30 June 2010

貝澳camp2009

貳零零捌玖捌月拾肆至拾伍號 - 貝澳camp


星期五放工搭車去到貝澳已經八點,可能暑假關係去到camp site好多人,BBQ時聽到背後有人打鼓,感覺奇怪,當中又夾雜嘈之巴閉既蟬叫及不停來來回回的拖鞋聲,又非常有趣

同朋友講起,拖鞋真係一項偉大發明,唔知邊個國家咁偉大呢?同佢地講起細個最中意著住拖鞋周街走,會著住佢黎搭車搭地鐵去到好遠,但唔多唔少都可能有太求其既感覺,但家下d人更加將拖鞋發揚光大,去到邊著到邊,當fashion野咁著,如果唔怕比人踩死,拖鞋真係岩晒香港既炎熱天氣

丫,講起貝澳camp site,如果去過既人,就知道要登記,我地因第日有多5-6人到,所以就book左2個場,但fd入到去扎得一個營己天黑,燒燒下野食時,登記阿姐同一大班人走埋我地度,話個營地佢又已經book左,爭持左一排後知道可能係有人攪錯野,confirm左2個booking,攪到重覆左,當值阿姐可能驚比人投訴,就好努力咁去finetune我地兩班人,後尾我地可以比一半地方佢地但就要食完晒野先得,個阿姐卒之跟進到好夜先close file,我見隔離營十幾個人迫埋3個細營度,d衫又掛到周圍都係,十足十一百萬零一夜既bombay難民營一樣,哈

去到第2日,難得的陽光與海灘,食過早餐後就到海邊掘蜆,可能並唔係當造季節,我地又唔係掘左太耐,所以冇咩大蜆,只有一半兩公升汽水咁多既蜆,見唔太多,所以最後我決定羅番屋企食

去到下晝,又多左2個人到,見咁好陽光,所以就諗住玩埋下晝日落後先走,食過lunch後,去游水玩下飛碟打下排球,已經4點幾,又見水退,再幫佢地掘蜆,見到下晝多左好多人掘,但明顯冇上晝咁多蜆同埋細隻好多,可能唔係大水退就點都會爭d,當中仲見到好多泥?,成日係淺水地方度扮死,真係好驚一野踩落去我隻腳就慘了,之後掘左個零鐘頭,因為精力已經用盡,所以就番營執野走人了,後來又見有人到,問我點解唔訓多一晚,我就答佢因為之前已camp了一晚加上太多人得2個營,應該會熱死所以唔好攪我了,哈

回程時撞到朋友一直推介的正女女,遊水時見到佢,樣貌不錯身材及膚色亦十分ok,香港人真係少見,之前同bbq時講起可能佢係運動員先會咁fit.其中個一fd話聽到佢係帶人行山既人,怪不知啦,香港唔係運動開既好難keep到,外國人就得,哈,但佢把聲真係幾嘈,怪不知佢條仔執到好野都咁沉默是金啦,哈

<14&15/08/09>
Photo Link <<<<<<<<<<<<<<<

No comments: