anyway,黎到築地已經係8點lu,又係落雨既天氣,加上氣溫都幾涼下,雨中等位其實都幾難受,係當中既空檔時間周圍走走,好多鋪頭都係人龍處處,我地等緊既壽司大都幾多人下,行過3-4條小巷後,發覺買既野冇咩特別,不外乎係一d海鮮,T-shirt,青酒等等既東西,行番去排隊既地方,發覺冇咩點郁過,又再行遠少少,去到真正既漁市場,幾中意佢入面天花既設計,除光管外仲有天然光,彎彎的,加下地下水漬處處反晒光咁,感覺不錯,原來入面真係好大,海鮮亦5花百門,有趣,其實去旅行好多時都中意行下當地既街市,感覺比較地道同埋見到唔同既買/賣方式,不錯 
入到去其實好細,得一張長bar台之後就係一張張既登,後面就係窄窄既冷巷,冇lu,怪不知要等咁耐啦,坐左一陣好快就有得食lu,雖然我對食真係冇咩研究,但佢地既壽司又真係幾好食,上面既肉真係同香港果d爭好遠,可能依度夠新鮮同地道啦,最後食過8-10碟後就食完了,感覺等半個鐘度但等就要等3粒鐘,值唔值?下次會唔會咁做?我覺得會啦,因為依個係板前同上味道鮮魚種又多,只係300零蚊,都幾抵了,佢地話香港要食隻質數,最少要7-800蚊,嗯
之後去既係金龍山淺草寺,一般的檔口,食過燒餅飲過唔知熱熱既甘酒後,就行左去金龍山寺,好多人,拜神既模式我只係睇冇直接參與過,原來我份人都幾唔入鄉隨俗架喎,哈
入到去淺草寺,我都有拜拜,因為入屋叫人入廟拜神嘛,依個我會做既,望入去主台度都幾金壁輝煌,不過依d金堆玉砌既東西例必唔岩我睇,見旁邊求籤有一個個櫃咁好似幾有趣,用公數100yen求左支籤,87大吉,"鑿石方逢玉,淘沙始見金,青霄終有路,只恐不堅心",哈,果然好淮,懶得郁嘛,籤文背後寫求咩得咩,嗯,但我求時都冇咩諗過,只係埋到去求屋企自己朋友等等身體健康,工作順利,世界和平金融海嘯快d冇事等等,希望成功啦,哈哈
之後出左去睇悶爆既能劇,攪左耐都唔知做咩同冇咩野睇,好快走人了,後黎去左附近既咖啡室坐坐,因為真係幾倦下,其實叫我行山ok,但行街呢,就真係頂唔順.咖啡室頗古舊下,牆身畫有教堂既玻璃彩繪,都幾靚下,但d咖啡唔係好得,唔知想點
走後去左搭淺草銀座線,通過個商場,舊到呢,天花仲有少少爛,係日本真係少,哈
再後一站到秋葉原,沒什特色,銅鑼灣台北咁上下既街道,入左去好大既Akiba Japan.地下d廣告特價牌同埋貨架上既電腦電子東西,真係睇到眼都花埋,洗唔洗咁多顏色牌呀大佬?
出到去都係咁上下既街頭,雖然近聖誕有d燈飾係度,但都係冇咩特別,行過某一商場門口,見到好多人企晒係度打機,我估都有4-50人,唔知係咪連線攪比賽呢?哈
之後經過mr.donut,佢地好似好興奮咁,但又係我唔識既東西,入左去食左d野後就走人了
後黎番去hotel,地點係東新宿既e-hotel,近歌舞伎町,講起依間野真係好方便,一出地鐵唔夠20步就到,仲要係新起唔夠一年,除有少少窄之外,package黎講我覺得相當ok了
放低d野後就出番歌舞伎町搵野食,路過時見好多黑衣人,衣著清一式咁上下有d悶,感覺係黑社會都唔定,不過唔關我事,去到大街好似有幾多野食,但其實都唔知食乜,行左一段時間後就去左是但一間既拉麵鋪食,個名叫桂花拉麵,好細但幾有地道感覺,一張bar台既東西,幾張登,野食來來去去只得2-3種配搭,但就好平,我只係食左碗700yen既拉麵,日本黎講真係好平lu
之後行番hotel,沖過涼後就要執好野準備第2朝去我地既重點地方川越市lu
No comments:
Post a Comment