一早起身食完早餐就到火車站搭06:15車至台北,08:20到台北去到因行李房未開所以搵locker放行李,大箱一日100twd,放好行李就去國光站買車票到金山,整好晒野買好晒票都要成08:50先上到車
車程其實都幾遠,要個半鐘先到金山,我係市中心落車,本想睇下金山早市,可惜已經太晏得番好少街檔係度,不過所賣既野都幾地道下,我先食左一個芋頭茶果,都幾好食,再睇下d人賣咩,有番薯竹筍有赤殼箭竹筍等等,後者外型特別,見賣竹筍既嬸嬸剝筍,好快手同剝好左原來得番好細支都幾特別,仲有海鮮生果蔬菜等等,入左室內街市,人唔算多睇左陣就走了
未出發睇野前先到廣安宮前既鴨肉店食自助鴨肉,1/4隻要220台幣,價錢唔算平而且味道一般,不過自取再帶一碟碟送行出街搵位坐就非常有特色,而且見好多人都羅竹筍食,我都要左碟原來真係幾好食,好厚肉又嫩而且無渣,我覺好食過鴨肉,食完睇下廣安宮就走了,不過廣安宮入面好寧靜而門外面又好嘈好多人,對比好大感覺好趣怪,再行左去附近既慈護宮,樑上既木柱好靚,之後呢就開始左好倦既行程了
首先因我依日行程係突然加插,所以無gps係身,只有電話既簡單marking,第一站先搵金山舊機場遺址,再諗住去古宅芑豐居,不過單係搵磺溪橋三界橋都搵左我大半個鐘,之後既芑豐居就更困難,基本上無咩人知係邊或我完全聽唔明佢地講既野(應該唔係國語來的),最後行到聖德宮附近問路卒之有個叔叔知係邊,仲話好難搵,但佢會車我去,等佢放好野係家就坐佢電單車出發,真係幾遠,而且我之前都行過不過搵唔岩路入
去到芑豐居都幾古舊同幽雅,果度仲有人住,叔叔就同當地人傾計我就影下相睇下野咁,之後叔叔問我去邊,我話我要去法鼓山或金寶山,佢話行路好遠,咁就車我去金寶山放低我,佢話係附近同人傾計,叫我半個鐘後去搵佢,仲話我一個人咁樣去旅行同遊覽好大膽,哈
[22/02/14 to 26/02/14]
Photo Link
<<<<<<<<<<<<<<<<
No comments:
Post a Comment