台灣太魯閣行山(花蓮,新北,桃園) 2014-02-22to26 – Day.04b(25Feb14)

太魯閣,新北,桃園

25Feb14 Tue 新北-金山  Sunny day

金寶山環境清幽而且可以望晒成個金山區,不過因天色一般,好朦,但山上既佛像雖然好新但擺位唔錯,影相可以,仲見有2棵櫻花幾靚下,睇完就行落山搵叔叔,最後佢車我到朱銘美術館我就同佢byebye了,真好人,因依度有車番金老街,但因時間已經3點半,而館係5點就關門,所以無買票入去係外面睇下就坐巴士走了

依架巴士係台灣好行既北海岸線,半個鐘先一班車不過時間還可,而且仲見到有站去金山獅頭公園,太好了唔洗行,去到公園3點8,不過已經好多人行緊落山而我就反方向入山,依度環境唔錯而且好多亭睇海岸,見到野柳見到礦港漁港,一陣陣海風漁港氣味感覺非常舒服,前少少係盡頭見到金山景點之一燭臺雙嶼,加上旁邊既紅色涼亭,感覺唔錯,聽講日落同夜晚會更好景不過因要趕番台北,所以無等日落就走了,丫,仲見到個好似傳教既團體係個亭度分享緊d野,都幾識搵地方wor

睇完行番落老街,人已經少左好多,但見到原來一至三月係櫻花季節,不過櫻花街就好少櫻花了,而且因開始天黑,好難對焦,見到溫泉好想浸下腳不過都係算了,行左去老街食下野,食左雪豹冰城(芋頭同地瓜係好味),仲有芋棵巧(唔錯不過一件都好飽),仲有拔絲地瓜,甜甜地幾好食,之後就要番台北了,

因朋友約左台灣朋友食飯,本來諗住太晏唔join佢地但最後時間還可,不過因太飽食唔落,所以見過面等佢地食飽先返台北酒店,第一次去亞東醫院果頭,好似好遠咁,番到西門町已經十點半,住既地方係西門町尾尾既夢屋,3百幾蚊台幣,還可以,係架life好細同埋係地牢果層,不過出入方便,而且間房都幾大,放低野佢地出去行我就因行太多路沖完涼就訓了,明天又係早起既一天,哈

To Day.05a - 台北-桃園

[22/02/14 to 26/02/14]

Photo Link <<<<<<<<<<<<<<<<