貳零壹参年陸月貳拾至貳柒日 - 台灣花蓮,蘭嶼
一早係民宿食完早餐就出發去吉安車站(比較細既車站,但係去依度會近過花蓮車站),搭左8點左右既車到達台東車站已經係11點幾,雖然都好近碼頭但因要食野,所以都係早少少到好d,途中經過一個叫池上既車站,好多人上落車,而且有稻田,係街亦有人曬禾,而且仲有個阿姐賣池上飯盒,去到台東車站亦有一間鋪賣依個池上飯盒,後來先知係台東出名既稻米出產地,睇相都幾靚下,難怪當時咁多人上上落落
台東車站除左有幾間關於綠島,蘭嶼既counter,一般既便利站同一兩間食市外,周邊真係咩都無,好荒蕪既一個地方,睇地圖舊台東既位置就好近市中心,食野方便得多,因無咩食,所以就食seven飯團同沙津好了
食完野後出發去台東碼頭,半個鐘左右到左,依個碼頭只係去綠島同蘭嶼,去到羅好飛(搭綠島之星,蘭嶼民宿幫手訂),因未夠時間周圍睇下,天氣非常好,而且個碼頭周邊有個藍色圍牆,有晒d海豚圖案係度,加上海又藍天又藍漁船又藍,真係一眼望埋好多藍色,感覺唔錯
等左陣就上船,但因位置唔岩,所以要用木板落船,加上行李同大風浪,其實都幾難落,所以都係輕便行李會好d,船程要成3個鐘,而且聽講風浪大,好多人會暈船浪,所以都係食定暈浪丸好d,但都聽到好多人嘔,有d阿姐要攬住個垃圾桶嘔,好似好辛苦下咁
係途中首先見到綠島,應該好近台灣,之後呢就一直係海,浪就一般大隻船唔算太拋但海面見有白頭浪,之後好耐先見蘭嶼島,原來係一個好大既島,望近少少見有人騎車,而且條路非常斜,去到蘭嶼開元港碼頭又要用木板上,人同車都好多,無耐就搵到民宿老闆架車接我地番去了
係途中因天氣好既關係,所以天非常藍,係有四種唔到深淺既藍色,但因係車上影,出黎既相睇唔出,但眼睇就非常靚,至於景色,有少少似墾丁既奇怪石頭,而且條路好多羊,老闆話佢地係蘭嶼既紅綠燈,見到佢地要收慢車,車程中見比較多電單車,而且仲有班人準備游潛,但浪都好大下,唔知危唔危險
去到住既地方係東清部落,蘭嶼呢有機場(好細,而且機票要兩個月前訂先有位),望落好似好大,其實如果手查車環島只要一個鐘,主要車路得一條,有六個部落,分別係椰酒,漁人,紅頭,東清,野銀部落,行路要8個鐘左右,因我地唔識手查電單車,所以諗住單車加行路算了,但其實呢都有困難,稍後再講
上左民宿放低野就出去行下,條路都幾遠,因間野係半山,但就有露台望海,屬於安靜既地方,叫地瓜園,個名來自其中一隻細狗,但依隻狗仔非常熱情,而另一隻白狗就成日企係車頂吠不停,唔知做咩
行左落山就去行下,首先去左情人洞,其實無咩特別,只係有個圓洞,不過就好多山羊,但非常怕人,所以一行埋去就走,但有隻小羊好有型,但係半山舊石度唔知望咩,獅子王一樣pose,之後行左去涼亭,再去步道,但條路好爛,行行下仲似無人行廢路一條咁,而且時間都開始晏,所以就行番落黎
之後去搵食,我食左個飛魚餐,有少少似多春魚,但唔多好食,望出去見再月亮好近好大同好光,聽講先知原來係超級月亮,仲撞到個香港女仔,佢自己一個人黎,都係唔識電單車,但就照手查左一日,可惜佢係last day,所以無咩機會再佢講太多野,之後影完月亮就行番上半山,因月光好光所以都唔洗點開燈已ok了
因蘭嶼係台灣最東既地方,而且東清部落係睇日出既好地方,所以諗住早起身睇日出,早訓了
To Day.05
[20to27/06/13]
Photo Link <<<<<<<<<<<
No comments:
Post a Comment