第2朝既早上,天冇再落雨,放低鎖匙後,開始離開london了,一大早既king's cross,感覺良好
大約11點左右,已抵達paris既戴高樂機場T1,對於一個從未到過法國既人黎講,依個機場既簡陋性實在令我嚇一跳,首先係出左飛機冇幾耐已有一大堆商鋪,果時仲未出customs架喎,好奇怪,我唔知其他地方係點,但依個都係第一次見,之後冇幾耐黎到customs既counter,簡單而細到呢,簡直係casher一樣,哈哈,佢問左我一兩個問題後就放行,一出到去已經係行李帶,嘩,方便到呢,羅左架行李車後,係人山人海中間企定左個位開始等行李,再次奇怪地行李帶旁邊既玻璃,已經望到出面既人,再望出去不遠已經係機場既街外,心諗係度接機真係一目了然好方便,萬萬想唔到,依個簡陋既戴高樂機場,居然係惡夢既開始
羅完行李行去搭RER出市區,去到車站大堂,一樣的簡陋而人山人海,左行右行,卒之黎到買ticket既機,但發覺度度唔係比coins就係credit card. oh no,我地兩個都冇coins係身而亦冇credit card禁錢既習慣,真係唔知password係咩,所以兩樣都冇得用,周圍亦冇唱錢既地方,問info counter,佢話一係係bank唱外幣一係出番去買野唱錢,因我地已一早唱好晒錢,所以只好行番出去買野食唱coins啦,食左個價值3.6euro既lunch後,卒之唱夠8.4搭車了,加埋研究RER同Metro既路線,卒之攪左粒幾兩粒鐘再開始出去,唉
去到酒店,古式古香,感覺良好,但要行成5層樓梯,加上之前果日係london行到死死下,真係睏到呢,上到間房,四四正正,街外景色亦不錯,係個廁所真係好細,但有得用獨立廁所,仲想點丫
放低行李後,開始出發,岩岩撞正佢地攪巡視,熱鬧而有趣,去到metro後,開始要買ticket,因唔記得帶metro ticket既record,所以又研究左一輪買咩飛,卒之買錯左全日飛Mobilis,但因為第一日都去好多地方,計落都同10張既carnet差唔多者
因係機場同埋路線方面攪得耐左,行程轉晒,我地首先去左凱旋門呀,香榭麗謝大道呀,巴黎鐵塔等等先,再係日落左右過左去協和廣場,全日天色都係麻麻,天陰多於天晴,基本上對於大部份既景點印象都係一般,只係去到協和廣場見到成個天紅晒,好似火燭咁好過引
天黑既時候去埋Trocadero,係對面望向夜晚既巴黎鐵塔,不錯
幾中意佢地d景點冇遮冇擋,取景容易,Trocadero亦全黑一支燈都冇,咁先可以唔影響到人地睇景既意慾,香港真係要學下人地o剌
夜晚差唔多十一點先番酒店,地鐵好靜儀話有d驚但我覺得都ok丫,好中意法國地鐵既廣告同埋四通八達迷宮一樣既感覺,雖然係烏糟左少少,但總好過乾乾淨淨而全冇特色,哈哈,不過好似佢地會慢慢改變,到時會變晒一樣的燈箱一樣的metro站了,我不大喜歡太trendy反而失去靈魂
夜晚沖完涼食完面後已經12點幾,望出去既感覺依然安靜而良好
<30to12/04/08>
Photo Link <<<<<<<<<<<
No comments:
Post a Comment