04 may 2008 Sun Paris Sunny day
好天氣下到訪凡爾賽宮(Versailles),因為地點比較遠,食過早餐後係hotel附近買埋下午既麵包後就出發,因為ticket-T不包括凡爾賽宮,要另外買飛,車程亦差唔多要半個鐘有多,係法國既RER中已經算時間耐lu,因為佢地站與站唔太遠,車速又快,所以搭metro同rer時成日一不留神就過站,哈哈
黎到凡爾賽宮已差唔多中午,廣場人龍處處,但冇想像中咁多人,尚可接受,但因冇遮冇掩,烈日下暴晒個幾鐘如果係香港應該會中暑,但法國可能天氣乾爽,感覺上還可以,之不過唔係太明白點解買飛同入場要分兩度排,排完飛又要排入場,真煩.
因為全票要差唔多20歐,所以我地飛左噴水池同埋Marie-Antointte而揀左只係13.5歐既Billet Chateau門票,基本上係睇主樓而已,入面比我既印象係金壁輝煌加人頭湧湧,太浮誇唔多岩我,但頂既壁畫真係幾靚,之但係睇得多頸都斷,中途仲撞同公司既同事,雖然早知差唔多時間到法國但估唔到會係多人到爆既凡爾賽宮入面撞到,仲影左張全程唯一一張相添,哈哈行晒主樓後法國人都算有良心,放我地依d平飛既人出一出去花園睇睇,雖然活動範圍唔多,但都算離遠望到個大花園同埋噴水池,表演睇唔到只好係大花園既邊皮食過lunch,之後冇咩做我當然又訓番陣,係皇宮訓都唔好話唔型,之後噴水池表演完後,睇場既人走晒,我見有人推開左d欄入左花園,咁我當然唔會放過機會跟埋入去,地方真係好大d草又長又厚,訓落去真係唔多想走,但佢個迷宮好多蚊,我地入左去一陣就走都走唔切
之後見仲有時間,去左Palais de Tokyo,但個展館岩岩close左去到月底,唉,咁只好睇下佢旁邊賣野既地方,鋪入面既裝修都幾raw下,牆同地下有好多公仔,畫又好噴又好,幾過癮,見有幾本graffiti既書,幾有趣,睇睇下又去左成個鐘都有,之後行左去另外一間,佢地有d展品係度,但個價錢在我黎講貴到爆炸,真係睇下就好了<30to12/04/08>
Photo Link<<<<<<<<<
No comments:
Post a Comment