17 November 2012

盂蘭勝會(十三) - 香港仔石排灣海陸豐盂蘭勝會

貳零壹貳年捌月貳拾玖號(柒月十三) - 香港仔石排灣海陸豐盂蘭勝會


因知道石排灣海陸豐會攪到好夜,所以去晒三個觀塘區既盂蘭勝會先搭車過香港仔,去到已經十一點幾,行過時見到好多老人家一袋二袋咁我以為派野,入到去見到戲棚冇晒,但一地都係垃圾,問過人原來係擺幽席,係旁邊既草地仲有好多祭品旗插晒係度,仲有好多成條麵包做台用黎插香等等,原來幽席係咁的,依度仲有好多包山,掛晒燈咁,同其他有d唔同,除此之外仲有好多後生仔女係度,ed活動多數係上年紀又或者係結左婚有家庭先會黎,自己一班後生人係度有d怪,但見佢有幾個水機有好多汽水啤酒等等,而另一邊有粥又有飯食咁,我覺得有d大排檔feel,可能有得食有得飲所以咁多後生人掛,感覺唔多似係工作人員,anyway,問過人原來夜晚係冇野做的,佢話要一點幾先開始化大士同拆包山

當中d人一直係度拆緊場入面既裝置,等到十二點左右就見有d婆仔係幽席又或者祭台執野,生果呀,麵呀,包呀等等,難怪之前d人一包二包咁走啦

到左一點幾開始燒紙扎祭品,婆仔呢就開始拆包山d布(包佢地就唔要,因有d發左毛,有d又好硬咁,依度既平安包唔見有人要,都幾浪費),跟手見工作人員一路跑一路掉香,d香四圍飛好彩同我爭好遠者,不過又係第一次見,聽講都係比d鬼食的,之後拆香,再後黎道士招魂後就係大士王度羅番個觀音走再化大士化幡(依度既招魂幡有隻楊桃係度,第二度冇見過的)等等,化大士時d竹燒到泊泊聲,好利害咁

之後2點幾就謝天地,所有工作人員都一齊跪拜,而婆仔呢就繼續拆布,3點就開始拆包山,要用吊車推霖佢先得,阿婆拆布工作人員拆旗等等,而時間太晏既關係,我睇左第一個包山就走人了,係香港仔番到家都已經4點,第日仲要番早開會,真係倦死

[29/08/12]
Photo Link <<<<<<<<<

No comments: