07 October 2013

台南市,台北,新竹_內灣 2012-10-14to19 - Part.01(14Oct)

台南市,台北,新竹_內灣

14 oct 2012 Sun 台南市 Sunny Day

係高雄搭火車到左台南市,台南火車站還算舊,但總感覺冇高雄果個咁正,行左去搵民宿既接洽地,因住果度未執好房,所以放低行李後就去附近既地方食lunch,係舊街市食左阿瑞意麵,還可,丫,台南真係咩都係老店,依度又話50年果度又話60年,唔知真係咁多保留到定係招來既方式,嗯

行左去海安路睇睇,天氣仲係好熱,而且台南好陽光,感覺還可,因地方都幾近,所以就行去,屋真係算舊,電單車來電單車往感覺都幾城市,但就係未係好發達去到一式一樣核核突突工整樣板城市化,而且三點左右鋪頭都唔算開左好多,所以有一點點特別既舊味,去到海安路,兩旁舊屋但整過少少,又唔算太人工化,兩者還算和諧,但就比較細(唔知係未行晒定點)

之後行去神農街,途中又經過d舊屋,頗日式,當中經過南沙宮,只o係入內睇睇之後就好快到左神農街,都幾舊下,因係平日人唔算多,還行得頗順利,而商鋪都係果d野啦,唔多講了,而屋既舊門窗同露台改動甚少,感覺不錯,仲行左金華府,樑上木都幾古舊,但未至於太大,而神像就非常多,而且帶有一股氣勢,嗯,行左陣就比人叫番民宿,其實有少少掃興,不過又未至於太強烈,因舊既感覺還未太令我興奮,只係一般而已

去到民宿,如果唔係有車真係幾難搵下,我地住係2同3樓,3樓係天台,而依間謝宅民宿特色係屋入面有棵楓樹,貫穿地下二樓同三樓,而且係老屋,加上民宿主人喜歡執舊野,所以一屋都係舊木舊傢私,感覺幾舒服,管家姐姐介紹完屋就介紹出面有咩玩,出面其實幾條街都係食街所以大把野食,而佢話夜晚好靚既地方,我地後來出左去,其實好一般,可能香港夜晚實在太精彩,所以得出
黎既準則唔同掛

出去既途中順手行左海聖會同海安宮(p.s.台南市極多廟宇),前者好細而後者兩棵大樹做門口極有型,依度既廟去到夜晚9點,同香港有少少唔同,咁晏入面當然冇咩人,而且整得太四正,所以內裡感覺一般但門神不錯,去番神農街因d街燈問題,冇咩點影相就去左搵野食,食左赤嵌棺材板,一般,因之前mark落既野好多都收7點,所以係國華街求其入左間野食擔仔麵,叫侯夜擔仔麵,味道還算不錯,後尾慢慢行行番去之前民宿接洽點既cafe,入去前係佢隔離食左蜷尾家既日式雪榚,依度非常好生意,朝早時排長龍,夜晚仍係排緊隊,佢得兩款雪榚,係抹茶可可,可可味道太搶我反而喜歡抹茶,之後入左cafe飲野仲食左個布甸,嗯,都係尼泊爾果個好食

番歸傾計傾到兩點幾三點,我就訓2樓,比較細但d蚊帳幾靚,真係好耐無用過

To Part.02 - 台南市

[14to19/10/12]
Photo Link <<<<<<<<<<<<<

No comments: