佢話岩就上車,上左車都問多次係咪去Mandalay,佢話係我就坐低了,車上已有好多人,有個阿姐好好人比個窗口位我坐,其實依部車最好係門口第二排,因佢地唔關門,所以近門口有風但又唔會吹死,車比想像中好,椅還可而車尾大部份全部係貨,有人坐左係貨面,開初上車時以為都要坐貨面

Anyway,晨早都幾凍,好彩我帶夠衫,亦一早著定拖鞋可以舒服少少,但腳底有支唔知邊個既新掃把,佢成日kick住我隻腳,哈,車行左一段時間有廁所位,我無去,再之後又廁所,跟大隊去左,其實都唔係咩廁所,而係一座唔知咩既小屋後面,全露天面前對住一堆石頭雜草,再遠少少其實車來車往,但我都唔多理一齊入鄉隨族,雖然背後既建築物有好多男人係度整緊野,哈

上番車無耐就天光晒了,旁邊既車窗爛晒但都算睇到外面既環境,大約十點左右就食早餐了,我食個麵同飲左個tea,因完全聽唔明司機講幾點番巴士上車,所以只好一路食一路睇住附近同車既一家人有無走到,如果唔係架車走左就麻煩了,個break應該都有20-30分鐘,食完就番停車場等,坐隔離既係前面坐成日喊既bb,可能唔習慣坐巴士不過加下落左車就無野了,上番車再行,出面好曬開始好熱,我亦係咁除衫,最後得番件短袖T,坐長途巴士最緊要係乜?就係music,suger&slipper,好緊要卒之由5點半坐到12點幾就到左曼德勒,用左成7個鐘先番到去,一到市區就即刻衝去hotel先,雖然話係早緬已經打左電話比佢confirm,但因係初一,曼德勒本身就好多中國人,為免最後無房,所以都係羅左房先穩陣

去到搵到classic hotel,有中文原來係中國人開既hotel,房係5樓行死,上到去間房同走廊其實好黑,但都唔理就住了,放低野休息左陣就出去食lunch,因時間唔係咁多,所以係附近求其搵左間野食,坐左係街外都真係幾熱,叫左個抄飯,唔算難食,食唔晒就餵下白鴒等無咁曬先出發,hea左陣就開始行去買聽日去蒙育瓦(Monywa)既巴士票,行左都幾遠先去到巴士站(依個站唔同我係早緬番黎果個巴士站,叫thiri andalar bus station),見到好多人,但因一早叫人寫定緬甸文所以比較易搵,而且途中仲撞到個好人阿叔,佢識英文仲帶埋我去買飛(2000ks=16HK),仲幫我睇埋有無寫錯先走,走前仲問我要去邊,但見佢好似約左人而專登帶我過買票既地方,所以唔阻佢了,佢真好人

出到巴士站門口,有人落車,所以我又坐電單車去目的地,佢要我1500ks不過睇過Shwe in bin kyaung(柚木寺)好似好遠咁所以就ok,去到已經3點幾,司機因唔多識路,所以兜多左地方,仲想要我2000ks,不過我當然無理佢就走人啦,門口有個單車阿叔,問我之後去邊,要唔要車等等,因大城市英文好既通常都唔會便宜,所以我話maybe, dunno now,之後入去睇木寺

間柚木寺有百幾年歷史,某d雕刻已經蝕晒而且個地下有d木板已爛,行時要好小心,所以風味依然(眼見有少部份已經復修緊,無左原始風味),行行下有個阿叔同佢個仔係咁聊人講野,同佢講左兩句就一路行一路跟住我唔知想點咁,所以就快快手同佢say goodbye就走人,自己繼續行,之後見佢再同人講野唔知佢地究竟攪乜鬼,最後睇多陣門窗同柱既精美雕刻就走人了

出到去見到單車阿叔,問我去邊,我話去Shwenandaw Kyaung,佢要5000ks,傻左咩,我話太貴佢問我想比幾多我無答佢,佢再降價,有個西人咁岩行左出黎食住橙搭咀話唔洗咁貴,我話我都係搵電單車好了單車實在太慢,阿叔話依度無車西人話外面街有,阿叔再降價到3500ks,但我無要到就走,出到去其實真係無咩車(佢係比較遠離市中心既地方),亂行就行左去一個街市,好raw但亦好污糟,應該係當地住既人既街市,d魚好多烏蠅,睇左陣無咩特別就走人,再行見唔對路用gps見pickup車站係附近,所以去果度應該有電單車,行行下太熱,去左士多買野飲,係個識國語既阿姐(華人不過係緬甸長大),買完野就係佢門口坐(入去依間士多最主要係睇中佢門口張椅),見我熱仲比左把扇我,幾有特色,同阿姐傾下計,講開今日係年初一,佢即刻走左入去羅左d開心果同糖比我食,我都卒之有過年了,哈,講左陣就走人

去到pickup地點已經半個鐘後,果度亦係生果批發市場附近(可能係zegyo market良依市場,但一個遊客都無,我都唔知依度算唔算係範圍之內), anyway,見一地都係生果,佢地好忙,一地粟米,仲見到除左人好忙外d雀亦好忙咁住叼d粟米鬚去起巢,仲有檔係用粟米砌成一張台既東西,好有趣,因依度完全無遊客佢地對我比較好奇,我同佢地笑佢地亦同我打招呼,見時間已經好晏就決定唔去Shwenandaw而留係度睇我中意既街市同市民生活,好多生果五顏六色,行過一西瓜檔,影影下相就有兩個阿叔又話要影,好攪笑,雖然完全唔識對方既語言但同其他人既互動亦多,依d地方既人比較友善同直接,所以去旅行我一直都喜歡行街市,仲咁岩見到人係度整緊Thanaka(塔納卡,即緬甸人用既防曬用品),不過阿姐怕羞,所以我無影到佢,哈

睇完生果批發市場就見良依市場個牌,係一個頗大既市場,好多野食而且遊客亦比較多,但因我仲好飽所以就想行去食之前mark低既Nylon Ice Cream Bar,但去到已經close,想去飲Shwe Pyi Moe cafe但又搵唔到,行過茶檔要左杯tea,飲水時因沙塵滾滾,想用佢地有僅有一吋唔夠既水洗洗杯,但因自己隻手太烏糟,越洗隻杯越黑,放棄了,雖然依個茶檔好黑,但坐坐下見佢地推左部電視出黎,係度睇卡通片,大人細路都睇,好開心咁,哈,飲完野搵左陣都係無決定番hotel算,門口有西瓜檔就買左少少加2個橙番上酒店,沖完涼休息左陣出去食野,一直行就見之前食過既Chapati Stand,如果搵唔到其他野食都可以食多次既,之後行前少少見有檔差唔多既食店,唔多見遊客,以我一般既慣性,就會入去試試,食左個雞批飯,果真唔夠Chapati好食,但都好飽而且比較平,番到去執好野已經好眼訓,第日又係早車食埋西瓜就訓了

To Part.12 - Mandalay,Monywa(South)

[31/01/13 to 16/02/13]
Photo Link <<<<<<<<<<<<<<<<<<

No comments: