16 December 2014

地球之友惜飲惜食-蔬菜統營處

貳零壹参年六月拾伍日- 地球之友惜飲惜食-蔬菜統營處

參加左地球之友惜飲惜食-蔬菜統營處,依個地方呢真係守衛森嚴,之前去過只係想行入閘影一張相都唔比,今次有機會入去當然係要參加啦

時間係上午11,都仲幾熱鬧下,開初以為之後仲有時間周圍睇睇,所以只係影左幾張相,上到去間大房,就有人講解蔬菜統營處既架構同埋歷史,原來佢唔係屬於政府既只係大老細係政府既統營處處長,成立於1946,而依個長沙灣蔬菜統營處就係1965年開始,都有咁上下歷史,整個部門只有二百幾人,全港入口既菜原來唔係全部都經依度出口,但某一d優質蔬菜,內地入口既菜都會經依度而出(至於有d直接羅菜既就唔經依度,可能越黎越多超市自己做番,所以蔬菜處理既比例係比之前少)

而經蔬菜統營處處理既菜有分幾種,第一種係內地入口,會經依個市場抽樣本驗菜之後先賣比菜商,第二種係有機菜,由統營處包裝再出街,第三種就係優質蔬菜,由信譽農場出產,有好農夫logo,佔全港4分一菜量

至於營運,原來菜商係唔洗交租既,但就要收最後交易既10%佣金,統營處就用賺左既錢放落農業發展基金度幫助香港農民

之後我地去左睇驗菜既地方,有分快速45分鐘同試劑40分鐘一個sample,每日要抽80sample,統計只有少過2%會驗出有問題,再去左睇晒菜乾既房仔,雖然落緊雨睇唔到生曬過程,d菜掛晒係度真係非常之香

最後去左睇餘菜處理,係全港最大型size既餘廚機,要行樓梯上去,只要既餘菜係來自內地送多左既菜(每日最多十幾羅,而且會有部份送去慈善團體),仲有係d菜頭菜尾,大約只有幾羅,每羅10斤左右,經過餘廚機出黎既係一桶桶營養液,會比番農民用黎種菜,但因只係菜多無肉,所以d營養液其實唔係幾夠營養,要再另加肥先得,睇完晒就走人,可惜在無機會睇市場內部運作

不過佢個舊counter都幾有歷史咁,可能加下電腦化,睇落已經無再用,至於其他地方,d似魚市場既間隔,不過地方還算乾淨,再有特色係d天窗,希望下次再有機會睇睇

[15/06/13]
Photo Link <<<<<<<<<<<<

No comments: