天光墟

睇戲睇到2點幾3點,出番旺角已經3點半,見肚餓就買左份報紙去茶餐廳食下野睇下報紙等時間過,因為本身已plan好左去天光墟睇金魚,見冇落雨就梗係等埋5點行過去界限街睇埋啦

未夠5點去到仲未開檔,過左一陣先有車到,開頭得三兩檔人亦唔算多,以為咁靜點知過左半個鐘個天差唔到光時就開始多檔開,人流亦多左,檔口主人對影相人冇咩感覺,有d仲好好人問要唔要擺pose,哈,但賣龜阿婆就唔中意影相,我都冇影見我部機已經唔高興,唔知咩原因不過算啦,不過佢對d龜真係好粗魯,攪到買果個人兄係咁叫佢細力d,哈

後尾檔口多至十幾檔,有紅蟲,有魚泵,有魚缸海綿,有幾款龜,有龍蝦,有寄生蟹,仲有其他既水草植物等等,都算幾多野睇,不過後尾就開始落大雨,我有遮都濕晒,地下仲水浸添,見影到都咁上下,6點3左右就走人了,真係好大雨呀!!!

<12/06/11>

Photo Link <<<<<<<<<<