02 may 2008 Fri Paris Sunny day
法國既早餐天氣不太冷,但望落街上而既行人,多數大褸厚衫,可能一早一夜天氣既差異,所以衫佢地會著多少少,但我怕正午時熱死,都係短衫加件Fleece算了
食過早餐後,開始出發去聖心堂,Place du Tertre廣場,Cafe des Deux Moulin,紅磨坊,老佛爺,春天百貨等等
由Abbesses車站一出冇幾耐已有一間教堂,入去參觀一下,內部不太大,但教堂既玻璃裝飾幾靚,不錯.行上去聖心堂,沿路望落去既景色唔錯,周圍人來人往,熱鬧非常,去到Place du Tertre廣場,仲好多人係度幫人畫畫,但我興趣一般,反而行行下去到一間麵包鋪,買過麵包後繼續上山,卒之到左聖心堂,因入面唔比影相,睇左一陣後已出番黎食下lunch,人雖然好多,但仍有地方坐下,聽下賣藝既小提琴家既音樂,望下山下面既景色,壯觀而美麗
之後經樓梯行落山,到左電影愛美麗取景既小山丘,電影同真實果然不大相同,感覺一般反而對上既一大片草地,我就好中意,陽光下訓下休息下真不錯
落山後冇幾耐去到cafe des Deux Moulin即係愛美麗果間cafe,門口果幾張膠椅,真係正到呢,哈哈
紅磨坊可能真係夜晚先會靚少少,我覺得周圍好古舊,反而中意佢旁邊既街道多一d
之後我地好急咁去左下一站既老佛爺春天百貨等等,點解急成咁?因為真係好急囉,法國既廁所要比錢,所以趕住咁去百貨公司睇下有冇免費廁所用下,哈哈,原來真係有,但好鬼靚添,幫襯完廁所,佢入面所賣既野我一d興趣都冇,仲覺得佢地門口有d似裕華國貨添,所以冇幾耐就離開左lu
搭metro時見到架雙層既車,好過癮,我地揀左樓上搭,但攪笑地因車箱太高,見唔到d車站個名,佢地d車又快車站又近,仲要坐樓上睇唔到站名,真係好易miss,所以都係坐番樓下算lu,哈哈
悠悠閒冇咩做,番去酒店對面既餐廳食個價值7.5既晚飯後再出去行下,希望睇下日落既巴黎鐵塔,結果係咩都冇得睇,哈哈,但個天暗暗地望落都唔錯丫,有時天未全黑前既天空,係有另外一份美感既,你話我安慰自己都係咁話o剌
今次我地係Trocadero搭metro走而係沿廣場既樓梯一路行去鐵塔底,佢旁邊既旋轉木馬比起鐵塔旁既靚得多,可能古老d感覺好d掛
<30to15/04/08>
Photo Link <<<<<<<<<<<
No comments:
Post a Comment