04 March 2010

歐遊(倫敦,巴黎,巴塞隆拿) 2008-04-30to12 - Part.01(Before 30Apr)

貳零零捌年肆月叁拾至伍月拾貳號 - 歐遊(倫敦,巴黎,巴塞隆拿)


其實去依個旅行都唔算攪左好耐,由上年年尾抽起條根話去,到今年年頭先開始計畫初步行程去訂機票車票等等,再之後成2月先開始訂酒店,因為得2個人去,長時間住doom唔多方便(唔理貴重野外,洗衫後要long衫都好煩),所以我地基本上係住hostel或民宿,全部都係以方便及價錢為首選,印象中好似攪左2-3日,英及西班牙網上睇,後者仲包埋早晚餐,25歐一晚有房住真係抵到爛,法國就係朋友介紹既,地區方便35歐仲獨立廁所,想點丫

其他行程基本上我都冇乜參與planning,因為實在忙到痺,我地好似差唔多出發前2-3個禮拜先攪好行程,last一站行程計畫仲異常簡單,可能問人借左本書同埋有部gps啦,哈哈

因為太忙,要出左個detail少少既planning計好晒所有行程既車錢,Museum既入場小費用等等先至可以唱錢,攪到差唔多到出發前一星期先叫屋企人幫手換左800歐羅,400美金,除左洗費外,依d錢仲要黎比hostel,因唔多想轆咭,預多少少係好d既

忙歸忙,出發前我都搵左日出旺角同埋鴨記買左少少野,因為我地係以經濟為主,會有好多晚食麵,hostel問過都唔會有煲依類奢侈品,所以我就買左個旅行水煲(開頭想買電匙圈煲水,但其實依樣野好危險,好易攪到跳灰士,格過價買外國牌子同旅行水煲都唔差得遠,所以最後放棄左),另外因為旅行日子長,好多野回港後好快會唔記得,而我又唔中意寫字,所以係鴨記買左隻平平地既mp3機去錄低所發生既事(其實我想做依樣野好耐,有時出去影想好想將果一刻既感覺除相片外用聲音記低,所以今次買左依隻mp3機正好有依個用途)

最後就係預備衫褲日用品等等,因為我係一個唔到最後一秒先做野既人,所以行李真係last果日先執,哈哈

上過網見氣溫唔算太凍,所以以短衫快乾褲為主,當然出得門,梗係要帶件防水風褸/褲同埋1-2件厚少少既衛衣同一件抓毛褸先岩數

拖板,拖鞋,叉電機,相機,食野及焗麵既餐具當然唔少得,銀包帶左2個,in case比人打劫都有得交代下,仲有個紅白藍膠袋要黎寄倉,仲帶多左個眼鏡,因為我好深近視,冇眼鏡我唔識行路既,哈哈....背囊其實唔算太重,起碼輕過平時去camp,都ok啦

出發,不過果日其實要番工,仲忙到仆街的,攪到飯都冇得食,唉

依個trip既前夕係我做野咁耐最冇holiday mood既一個假期,平日放假多過3日以上已冇咩心機做野,今次放成3個禮拜一d holiday mood都冇,可想而知忙成點,太可怕了


<30to12/04/08>
Photo Link <<<<<<<<

No comments: