一早起身已經見落緊雨,本來一早已經知依日會落雨,但旅行撞正落雨難免有點掃興
anyway,去左求其一間面食鋪食左個早餐後就開始出發,我地首先係去深大寺睇鬼太郎,坐地鐵後再轉巴士,落車時好快就見到鬼太郎茶屋,雖然落雨唔係咁好但依度既環境同雨天又其實幾襯既,食左個印住深大寺既包同埋飲左杯熱茶後就開始出發,首先見到一個水池,個名叫做龜島弁財天池,已經變色既樹葉其實好靚,但因為落雨,我只係羅左部細機出黎影,大機又羅遮真係煩得很,之後見到一條長石路一左一右,兩旁都係已經變色既樹加上鋪頭煮緊既包,噴出好大團既白白熱氣,視覺不錯
向左手面行,見到門前,元祖鳩田家,青木屋等等,因未到食lunch時間,所以我地繼續前行,見到深沙大王堂同埋旁邊既福德尊兩個石像,幾有趣,之後再行去左睇山洞入面既廷命觀音,因時代久遠既關係,係石頭面既觀音像已經好朦下,之後經由乾門行左去元三大師堂,間廟好古舊,旁邊有個叫賓頭盧尊者既像,由3舊原木所做成,手工不錯,廟既天花同埋橫樑牌扁等等,全木制,不錯,聽講曾經火燒之後再重建,但感覺古老,介紹所寫依座廟建時係西曆953年,成千年前,勁呀
之後行左去本堂,但因有葬禮既關係,我地入唔到去,果佢地話齋,我地依次旅行,真係婚禮葬禮都見晒
後來去左睇另一座觀音,咁岩屏風既design加上光線既關係,打落個玻璃度,好似孔雀開屏咁,幾特別
之後見差不過時間,行番去食野既地方,途中經過個牌,原來深大寺歷史攸久,最舊既廟宇係685年,距離依家成千三年,真係估佢唔到,其實依度幾靚,加上秋天既關係,好多樹葉已經變晒色,如果好天一定好靚,嗯
行左陣去到八起食下蕎麥面,幾好食,價錢5千幾yen,日本黎講,尚可啦
食完野繼續向前行,到左玩Geocaching既地方,係一條斜路附近,因為玩過幾次Geocaching,所以大約知道ed東西多數會放係咩地方,點知隨手就真係比我搵到,哈
去左青渭神社,果度又係一個人都冇,但佢d柱既設計好得意,可以將雨水引入地下,有趣,旁邊係一棵大樹,我估又有最少幾百年歷史
見時間差不多,經由旁邊既斜路行番落去搭車走人,咁岩既d學生放學,加上雨景樹景,感覺和諧而舒服,睇左陣窯燒,就行番去原路去到鬼太郎茶屋,睇左陣精品就上巴士走人了
坐多幾個巴士站,去到不遠既天神通商品街睇埋鬼太朗街,搵齊既戲入面既成員後我地再一次搭巴士去下一個目的地吉祥寺
但後來發覺我地錯左,唔應該搭巴士,因為佢實在太耐了,我地搭左成個鐘先到,去到時已經天黑了,唔知係因為我一直對日本冇咩研究定抑或睇多深大寺既廟太多,我一直以為吉祥寺係一間寺廟,心充諗黑蚊蚊睇乜鬼丫,原來去到又係另一回事,哈
btw,我其實對日本人係地鐵唔多出聲已經知道,但原來巴士又係咁,後尾先知有條傻佬坐係我前面,我一講野佢就叉住自己耳仔口upup,哈,日本真係幾大壓力,真係唔知身邊邊個先係傻既,其實香港都幾幸福,好多野都可以隨心所欲,日本就壓力大得可憐,番工已經受夠,自己時間都要咁,好辛苦者
去到吉祥寺冇咩特別,買左少少野後就搵左一陣佢地話好有特色既煙灰缸,但行左幾個圈都冇,加上落雨,真係好凍,所以就走人去食dinner lu
番番去新宿食過快餐麵後,就番左酒店再出番去燒鳥橫町食串燒,行左陣,搵唔番佢地之前食過既燒鳥鋪,就去左間叫串衛門既鋪頭食,但所賣既款式唔多,還算ok
真係落TMD一整日雨,氣溫只有8度,好凍,嗯
<18/11/09>
Photo Link <<<<<<<<<<
No comments:
Post a Comment