坐11點機飛台北,因係星期六所以係香港買定火車票過花蓮比較穩陣,check過到機時間計埋羅行李唱錢等等煩野,仲要去買gas加食lunch,所以買左4點8車,去到台北東站附近既outdoor用品店,依邊真係黎咁多次台北都未去過,貨物齊全價錢亦唔貴,攪到佢地唔願走
食完野去到花蓮已經差唔多7點,當中經過宜蘭好大雨,希望之前叫朋友幫手整既晴天娃娃幫到我地啦,太魯閣依個山唔易行,落雨就更煩,唉
到左花蓮就去已經訂左既民宿,第一次住咁近車站既地方(之前2次花蓮都要搭車先到住既地方),都算方便但依間野唔係成日有人,我地去既時間就無人係度,所以要call老闆,搵到佢預先收埋既鎖匙就自己開門入去放低行李再出去食野, 間民宿叫handy
share house, 1150twd一日,係非常簡單既民宿,除左無人之外呢,第一個感覺算唔錯
我地行左去中山路搵野食(好鬼遠),食左鵝肉先生,味道還可不過就斬得唔好,好多碎骨成口係,最特別係鵝頭,連條長頸一齊上碟,幾有趣,而花蓮出名既菜炒山蘇都唔錯幾好食,丫,去食鵝肉先生前去左轉supermarket,買入山既食物,因第一日行完後第二日仲要行十公里,所以以輕便為主,求其食下麵飲下湯食一兩個罐頭就算
食完dinner就行番民宿,依度11點有門禁,仲要同老闆講要早開門比我地明天出門搭車,有時間限制既民宿真係有d煩,約好左5點半開門我地就搭6點車,而我亦同老闆講第三日要5點半開門因我要搭頭班車去台北自己玩老街(佢地去礁溪溫泉我唔去),老細仲好好人比埋間房我地放行李唔租比人,真豪,上到房環境唔錯而且乾淨企理,同層既有一間大少少既房,不過係地鋪而我地係床,一百蚊一人都算可以了,執好自己同分配好入山既野就訓了,因我袋太細要帶50L大背囊行山,好阻掟,激氣,希望明天好天啦
[22/02/14 to 26/02/14]
PhotoLink <<<<<<<<<<<<<<<<
No comments:
Post a Comment