15 June 2016

台灣太魯閣行山(花蓮,新北,桃園) 2014-02-22to26 – Day.03a(24Feb14)



一早起身執營煮早餐,望望天,天色良好,快手封好野食完早餐就出發去慈母橋(全長10公里行程由慈母橋行到去燕子口),guide遲左,我地8點先出發,係錐麓古道入口前既簡介牌講解下依度同日本人同太魯閣原住民既關係就開始行了

首先要係入口個小郵箱度掉個入園紙入去先可以行,一開始就係好多碎石既地方,不過就好近河邊,影左陣相睇下d古石就再行,無耐就到左一個急升上斜既一公里,guide話依度比較辛苦,而且佢見我地full gear咁行覺得我地好奇怪,可能台灣人一係行山一係露營好少我地咁又行山又露營掛

行完一公里就到左一個隧道,guide話要去小解就要去,因前面好少地方有得方便,而且女就更會麻煩,所以台灣好多女仔行依度都少飲水反而易中暑,對於我黎講,我話只要有多兩個人一前一後阻住條路我就可以搵地方去了,唔會有咩擔心,不過當然依度有得去就先去左先啦,出口有一大舊石係度,我估又係地震時震落黎既,花蓮唔係咁穩地,要行都其實有一定既危險性架 

再行就開始有鐵鏈,guide話本身古道特別係用黎運大炮既路應該全部係平路,但因日久失修加上花蓮成日地震,d古道已經爛左,要改行山路上山,所以有d地方就要爬,不過其實比起之前一日既文山步道,感覺上差不多可能依度仲好少少添,但有大背囊有時就唔多方便,我估細背囊行山會開心d

之後有d爬下碎石山有時d路都幾窄,所以又有鐵鏈,都算唔錯,如果唔係唔小心踩到碎石,可能就會飛落山,雖然之後睇相好似好驚險咁,不過還好啦

2個鐘後就到左一個斷崖口,加上藍天都幾靚下,影完相又行,睇下之前一日行既文山步道(卒之見到果個兩邊都係山崖既地方了)又睇下獸洞,guide6點後既夜晚,d動物會走晒出黎會好熱鬧,再睇下花花草草咁,行下鐵橋等等

其實依度望落都幾高,如果有少少畏高既都應該行唔到了,行過一鐵橋時,朋友見到有蜂巢,guide話係胡蜂,好危險既蜂種,夏天會非常多,所以行山有危險,好彩依度咁近山路既蜂巢d蜂仰訓緊,所以guide都影左相之後會叫有關人事去處理

丫入山時見有幾個太魯閣人員入山,聽講係執垃圾同睇古道既狀況保養等等,十公里路都幾煩下,不過睇得出台灣真係好保護依個山同古文物,再行見到一大堆草,guided果實可以食同當水飲,食落酸酸地咁都幾解渴,佢話原住民入山都唔帶水重要係邊行邊搵有水植物解渴就可以了,睇落都幾多植物有水份補充,睇完仲有一d沿石生長既植物,都幾靚下,之後12點左右就到左一空地坐低食下野先再行

行過一條橋,guide話原住民會收埋d鹽係山,因方便補充鹽份(山上欠缺既唔係水而係鹽份)同埋如果捉到動物就可以用黎保鮮免變壞,再前少少見玻璃樽碎片,係日軍時代留低清楚寫有大日本麥酒,樽身都好厚下


[22/02/14 to 26/02/14]
Photo Link <<<<<<<<<<<<<<<<

No comments: