13 December 2014

惠東平海 2013-06-07to09 - Day.01(07Jun)

貳零壹参年陸月柒至玖日 - 惠東平海

Day-01

都係差唔多一點先到惠東,今次人少d只有6,去到放低野就食lunch,都係抄米粉同栗米番薯等等,但因之前太多雨水,所以d菜呢明顯就無之前咁好食lu

因人少而且個個都出過去睇野,所以今次完全無出車就係屋度hea,訓完個午覺落樓下睇睇d雞鴨鵝牛,今次仲見到新整既龜池,因已經無咩太陽,所以d龜無走出黎,係晒水底好難見到到一隻

之後又見火龍果,聽講之前一晚已開花,所以好快就結果了,行行下見到老闆明哥,佢問我出唔出去拉牛,我梗出啦,去左出面既稻田,好綠好靚,明哥話已經開始收禾了,怪不知d稻咁靚啦,一路行一路見d農夫整緊田d,d工具都幾簡單下,所以仲有少少田園風光,係地下羅左舊青瓜黎食,明哥話之前好多但比雨打死晒,所以個瓜棚咩都無晒

行左好遠卒之見到牛牛,原來佢係上次既細牛(大果隻已經賣左比人,而係農場見果隻小牛係新買既),隻牛一路行一路食,明哥話佢仲未飽,所以要一路行一路食,如果見到中意食既草就會企定係食番夠本先願行,行下食行咁要成個鐘先番到屋企,行行下見到另一隻小牛,個樣好可愛,之後行到一塊空地,明哥話佢仲未飽,我問牛究竟要食幾多先至算飽,明哥話要食8個鐘,而且仲指左比我睇原來牛既左後方係胃,要食到脹起晒先算係飽,怪不知隻牛牛一路食都好似未飽咁啦,明哥仲講原來有牛痾過屎尿既地方有味,d草第二隻牛唔會食的,原來都幾講究,

放低隻牛諗住比佢繼續食,點知我地行無幾耐佢就係度狂叫,原來隻牛牛未試自己一個係天黑前仲放係農田,可能佢驚所以明哥就拉番係佢番農場,遲少少再餵之前割好既草比佢食

行番去既途中(已開始天黑),見到豆角田,原來d豆角就係一條條咁掛係度生,真係第一次見,採左一堆豆角番去加食送

晚飯有雞有魚有尤筒仔,條魚同尤筒好好食,之後去左雞舍睇雞同鵝仔,仲有見到幾隻雞蛋,明嫂話隻雞?陣間就會飛番上去再孵蛋,太耐唔孵就會死,不過原來雞都唔係日日生蛋既,真係唔講唔知我仲估日日都生添


睇左陣就訓了,個天有霞氣,睇星一d都唔清,無野睇就訓覺好了


[07to09/06/13]
Photo Link <<<<<<<<<

No comments: