play list

22 October 2013

日本大阪京都 2012-11-21to12-01 - Part.05(25Nov)

日本大阪京都

25 Nov 2012 Sun 京都 Sunny day

又係8點幾出門口,食完早餐搭車去到京都搵得地方黎已經10點,住既係民宿,雖然近京都站但行入去既地方幾靜下,而且我地住晒一座,地下係廳樓上係房,雖然唔算大但有埋廚房又幾好,可能依度係背包人士住既多,所以係度做野既人見到佢地一個二個?都嚇親,嗯,拉入黎果時經個d民居都真係好嘈下

放低野就出發去睇廟,因天氣好既關係,係民宿行出去京都站既路邊d樹都好靚下,最搶眼既仍然係黃色既銀杏,因之前一日影相影得太耐,所以要爭取時間,去到京都站搵車搭當然又會攪一輪

去到首先係睇大約係十二點,因係星期日而且係日本假期,非常非常之多人,去到第一站既東福寺,有人已經頂唔順要走人,我地呢就只好自己入去睇啦,係入口既橋度非常多人但人人都想影下個樹海,葉非常濃密但就以紅色居多,而且好迫,所以只可影左一兩張就算,好難想像如果唔係釣魚台事件,加埋一大班中國人去我都唔知個情況係點

anyway,行前少少就鬆左d,首先去左方丈南庭,還可,而且可能唔夠位放鞋,每人比個膠袋袋鞋,睇番成個膠袋陣,好笑,再出番去行園林,人算多但還可,而且個園林好靚,真係七彩色,加埋陽光同比較近距離既關係,非常好

出番去集合番就去搵野食,因太多人所以就係便利店買左個飯團食就算,係行去伏見稻荷大社途中食左個甜甜地既野,好似福餅既東西,熱熱地還不錯,去到伏見稻荷大社已經係3點幾,根據4點幾就天黑晒既定律,要趕係日落前睇野,入到去以橙紅色為主,有好多狐狸,但都係因好快天黑既關係,去睇左個主菜千本鳥居先,可能因遲既關係(後黎睇番書,d人多數係去左依度先去東福寺),人唔算太多,還可以行到下影下相咁

行下行下又就快天黑了,依度行晒原來要成二個幾鐘,我地行左好耐都好似未行完晒d鳥居咁,所以就落番山了,落到山岩岩好日落,集合番就係稻荷站搭車番京都,番到去6點幾,放低野坐左陣出番去食野,之前走去JR買去嵯峨野既小火車ticket,點知賣晒,要一早walk-in去買,之前呢我無咩點研究過個行程,但佢地講到個小火車好重要咁,如果到時買唔到可能會好失望,不過佢唔接受海外訂一定要日本買,而且紅葉旺季加上位少,所以好易爆

anyway,因第二日落雨,所以轉左再多一日好天先去,所以唔理咁多,去搵野食先算,今次係食手拉烏冬,都幾好味,第日又係落雨,所以係主力係廟,嗯

To Part.06 - 京都

[21/11/12 to 01/12/12]
Photo Link <<<<<<<<<<<<<<<

No comments: