12 December 2014

香港災難講座

貳零壹参年六月伍日- 香港災難講座

又係香港史學會同商務書局既講座,今次係香港災難講座,講者係蕭國健教授

首先講既係香港氣候(亞熱帶)地理環境,生物易於生長同傳播(植物,動物,疾病易生長),而且亦多風災,水災,旱災同季節性流行病,再黎係因人類既傳播(人多易傳病),仲有人為災禍(起樓起路,火災戰爭,暴動等等),最後係居民面對既問題,因地少要起高樓但渠support唔到,所以更易傳播病菌

相呢就由山泥傾瀉,風災沉船,水災,旱災(四日供水四小時),日軍攻城,火災,瘟疫(太平山街鼠疫)等等而講及香港種種災難,當中以1960-1970年既流行性感冒同1894-1904年瘟疫散播講多少少,瘟疫提及到癘疫,癘即係動物既病為多,古時相信係瘟神散播癘,即上天散播,每年都可能有無可避免,而疫多為食物或天氣而來既人病,所以呢就有相應既民間習俗去求神避災

1.求雨(依個真係未聽過) : 上水大嶺求雨石(華山),瀝源神山(車公廟後山),大嶼山鳳凰山

2.迎神  : 蠔涌,瀝源車公(瘟疫年間請來),太平山綏靖伯,澳門深水土步太平山哪吒三太子,譚公,三山國王等等

3.舞火龍 : 大坑,薄扶林

4.盂蘭盆會,中元節,燒衣

5.酎神禳災 : 太平清醮,酬神,禳鬼等等

原來大多來自消災解難,怪不知香港有咁多廟同小習俗

再講係義冢義祠既設立,因早期多天災而且人民比較窮,所以就有依類既地方設立,開初(1856)來自廣福義祠(上環伯勝廟後面有廣福義祠),後交由東華醫院管理(1872),之後1896年重修,而義冢呢就有港島雞籠環,長洲大石口,和合石,樂善堂,東華醫院等等

亦講及香港醫院既設置(1872年東華醫院,1874年國家醫院即現西營盤醫院,1900年明德醫院,1905年細菌病院即香港病理學院今香港醫院博物館)

而因鼠疫,講到老鼠箱(市民捉到老鼠後放落老鼠箱比政府集中處理,而下係上環既水坑口街仲有老鼠夾賣),老鼠藥,洗太平地,家居街道清潔同防疫注射用以防災防疫


聽左依個講座,又知多d香港歷史,當年因建議簡陋,災難非常之多,人民生活亦相當困難,相信加下依代如果唔係因SARS,真係唔會切身咁明白疫症同天災既可怕性

[05/06/13]
Photo Link <<<<<<<<<<

No comments: