6點4出門口去台北火車站搭7點車到中瀝,因唔會再番台北所以行李要到中瀝先放locker,可惜中瀝車站locker太細而行李房又未開,所以只好將袋入面既野羅晒出黎放入locker,自己就揹大背囊行老街,但因個locker太先進我整左幾分鐘都未得攪到個locker鬼殺咁嘈,最後有好心人幫我,卒之攪掂好行李,又要搵巴士去三坑子老街
因好行慈湖線9點前有車,所以我要搭桃園客運既5055車係8:05,其實時間非常趕,好彩搵到車站後都搭到時(中瀝車站外有2個中瀝客運又有桃園客運站,要行到最遠果個先岩),不過車費唔算貴,由中瀝去三坑一個鐘只要57蚊,不過就無咩遊客只有好多老人家搭,可能出去買送掛大包細包咁,仲有個老人家聽到我問司機要去三坑子老街,佢話我知佢係果度大,仲話其實無咩睇,哈
去到三坑老街果然無咩人落車同無咩外地人,基本上就人都唔多隻,anyway,先去比較遠既太平紅橋,順手去左有土地公公婆婆既新生宮,有好靚既袍同冠而且廟上既樑同雕刻好靚,聽講都好耐歷史,就係比較偏僻少少,本來想去睇龍潭鄉粗坑窯有個手抱bb既土地婆婆,不過太遠無去到,係太平村睇左洗當淨(同三坑既黑白洗一樣),仲見有村民洗緊菜,村民見我係遊客仲問我識唔識讀上面牌扁既字,我同佢講我係香港人國語唔好,佢話佢其實都唔識讀因ed係客家話先岩音,當中經過福德宮,土地公公笑容好好,台灣既土地公真有趣
睇到紅橋其實一般,不過環境還可仲有見到保護土河流既人工河流保育建設(清水坑),見一個台灣人踩電單車到依度影相,佢見我揹大背囊仲好驚訝我係行路過黎,仲要係自己一個人,我又嚇親一個台灣人了,佢話台灣好多野狗叫我小心,我話還好啦
之後行番三坑老街,可能我去親土地廟都會裝香拜拜,所以就算陰天有雨粉都好快停雨,今次仲要行公路無耐就見巴士可以搭番老街,行少好多路(指示牌話有4千米,怪不知好似咁遠咁啦),真係上天保佑了
番到老街睇左黑白洗,集福祠,永福宮,青錢第開庄伯公廟
仲食左好多羅白絲既阿香菜包,都幾好食,不過特色既冰滴咖啡,阿秋姨牛汶水,草仔粿等等就因唔係假日全部無開,可惜
睇完晒就番上公路等車返中瀝,總的而言三坑子老街應該同大溪老街一齊去先岩數,而且古屋亦唔多,如果平日就連特色小食都無,感覺比較單調,不過環境寧靜村民悠閒又係另一感覺
[22/02/14 to 26/02/14]
Photo Link <<<<<<<<<<<<<<<<
No comments:
Post a Comment