又黎一年一度既大東山之旅,今年可能因eason既關係,多人到呢,我冇咩研究但聽佢地講好多人係eason同一個位影相仲要擺埋同一個pose,哈
今次我地住番14號屋,上次果間16號屋已blacklist了,實在太細
我地今次有7-8個人,上到去時都唔算太晏係咁易食左個漢堡包後就出左去玩geocaching,又一次好快咁比我搵到,而且個盒幾特別,好似舊石咁但因為太細冇玩具連筆都冇冇得簽番個名,而且可能天氣唔係太好,見唔到日落,夜晚本身想睇既流星雨都冇緣見到,可惜呀
今次我地唔係打邊爐亦唔係煮飯仔而係食意粉,真係第一次,但依間屋好似欠缺好多物資,連大煲都冇個,攪餐飯都幾煩,而且上手人唔太好手尾,走時冇攪好個廁所又冇裝好水連地都冇掃就走人,真係極之有問題,投訴就一定了,太冇公德了,blacklist後就唔好再比佢地攪到人攪亂d屋就差不多了,老實個廁所太難攪,除左本身屎塔內既問題就係地下果袋發臭的東東,浸過水的手套膠袋等等自行發臭生蟲,加下外面的木窗lock死了,難攪,第一次有咁煩,damn it.
當然經過廣州事件,我地仍然有玩彈手指遊戲,一場場生死搏鬥加殘酷場面,我隻手指腫左,影左張相仲唔夠明顯,但我記得影時隻手仲震緊,哈
訓至半夜有人居然想爆門,可能我地係裡面既門鎖壞壞地,但又係第一次比人撞門入黎,大風都唔好亂黎啦大佬,行夜山就預左爆門想點先?
<11&12/12/10>
Photo Link <<<<<<<<
No comments:
Post a Comment