一早起身係seven買完野食就行去火車站附近既花蓮客運搭車去太魯閣入面既天祥服務站再行泰山隧道去綠水文山步道(全長5.5公里),好彩天氣唔錯,無落雨所以還可以,唔係就會比較麻煩,因碎石懸崖同要爬上爬落既地方都真係幾多,而且揹大背囊,真係增加難度,而且聽講上年有個女仔係依度跌死左,真係要小心,不過好在某d難行既有落繩同鐵鏈,只要小心d就可以了
因算係受保護既地方(要permit),所以樹木生活良好都幾原始下,途中見到有大石跌落既地方,有d石仲好大舊下,連鐵橋都掉爛埋,如果地震就都幾危險(有d寫明易有大石滖下,我地快行就算),至於樹林既地方,都幾開揚下,仲見到斷崖,唔知係咪我地聽日行既地方呢?仲有見到獸穴(有d仲幾大下),架空鐵橋,2個太魯閣部落,根據簡介分別係馬黑揚部落-巫師聚居地,陀優恩部落-當時日本警察注守既地方,仲有日本警察同駁坎遺址等等
仲有經過一個山崖,不過就咁行唔明顯但其實兩邊都係山崖,對出係一個跑馬場既山頭,之前日本人用黎養馬的,再行就係落山為主,有度可能之前霖過泥,d欄杆一摸就霖,如果無經驗既用佢借力落山就會碌落山坡都似,再前見到有介紹一種植物,叫槲蕨,有好似鱗片咁野找住岩壁,之後就儲水生長,幾得意下
我地由8:20行到綠水文山步道盡頭已經係14:30,大約用左6個鐘,基本上除非係某一條河流上羅水沖咖啡同食飽後都無咩點停留過,不過影相同睇野就用左頗多時間,丫,係起步點我地見到一個天然溫泉,佢係鐵橋下面既山洞,見到有人浸緊好似好正咁,可惜我地唔係係依度過夜,唔係就正了
至於羅水既河流,我除左鞋行落去睇下,有好多蝌蚪,而且都幾大條,但河水好凍,佢地話依度係山流落黎既水,用溫度計有10度,感到好透心涼
行完綠水文山就順手行埋合流步道(2公里),可能依度近遊客既地點,見到遊人多左,我地行完橋穿過一個好黑既隧道去左一個小山腰,望出去既view唔錯,不過就易有落石所以多數係貼山行,而且行行下感覺到有少少地震(後尾問番第2日既guide佢話有3級,不過花蓮成日係咁而且依次唔震得勁,所以如果之前無經歷過地震可能feel唔到都唔定)
仲有行左弔靈碑最後未夠3點半去到合流營地,因時間尚早,所以我地行埋去附近既一條吊橋睇睇,不過就好多遊客係度,而且條橋只限8人,所以要排隊過橋,其實無咩特別而且算穩陣,景色亦一般般,所以行完就番營地了
營地見到只有另一家人用緊而且無職員,本來要每營200台幣既費用可能可以慳番,因第2朝我地又好早出發,至於環境呢,唔錯,附近有河,風唔算大仲有地台,每個營地旁有台,椅仲有水喉,真係未試過方便成咁,唯一係無地方掉垃圾(可能依個就係收200清潔費既原因),整好營6點左右就開始煮麵食,除左罐頭外仲有香腸豬手同湯飲,唔錯啦,起碼豐富過大嶼山camping食物,食完吹下水飲埋薑茶就訓了,明天早起,不過營地有地台真好,無咁凍,嗯
To Day.03a - 太魯閣
[22/02/14 to 26/02/14]
Photo Link
<<<<<<<<<<<<<<<<
No comments:
Post a Comment