23 December 2014

台灣花蓮,蘭嶼 2013-06-20to27 - Day.07(26Jun)

貳零壹参年陸貳拾日 - 台灣花蓮,蘭嶼


諗住起睇日出但又係好多雲仲有閃電,所以都係無出去,浪費左係東清既日出好地方,anyway,有機會下次睇

卒之訓到8點幾,去食早餐再出發,點知天氣變得好好,個天又變番幾隻唔同藍色,沿車路影左雙獅岩,玉女岩,饅頭山,坦克岩,虎頭坡,去到開元港,因隻船仲未到,所以上左舊燈塔睇,條路都爛爛地但望落風景唔錯,睇左陣就落番去附近既超市睇,只係一般野,不過種類都算多,門口有人擺賣,睇左陣就番碼頭等船了,烈日當空,真係唔知好定唔好,黎果日同走果日都咁好天,可惜了個海,但又如果咁曬,我地無車又會熱死行唔得多,anyway,蘭嶼係一個好寧靜舒服既地方,但好似發展緊(聽台灣女仔講綠島多人好多,而睇澎湖好似好多遊客好亂咁),所以相對黎講蘭嶼真係比較rawd,相對地唔識查電單車又係比較煩,

坐十點幾船去到台東已三個鐘後,跟手坐的士再轉高雄,去到已經3,搵到間酒店(River hotel)攪得黎差唔多4,不過間酒店環境唔錯,好新而且間房好大,仲有接駁車,都算方便,佢樓下仲有單車提供,不過見時間已經好晏,所以無借黎用

沖好涼休息下就出發搵野食,去左六合夜市,之前去過不過係日頭,今次去係夜晚,雖然個個夜市我都覺差唔多,不過依個算大所以就去啦,經火車橋行過去,條街可唔係唔大路,所以好舊而且相信靜,入夜後應該唔可以咁行番酒店,anyway,去到都係食食食,而且感覺都唔算大,食左少少野,無其他特別,係有個蚵仔包既東西未見過,個樣好似酥皮湯咁,不過感覺一般,無食,最後求其買左d野食就番酒店了,無咩特別就訓了


[20to27/06/13]
Photo Link <<<<<<<<<<<

No comments: