西貢怡庭營地camp

貳零零捌年陸月貳拾至貳拾壹號 - 西貢怡庭營地camp

落左成個月雨,卒之黎左個酷熱天氣警告加曬到暈既camp lu,依度個名怡庭營地,係西貢麥理浩夫人中心附近,我地一行四人加一條狗係市中心坐的士入去,門口冇咩指示,好容易走過籠,好彩有個唔知咩拱門既東西係入口,好別緻,可能依個名係咁黎都唔奇,落車後行唔夠幾步就到營地,仲快過我地平時羅水既距離,營地真係好細,應該放唔到5個營,但自成一角尚算不錯,整好晒野我就同俊仔去左羅水,依度真係幾多蜘蛛,我地行左一陣已經拆左成3-4個蜘蛛網,d蜘蛛真係幾大隻,唔整走佢真係好易比人走上身,去左羅水既地方,熱辣辣一見到條河真係正死,又大d水又清又涼,我地即刻放低d水袋玩陣水先算,上左一級d水仲深,爭少少底底都濕埋,可能太高興得濟,我比d蚊係咁針都唔知,羅完水後成個豬頭咁番番上營地,痕死,但咁大個池d水真係正,我估我地應該會再黎

晚餐又雞又咖哩薯仔,仲冇lala有臘腸,咖哩臘腸飯,哈哈,有d怪怪地,但都幾ok.可能天氣太熱,食唔到幾多野,求其食完係咁易洗下碗就熄晒d燈睇下星星,雖然好多星星,但月亮太光,其實都睇得唔太清楚,天氣夜晚比較涼,但衰在冇咩風,同布甸依隻城市狗落馬路去完大小便後,就差不多訓覺lu,我背心短褲加草蓆訓覺,訓到半夜都涼涼地,要come被,但幾舒服,仲以為會熱鬼死,但訓到天光都唔太熱,真係幾涼爽下,平時夏天去camp多數係熱醒,可想言知今次訓到唔願起身就知幾咁爽lu.

我發覺依度d蜘蛛又多又勤力,整爛左既網好快又整番好,但d蚊就一時時,但我都比蚊咬到死,佢地沿住d血管咬,隻腳d蚊懶就好似d星河又或者鐵打鋪既經脈圖咁,好利害,攪到我日落時要走番入營避開佢地,但雖然係咁,番到屋企數過下,腳有成40粒,手都有16粒,下次都係唔再短褲了

<20&21/06/08>

Photo Link <<<<<<<<<<<