21 December 2014

台灣花蓮,蘭嶼 2013-06-20to27 - Day.05(24Jun)

貳零壹参年陸貳拾日 - 台灣花蓮,蘭嶼


本來想起身睇日出,但太眼訓而且仲有幾日時間,所以訓到成8點幾先起身,跟手跟左老闆去羅單車,但因車無坡,而且另一間又過高,因車路好窄而且多斜路又大風,所以控制會比較困難,本身想試手查電單車,老闆又話如果無手查過就贊成手查,因為多上落斜路,而且有傷因係島所以好麻煩,有個日本人試過要叫直昇機要成50萬台幣,所以叫我地唔好試,so,我地見個天唔太曬,可以行路都ok.就咁決定好了

咁岩見到香港果個女仔要出去碼頭,所以我地就跟車出去食早餐先,東清得3-4間有早餐食,我地去左最傳統果間"旺來早餐店",50蚊早餐卷,我就用左佢黎食一個好似割包咁既東西,而且要左杯咖啡,味道還不錯

食完野首先去左最近既野銀部落,無咩太陽慢行其實都唔錯,用左半個鐘度行,羊唔多見但地面好多比車車扁既青蛙,可憐,去到可能時間尚早,而且好似比東清更少外人住,所以睇落賣野同埋食野既地方唔多,反而有一大排古老木屋係度,後尾睇番原來係傳統既原住民住宅,因成日打風既關係,屋好矮,下層(部份係地底)住人,上層(露天部份)放雜物為主,聽講成個蘭嶼係野銀部落會比較多依類傳統屋,所以咁岩都欣賞到,而且發覺蘭嶼好多教堂同基督教有關既東西,睇黎係以基督教為主(民宿老闆都係基督教),至於居民,男既唔多見,女既同老人家就有d,但多數閒話家常,而且坐係一d木製小屋度,吹下海風傾下計咁,生活都幾唔錯,羊呀豬呀雞呀狗呀一路都見有,亦係自由自在咁四圍行,好農村生活

跟手行到盡頭,因非常大風而且距離另一景點非常遠,所以我地行番轉頭經東清再前行,番到東清因時間關係,去左人漁和貓飲下野hea,之後就食埋lunch先走人,間野都幾多貓,但門面比較簡陋(因仲裝修緊,但因前幾日有人出海過左身,所以整個東清部落都停止活動用以悼念死者,而且地下會有條長繩,見依條繩就會停止三日而且亦不能過於開心,作用都係專重死者)

食完野就再行前,見到1-2個行山人士,不過行得好快,所以好快又唔見左人,我地行行下就過埋情人洞,涼亭同散步道,上左個山丘仔,因天色唔好,個海同之前一日爭好遠,無幾遠有d屋仔再前就係另一部落,所以就繼續慢行過去,途中見軍艦岩,係當年2次大戰時美軍誤炸既地方,就咁睇落都幾似一隻武艦,難怪會炸錯

再前就係一個山林工作室,賣小飾物既地方,有好多貓頭鷹既擺砌,而且畫得都唔錯,但無中意既t-shirt,所以我無買到衫,睇左陣再行前有一大座廢屋,門口有隻傳統既併船,研究左陣花紋再行入少少睇睇d廢屋,似係一排排既村屋又或者教會宿社咁上下既東西,不過已經無人住,再前係一塊掛晒紙牌既爛地,原來係同政府攪緊土地擁有權d,有晒facebook address,而且聽過老闆講佢地唔多讚成周圍開地,除非有必要否則唔應該周圍開地影響環境,依度既抗爭,應該係依類東西

再前係一大堆農田,有人耕種緊,亦有一兩間廢屋,不過無行入去,見時間係咁上下,就番轉頭,去左之前經過既反核吧,飲左咖啡啤酒等等,坐下hea下咁,老闆娘請左我地食飛魚,同之前一晚既dinner唔同,食個係蒸魚,而且用左門口一棵樹既葉用黎一齊煮,味道清清地,非常不錯,仲有見到一條相當靚既石龍子,亦見到曬緊既飛魚乾,所以蘭嶼其實真係幾多烏蠅既,另係坐緊個幾兩個鐘途中,見到有2個反核人士黎叫簽名,聽講蘭嶼有三至四個核廢料垃圾堆,真係唔明點解會係有人住而且非常倚靠海為生既地方放ed核廢料,

行番東清部落都四點幾,見無咩做就番民宿休息下,途中經過學校門口幅牆,原來畫左好多貓頭鷹,都幾有趣

番上去民宿,無咩做就睇下貓仔咁,依度既貓同狗都非常熱情,係熱情到差d令人受不了果隻,玩左陣就番上房休息,係露台望番出海,因多雲,所以海亦都只係一般,但有時有太陽穿過雲層打落海面,個景都可以既

6點幾就行落去食晚飯,見到小狗地瓜同另一隻經常吠不停既白狗,佢又坐左係車頂,之前一晚都係咁,可能果度係佢既onduty位置,可以高居臨下視察環境,基本上佢夜晚都係果度訓既,名符其實既看更狗

行落去食野,無咩得點揀,都係去左人漁和貓,坐左陣食左陣野,見到個台灣妹,同佢傾左陣食完野就去左最前既木台度傾計,吹下海風咁環境不錯,難怪日頭咁多男人係度坐係度傾計,講東講西就有其他一兩個人出現,都係原居民,又講下野咁,其實果度都幾黑,基本上只聽到聲,加埋風聲海浪聲又飲下酒咁個感覺都幾唔錯幾寫意咁,但可惜在太厚雲,唔見星,之後見時間差唔多就番上民宿了,夾好聽日再係同一地方傾過計,

To Day.06

[20to27/06/13]
Photo Link <<<<<<<<<<<<<<<<<<

No comments: