一早起身食過之前一晚買既溫泉蛋後放好行李係酒店就帶隨身行李出發,首先到對面既便當店買早餐係火車度食,感覺好似自助餐咁揀好自己想食既東西放係膠盒入面加條橡根比錢攪掂
上到火車冇耐就開餐了,雖然有點異相但因太肚餓同埋要成個幾兩個鐘先到,所以我地唔理咁多就係火車度食早餐了
食過早餐再坐多陣就到我地既目的地崎玉縣川越市了,火車站同埋市區都幾新下,完全同想像中不一樣,行過每度都差不多既商店,行呀行卒之行到去比較舊少少既區域
平房電線處處,感覺完全不一樣,行呀行去到我地所住既地方佐久間旅館,係一間過百年既日式旅館,入到去招呼殷勤,佢地見到就同我地講岩岩朝早先落完雨,依家先岩岩好天番,我地show左個晴天娃娃比佢地睇,佢地不知幾高興,可能覺得我地外地人都識佢地既野會覺得好高興啦,哈
放低行李後好快就出左去,首先去左全部都係舊宅及保存良好引致依度有小江戶之稱既川越一番街行下,時之鐘,喜多院,龜屋等等,咁岩撞正咩咩交流祭,但只係韓國既表現,沒什興趣反而整條街比佢block左全部係人,想影下野睇下野都唔ok.所以我地行左陣就離開左依條古舊既街行左去租單車去比較遠少少既地方睇下
攪掂單車後我地向住喜多院出發,去到川越岩岩係成人祭,所以好多小朋友著住和服係喜多院參拜,我地睇左陣就去左德川家光誕生間,果度係日本一係名將軍德川家光既曾經住宅,入面好大同埋古舊,但唔比影相,但屋既出面就因秋天既關係,紅葉處處加上好天氣既關係,所以好靚,睇左陣就因日本依個時候日短夜長既關係,我地好快就走左去睇五百羅漢行過埋再之後多寶塔就走人了
途中經過一間比較人少但相當不錯既廟宇,以我有限既認識,依度係求學業既,但一個人冇,比起喜多院真係差好遠,但我喜歡依個靜靜既三芳野神社
之後去左冰川神社,咁岩有人結婚,係日式傳統果隻,借酒店廁所時見到新娘行緊入黎,我地走唔甩係度等,我地causal wear企係佢地d親友旁邊好古怪,但我地有拍手恭喜佢地架,哈
神社2入面有2棵大樹,6百年歷史,好高好大棵,應該要4-6個人先圍得晒,嗯
係冰川神社外既景色亦非常靚,有河有已經變色既樹加上日落景色非常之靚,番回川越一番街,夜晚又係另一個景色
交回單車行番酒店,因我地遲左既關係,涼都未沖就要去食晚飯,原以為係秀度食原來要走去另一房食,算啦
著好日式衣服去到間房,有d食物已經準備好,全部細細碟,朋友話係類似懷石料理咁上下既東西,食物既種類都幾多但有d岩食有d就唔多岩,食到最後佢地食晒d食送要用豉油送飯,洗唔洗咁誇張呀
原想係浴堂沖涼,但兩位男士實在沖我太耐,我地卒之係房內既浴筒沖完就算
榻榻米原來都幾舒服,可能係我訓慣硬床啦,感覺尚好
<16/11/09>
Photo Link <<<<<<<<<<<<<
No comments:
Post a Comment