play list

08 October 2013

台南市,台北,新竹_內灣 2012-10-14to19 - Part.02(15Oct)

台南市,台北,新竹_內灣

15 oct 2012 Mon 台南市 Sunny Day

第二日一早起身去左食阿堂鹹粥,佢雖然係粥,但係都算多料,主要有台南出名亦係非常普遍既虱目魚,味道唔腥而且感覺非常飽,仲食埋當地人時常食既米糕,味道唔錯,之後就去左廟(因有朋友要搵月老,哈),之前都講過台南好多好多廟,所以我係搵gps時都做左少少功夫,係神農街附近搵左5-6間廟,全部都係好近既,而月謝宅小五講既月老廟,有三間都係我既planning入面,所以食完野就一早去了(小五話朝早拜月老會比較好,月老冇咁倦會靈d喎),之前仲順便去左保安宮,護境松王既百年夫妻樹睇,老伯仲問朋友結婚未,之後知道未,就好隱悔咁介紹點睇果個百年夫妻樹,佢隱到前part我完全唔知佢講咩,但係另一角度睇就知知地咩事,後尾可能佢覺朋友聽唔明就講多少少,嘻,果然同我睇到既一樣,老佰真攪笑

之後去左開基武廟,大天后宮,萬福庵照牆,大天后宮真係大,而且好多供奉左神,不過天后又有埋月老開頭我都覺怪,但後尾睇多左,台灣好似習慣將眾神放埋一齊同香港既有d唔同,其他國家下次先研究,不過印象中就算有都無咁多,anyway,攪左一輪朋友拜完月老後就走人,丫,依度唔知係咪因有祭典,所以見到好多米斗同平安米,仲有一d類似煙花既東西,可能夜晚用,btw,佢依度用衣紙香同埋糖黎拜祭,話中意食甜野喎,見到有包旺旺又或者有包冰糖係面,有點特別,仲比左香油錢買左包平安米先走人,而萬福庵照牆呢,去到就整緊,一片頹垣敗瓦,望入去個門神好古舊,係我喜歡既style,可惜入唔到去睇,仲有經過左赤崁樓,因為要比錢而且之前search過唔太吸引,係門口影左張相就算

本身仲行埋開基靈祐宮,但入左巷唔見,轉左兩個圈搵唔到,算了,行耐左有少少肚餓,搵左間類似cafe既東西,食下野飲下野,當中見到疑似騙案,類似3夾1賣珠寶,見猛落咀頭唔知最後成唔成事,出左餐廳順手去埋附近既開基武廟同祭典武廟,都幾大下,而且感覺比較舊,無咁工整我比較喜歡,而月老廟香火旺盛,行左一圈流晒眼淚

本身係plan左係孔廟附近蹉單車,但因好多馬路而且朝早行廟行耐左所以放棄了,行去孔廟途中見到一個疑似太空船既東西,影左陣相去到孔廟已經4點幾,襯未關門行左陣,地方唔太大但都幾舒服,依度特別在好多大牌匾,上到天花咁濟,之後仲見到樹上有好多松鼠,唔太怕人仲有撞到個餵松鼠人,隻隻都有名,而且聽講只有一隻會咬人,所以都一齊餵松鼠影下相咁,但近睇佢地其實冇香港英國果d咁可愛,比較大隻而且有d似老鼠,哈,行左陣孔廟附近既商圈,平日而且已經開始入夜,冇咩人冇咩睇,因時間太晏本身想去係孔廟附近既台南城皇廟同廷平郡王祠都無去到,嗯

後黎去左附近既窄門咖啡,佢係兩座樓既中間,入口真係非常窄,爭少少行過都睇唔到,上到去係一座舊廈,地板行時有聲,聽講係80年既舊樓,飲左咖啡食左少少野坐左陣就走人

行番民宿附近既食街食野,我就一個人去左食阿明豬心冬粉,好死多人但其實都幾好味,之後行過見到臭豆腐,岩岩先係窄門傾計時講起咁岩見到就買左黎食,聞上去味道雖然無咁濃但都差唔多係果隻味但食落就同香港唔同,食左少少就去左間之前一晚經過既古老design既食店食野,個名叫沙卡里巴,門口就有2張好大既懷舊手儈畫,入到去好似歌廳既設計,聽講係因之前依度附近係日本管治下既娛樂地方,所以依間鋪就係記念當時既情況而成,野食好多都好ok,除左後加既招牌菜蝦抄蛋,可能香港食得太多,依度就變得冇咩特別

番左謝宅沖完涼影下間屋既夜景十二點零就訓了,今次轉左訓三樓,地方大d對出望見楓樹氣氛比較柔閒,無電視其實幾好,感覺比較純粹,但當然地方唔夠花蓮大所以hea感無咁強烈啦

整日係廟行同tea time,發覺台南市其實唔太大,好多地方都行到去,但就朝早無人,夜晚先多人多鋪開,而且d人真係唔洗訓,2-3點街上仲有鋪開同埋好多電單車行,原來依度係美國時間來的,哈

丫,忘記左第二日一早就比戰機嘈醒,無錯,真係戰機,仲要好近,後尾係街都耐唔使見到,仲要係拍拖更,兩架一齊飛,唔知關唔關釣魚台事呢

To Part.03 - 台南市

[14to19/10/12]
Photo Link <<<<<<<<<<<<<<

No comments: