play list

13 June 2011

台北,台東花蓮,台中 2010-10-09to15 - Part.05(13Oct)



酒店食過早餐後搭8點半既高鐵到台中,車程唔算太耐,到達目的地只係9點左右,搭的士到第1站台中彩繪眷村,去到都未夠10點,一入去已經成地畫,但圖案比較粗糙而幼嫩,我唔知當中既畫畫人咩來頭,以為係小朋友既作品,後尾先知原來係一個移局台灣好多年既香港老人家既畫作,聽朋友講原本成條村都係但因要拆卸,得番幾間屋仲係度,心諗當地既人都算係咁,比佢咁畫法又引一大班人黎影相,都幾嘈下,不過真係依位老人家雖然畫得一般但用色繽紛而且仲好好想像力,有趣

當中仲有兩個小朋友,想叫我幫佢影相,但老實我唔中意影人,而且男仔又唔算入鏡,所以影左張就唔多理佢,唔知係咪因為咁,佢成日都整我但我唔多理佢,最後係公園休息時佢又聊我,卒之就同佢玩下整下佢咁啦,都唔明白點解d小朋友咁中意同我玩,之前係外國又係咁係台灣又係咁,唔知我有咩吸引佢地呢,明明我就最唔中意小朋友既,哈

後尾睇完後就行番出去搵車搭,台中真係冇咩人,車亦唔多,好難先搵到架車搭,因planning唔多,去左間starbucks食左個tea就用火車站既目錄去左睇咩咩藝術區(原來只係一間coffee shop既東西)同埋犁頭店老街,但可能我地唔識行啦,除左一d住宅外真係見唔到咩老街,而且台中既太陽同溫度真係唔講得少,熱死人,所以行左陣完全冇咩睇就走人出去另一個本身plan落既景點紙箱王故事園區睇睇

的士司機又唔識路搵左一排先搵到入到去景區原來非常之細,得一間主題餐廳同一間賣蜂蜜同另一間賣記念品既鋪頭,哈,今次既台中之旅真係有點搵笨既感覺

好彩主題餐廳都幾特別,咩都係紙皮做,木台呀椅呀牆呀menu,bar木台reception等都係紙皮,而且飲品同食物唔多唔少都有紙皮既用料,入黑後既景色仲比日頭更靚,也不錯了

之後因食得太多coffee shop&意粉,所以skip了本身plan好既晚飯地,就番番去台北食晚飯

途中見人買左既火車便當,賣相不錯,但我地搵左一排都見唔到,冇得食真慘,番到台北已經8點左右,好肚餓,放低左d野就行番出去火車站附近既良品牛肉麵食,唔知係肚餓定點,總之就非常好食,之後又係無無聊聊咁行下就算酒店了


<09to15/10/10>
Photo Link <<<<<<<<<<<

No comments: